دواسة الفرامل

[The_School]

على الماشى ممكن سؤال
هو طبيعى فى كل السيارات الحديثة انك تدوس على الفرامل بمقدار 2 او 3 سم والعربية تفضل ماشية ولا دة عيب عندى فى دواسة الفرامل
انا كنت راكب قبل كدة مازدا 323 قديمة

[mostafabakry]

طبيعي جدا طبعا و اكتر من كدا كمان

الموضوع بيتوقف علي العربية ماشية علي سرعة كام و ماشية علي طريق شكله ايه و حمولتها كام

[tamer61]

طبيعي .... مفيش أي مشكله.

[The_School]

شكرا علي اهتمام الأخوة في المنتدى وسوف احاول ركوب سيارة أي زميل والقيام بتجربة

[A.Saad]

عربيتك ماشية اد ايه
وهل المسافة ثابتة ولا بتزيد

[The_School]

العربية ماشية 4500 كم انا بسأل عشان اقول للمهندس فى صيانة 5000 ولا دة عادى
والحركة دى بتحصل فى اى سرعة ومع تحميل اى وزن
وهل فية حاجة اسمها رجلاش يتعمل فى الدواسة ولا دة كلام غلط

[A.Saad]

لو العربية محملة وزن شوية يعنى شنط سفر او كام شخص وزن كويس هتحس ان المسافة اللازمة للتوقف زادت
لكن الدواسة ملهاش دعوة
الرجلاش بيتعمل للتيل
غالبا ممكن ياخدوا هوا
وطبيعى ن بعد فترة تحس بالمشوار ده عن الاول
وشوف الزيت فى الخزنة مستواه ايه

[haytham1542]

انا لسه معملتش 50 كم بالعربية انا لسه مستلمها - بس حاسس ان الفرامل علشان افرمل ادوس جامد - سؤال هل الوجان الفل اوبش ليس بها abs?
السؤال التانى هل ده طبيعي فى موضوع الفرامل و لا اروح للتوكيل يشوفهالي و يسحب هواء منها ؟

[themyth999]

هو اللي انا اعرفو من خبرتي المتواضعه في سواقه السعربيات
ان دواسه فرامل اللوجان مشوارها طويل شويه عن العربيات التانيه
يعني انا سقت ابيزا 2007 و تيريوس 2006 و هيونداي 2006 و حاجات تانيه كتير
بس في عربيتي اللوجان بحس فعلاً ان في فرق شويه
دواسه الفرامل في اللوجان لازم تدوس عليها سنه اتقل من العربيات التانيه عشان تديك التوقف المطلوب
و الله اعلم