الكاسيت و نور الصالون مش شغالين

[mstfysn]

السلام عليكم و رحمة الله و بركاته

انا لسه مستلم العربية امبارح لوجان 2011 سيدان و للاسف الكاسيت و نور الصالون مش شغالين :(

حد من الشباب يعرف المشكلة دى تتحل ازاى

و جزاكم الله كل خير

[mohmdomar]

فيوز يا باشا
وطلع مكانه من الكتالوج احسن بدل ما تروح عند الكهربائي و يفكهملك واحد واحد عشان يعرف اللي بايظ

[wassim_nasser]

طيب يا باشا مش كنت جربتهم قبل الاستلام؟ عموما سهل جدا تحجز صيانة والتوكيل فاضى اليومين دول وبإذن ربنا حلها سهل

[tamer61]

على غطاء علبة الفيوزات مرسوم مكان كل فيوز فين بالضبط و في نفس الغطاء حتلاقي فيوزات إحتياطي و كمان مشبك علشان تشيل الفيوز به. و العلبه دي حتلاقيها علي إيدك الشمال و إنت قاعد على كرسي السائق و تبقى فاتح الباب " في الجانب الأيسر من التابلوه". و تقبل تحياتي.

[mstfysn]

طيب يا باشا مش كنت جربتهم قبل الاستلام؟ عموما سهل جدا تحجز صيانة والتوكيل فاضى اليومين دول وبإذن ربنا حلها سهل

معلش يا باشا ان اللى غلطان

[mstfysn]

انا بصراحة دى اول مرة اتعامل فيها مع مشاكل العربيات
ان شاء الله هشوف موضوع الفيوزات و هرود عليكم

جزاكم الله كل خير

[haytham1542]

و انا باستلم العربية من التوكيل الكاسيت مش كان بيشتغل - فجابوا الكهربائى و فك لوحة الفيوسات و نفضها من المياه و اكد علي الفيوزات و ركبها تانى و اشتغل الكاسيت - فانا ازيد انك تروح التوكيل علشان كل حاجة تبقى تحت عنيهم

[tamer61]

انا بصراحة دى اول مرة اتعامل فيها مع مشاكل العربيات
ان شاء الله هشوف موضوع الفيوزات و هرود عليكم

جزاكم الله كل خير

ألف مبروك على العربيه و ربنا يباركلك فيها .... و معلش إني نسيت أباركلك في المداخله الأولى و ما تقلقش أحيانا المعارض بيشيلوا الفيوز بتاع الكاسيت ..... مش عارف ليه بس كان و احد زميلي بيستلم لوجان و حصل معاه نفس الموقف و بمجرد ما ركبوا الفيوز كل حاجه إتظبطت.