فرامل اليد مرفوعة

[faragelo]

أنا مشيت بالعربية حوالى 2 كيلو و كانت فرامل اليد مرفوعة ... لحد مالقيت دخان خارج من العجل الورانى ...هل فى تأثير كبير و إيه العمل ..أقولهم عليه فى صيانة ال 5000 و لا إيه

[gebreel]

ان شاء الله بسيطة

خليهم بس يبصولك على التيل الوراني و يشدوه و الدنيا عتبقى تمام ان شاء الله كل اللي هتلاحظوا ان الفرامل اليد بقت ضعيفة

و استنى بردو رأي الناس هنا

[faragelo]

بس أنا عندى سؤال.. هو تيل فرامل اليد هو نفسه تيل فرامل الرجل ؟؟

[ahmedbakr50]

ان شاء الله بسيطة

خليهم بس يبصولك على التيل الوراني و يشدوه و الدنيا عتبقى تمام ان شاء الله كل اللي هتلاحظوا ان الفرامل اليد بقت ضعيفة

و استنى بردو رأي الناس هنا

[E30power]

لو عربيتك مش سكاكين رجلش عادى عليها ...مفيش اى مشكلة تقريبا غير ان التيل اتاكل شوية

[mostafabakry]

بس أنا عندى سؤال.. هو تيل فرامل اليد هو نفسه تيل فرامل الرجل ؟؟

تيل الفرامل واحد فرامل اليد و للفرامل العادية " الرجل"

عصاية فرامل اليد موصولة بوايرات مربوطة في تيل الفرامل الخلفية بسوسته لما حضرتك بترفع عصاية فرامل اليد عندك في الصالون اللي بيحصل ان الوايرات بتتشد و تخلي التيل يقفل علي الطنابيير و يمنع العربية من الحركة زي فرامل العجلة كدا

بالنسبة لدواسة لفرامل العادية " الرجل " فبتشتغل عن طريق نقل الضغط عن طريق الزيت اللي موجود في المواسير ما بينها و بين جزء الفرامل الخلفي
لما حضرتك بتضغط برجلك علي دواسة الفرامل اللي بيحصل ان دا بينتج عنه ضغط بينتقل عن طريق زيت الفرامل الموجود في المواسير الي ما يسمي بالبلدي بخزنة الفرامل و دي عبارة عن ميكانيزم معين مكون من سلندر بينضغط بسبب ضغط الزيت عليه و يقفل و يفتح التيل علي الطنابير الخلفية و يفرمل العربية
نفس النظرية للفرامل الأمامية بس طبعا فرامل اليد بتشتغل علي العجل الخلفي بس اما الأمامي بيككون مع الفرامل العادية

[mostafabakry]

ان شاء الله بسيطة

خليهم بس يبصولك على التيل الوراني و يشدوه و الدنيا عتبقى تمام ان شاء الله كل اللي هتلاحظوا ان الفرامل اليد بقت ضعيفة

و استنى بردو رأي الناس هنا

+1

بس يا ريت تخلي بالك تاني مره علشان ماتبوظش التيل و الطنابير

[tamer61]

إن شاء الله خير و كل إللي ممكن يكون حصل إن التيل حصل له تآكل و محتاج رجلشه و ظبط لفرامل اليد ودي بسيطه بإذن الله .... بس بعد كده خد بالك و لو إنها بتحصل معانا برضه. و تقبل تحياتي.

[gmgm]

انا مش عارف العربية مشيت معاك ازاى وفرامل اليد مرفوعه انا عندى ان نسيت ومشيت وفرامل اليد مرفوعة العربية بتترج ومتطلعش زي ما يكون قدامها حجر وساعدتها بعرف انى نسيت فرامل اليد وبتكون فعلا لمبتها منوره فى التابلوة

[gebreel]

+1

بس يا ريت تخلي بالك تاني مره علشان ماتبوظش التيل و الطنابير

يا باشا ده كان في اول ماتعلمت خالص و بقالو كثيييييييييييييير و الحمد لله الدنيا تمام لكن اللي كنت اقصده انها مش نهاية العالم يعني ميقلقش قوي

الف شكر يا باشا