طنبورة الدينمو

[rammar]

أولا السلام عليكم.....
ثانيا جوز اختي كان في توكيل العبور بيعمل صيانة 30000 فالمهندس قالو
لازم تغير طنبورة الدينمو بس تجيلنا في يوم من أولة وان دفعة 2010 لوجان هيتم
تغير فيها طنبورة الدينمو لكل سيارات الدفعة أما 2011 لا مش هيتغير
سؤالي هو هي ايه طنبورة الدينمو دي وشكرا

[Egyzizo]

ده كلام جديد وكبير وغريب شوية ، وأرجو الاهتمام ممن لديه معلومات بهذا الشأن !!!

[nour_nrc]

+11111111111111111

[mohamed1979]

اول مره اسمع الكلام ده

[amr.elsayed]

أولا السلام عليكم.....
سؤالي هو هي ايه طنبورة الدينمو دي وشكرا

+1
واول مرة اسمع ان فى مشاكل للدينمو فى اللوجان بالذات ان فى ناس عدت الرقم دة بدون مشاكل
ربنا يستر وخير ان شاء الله

[ahmedbakr50]

هوه ظهر عنده عيب معين فى الدينامو؟
ولا هما من نفسهم قالولو هنغيره؟

[georgedada82]

يمكن قصده تارة الدينامو ؟

[rammar]

معرفش ايه هي دي طنبورة الدينمو بس المهندس قال انه
هيغيره في كل عربيات لوجان دفعة 2010 أما 2011 لا
وقال انه عيب غير مؤثر على عمل السيارة

[gebreel]

ياريت معلومات اكثر لو سمحت

[cementman]

انا غيروها لى فى أول صيانة 5000 من سنتين

[RenaultLover]

متابع

[magd_helm]

متابع

[mostafabakry]

لما جيت اعمل صيانة ال 60 الف للوجان سألت مركز الخدمة عن سعرها و كانت الإجابة انها حوالي 3800 جنيه و لما اتخانقت معاهم عرفت ان من ضمنها تغيير طقم دينامو ( بلية + طمبورة +سير ) و سعر الطقم دا 1250 جنيه غير الضريبة
انا طبعا اعترضت و رفضت تغييره
بس المهندس كان بيقول انه بيغيره في عربيات كتير

بصراحة انا لما سألت خدمة العملاء عن طريق الرقم المختصر عن صيانة ال 60 الف و ايه اللي بيتغير فيها مكنش فيه تغيير طقم دينامو واللي بيتغير بس هو سير الدينامو مش الطمبورة

عموما احنا محتاجين نتأكد من المعلومة دي من حد من مهندسي الصيانة في رينو

[georgedada82]

ياجماعة لو سمحتم حد يشخص لنا العيب بالظبط علشان لو عند ناس كتير يبقي فرصة وهي في الضمان تغيره لان ده حقنا يعني ياريت حد يقول ايه العيب بالظبط او بيسمع ايه مثلا تدل علي ان الموضوع ده موجود علشان نعرف نتصرف

[ahmedbakr50]

ياجماعة لو سمحتم حد يشخص لنا العيب بالظبط علشان لو عند ناس كتير يبقي فرصة وهي في الضمان تغيره لان ده حقنا يعني ياريت حد يقول ايه العيب بالظبط او بيسمع ايه مثلا تدل علي ان الموضوع ده موجود علشان نعرف نتصرف

ياريت