صوت صفارة مش عاجبنى

[timaaa84]

السلام عليكم، اتمنى ان الجميع يكونوا بخير، معايا لوجان 2011 كاملة، عامل 2500 كم، العربية بصراحة تستاهل كل قرش مدفوع فيها، فى حاجة واحدة بس مش عاجبانى! صوت الهوا، لما ابقى ماشى فوق ال 90 كم و انا قافل الشبابيك، بسمع صوت الهوا اللى بيخبط فى العربية، زى صفارة كدة بس دمها تقيل بصراحة، مفيش اى هوا بيخش جوه الصالون، صوت بس! محدش عنده فكرة ازاى نلغى الصوت ده؟؟؟ وشكرا

[mostafabakry]

صوت صفارة و لا صوت ونه ؟؟

الصوت بيظهر معاك علي كل السرعات و لا عند سرعة معينة ؟؟

[MOUSTAFA_SAAD]

الصفاره دية عيب فى قفلة الكابوت موجوده فى كل العربيات تقريبا وبيعالجوها فى التوكيل بس للاسف لما روحت صيانة الخمس الاف يوم الخميس قالوا ان السمكره مش شغاله يوم الخميس وتعالى اى يوم من الاحد للاربع علشان نعملهالك ولسه مروحتش لغاية دلوقتى فعادى متقلقشى منها امرها بسيط

[anan552003]

انا كان عندى و كنت منزعج منه جدا و كنت حجزت الصيانه فعلا بس و انا مسافر مره قرصت على العربية و جبت بيها 170 و فجأه الصوت راح لوحده و من يومها ما رجعش!!!!!!!!!!!

[ABOHAZEM_NEW]

أنا عندى صوت الصفاره بيظهر بعد السرعة تتجاوز 100 ك ومستمر ده برضه من الكبوت

[MOUSTAFA_SAAD]

ايوه ياجماعه من الكبوت وممكن يظهر وممكن لا بيعتمد على اتجاه الهوا

[akerima]

الصفاره دية عيب فى قفلة الكابوت موجوده فى كل العربيات تقريبا وبيعالجوها فى التوكيل بس للاسف لما روحت صيانة الخمس الاف يوم الخميس قالوا ان السمكره مش شغاله يوم الخميس وتعالى اى يوم من الاحد للاربع علشان نعملهالك ولسه مروحتش لغاية دلوقتى فعادى متقلقشى منها امرها بسيط

صحبي وحبيبي وكفائه

[MOUSTAFA_SAAD]

صحبي وحبيبي وكفائه

اهلا اشرف باشا نورت المنتدى والله
صحيح انت عضويتك اقدم منى بس انت مكسل هنا شويه
ان شاء الله المتتدى حيعجبك جدا هنا وحتستمر معانا بشكل اكبر وفيه اقسام جميله جدا ونشيطه والقسم الاجتماعى هنا هايل ومتحرك باستمرار

[saidbakr]

للأسف يا جماعة انا لا اعتقد إنه من الكبوت، أعتقد إنه تسريب هواء بيحصل داخل الصالون. انا عندي نفس الموضوع بالضبط لما بوصل سرعة حوالي 100 باسمع الصوت ده، واللي اكدلي انه تسريب هواء، هو إني لما بعدي في حتة فيها دخان وانا قافل الزجاج كله وموش مشغل تكييف ولا غيره، بشم ريحة الدخان جوة في الصالون. انا قولتلهم عليها في صيانة ال 5000 بس ما عمولهاش. الجدع في قسم السمكرة بتاع العبور كان بيستكردني وبيقولي دي وساخة في الكوالين - كلام فاضي يعني - بس ﻷني كنت في آخر اليوم ومرهق جدا فقررت اكبر دماغي وابقى ارجعلهم تاني.

[akerima]

للأسف يا جماعة انا لا اعتقد إنه من الكبوت، أعتقد إنه تسريب هواء بيحصل داخل الصالون. انا عندي نفس الموضوع بالضبط لما بوصل سرعة حوالي 100 باسمع الصوت ده، واللي اكدلي انه تسريب هواء، هو إني لما بعدي في حتة فيها دخان وانا قافل الزجاج كله وموش مشغل تكييف ولا غيره، بشم ريحة الدخان جوة في الصالون. انا قولتلهم عليها في صيانة ال 5000 بس ما عمولهاش. الجدع في قسم السمكرة بتاع العبور كان بيستكردني وبيقولي دي وساخة في الكوالين - كلام فاضي يعني - بس ﻷني كنت في آخر اليوم ومرهق جدا فقررت اكبر دماغي وابقى ارجعلهم تاني.

هوا كون ان انت تشم ريحة الدخان حتي لو انت قافل كل زجاج العربية دا طبيعي جدا وفي كل العربيات - بس اتاكد ان انت ظابط التكييف علي انة ياخد هوا من داخل العربية مش من خارجها لان دا ممكن يكون سبب لكن صدقني الصفارة دي من ان الكبوت مش قافل صح- فية خلوص -وهوا دا اللي بيعمل صفارة وانا مستغرب لية الموضوع دا مش عارفينة في توكيلات القاهرة مع ان الموضوع دا بيتعالج وانت واقف في الاسكندرية وبيعتبروه شيء بديهي مش محتاج تشتكي منة

[saidbakr]

هوا كون ان انت تشم ريحة الدخان حتي لو انت قافل كل زجاج العربية دا طبيعي جدا وفي كل العربيات - بس اتاكد ان انت ظابط التكييف علي انة ياخد هوا من داخل العربية مش من خارجها لان دا ممكن يكون سبب لكن صدقني الصفارة دي من ان الكبوت مش قافل صح- فية خلوص -وهوا دا اللي بيعمل صفارة وانا مستغرب لية الموضوع دا مش عارفينة في توكيلات القاهرة مع ان الموضوع دا بيتعالج وانت واقف في الاسكندرية وبيعتبروه شيء بديهي مش محتاج تشتكي منة

انا لما بشم ريحة الدخان وزي ما قلت لحضراتكم قبل كدة ببقى قافل الزجاج كله و كمان ببقى عامل التكييف على هواء الداخل - دي كمان حاجة ضايقتني جدا لما عرفت ان التكييف ما فيهوش فلتر وموش قادر افهم ازاي - ده بالاضافة إلى إني ببقى قافل التكييف اصلا.

النقطة التانية والأخطر، معنى إن الكبوت موش قافل صح ده يعني مصيبة - موش كدة ولا إيه؟!!! - يعني ممكن ساعدته يطير في وشي فجأء ويوديني في الطراوة!!!

[ABOHAZEM_NEW]

النهارده كنت على الصحراوى وكان الهوا شديد جداً والأمطار شغاله والصفاره كانت بتشتغل بعد ما عدى 120 ك/س
الأول كنت متضايق منها وبعد كده إعتبارتها صفارة إنذار إنى عديت 120 ولاقيتها ظريفه بغض النظر سببها أيه

[akerima]

انا لما بشم ريحة الدخان وزي ما قلت لحضراتكم قبل كدة ببقى قافل الزجاج كله و كمان ببقى عامل التكييف على هواء الداخل - دي كمان حاجة ضايقتني جدا لما عرفت ان التكييف ما فيهوش فلتر وموش قادر افهم ازاي - ده بالاضافة إلى إني ببقى قافل التكييف اصلا.

النقطة التانية والأخطر، معنى إن الكبوت موش قافل صح ده يعني مصيبة - موش كدة ولا إيه؟!!! - يعني ممكن ساعدته يطير في وشي فجأء ويوديني في الطراوة!!!

مش للدرجادي يا استاذي كل الموضوع ان الكبوت لية رجلاش وساعات بتبقي ظبتته جاية واسعة شوية وده اللي بيسبب صوت الصفاره لكن مش معني كده انة مفتوح او مش مقفول كويس المهم انت لما بتروح التوكيل بيظبتولك الموضوع ده والصفاره بتختفي

[mohandes0ali]

السلام عليكم


من الاخر كده كانت عندي من اسبوع نفس الصفاره دي وقلتلهم ف التوكيل انا شاكك ان الهوا بيخش من الازاز

قالولي لا احنا عارفين الصفاره دي منين

ده صوت الهوا بيخش من فتحات الكبوت وظبطوه وراح الصوت نهاااائيا

[timaaa84]

100 100

يا جدعااان.... الصوت راح لوحده يا جدعان.... شكرا استاذ anan552003 عملت بنصحتك و جبت 180 و الصوت راح لوحده! نصيحة اخوية لا ينصح بزيادة السرعة عن 120 حتى لو راكب مرسيدس... السرعة خطر... خطأ الغير، الطريق و مفاجأآته، انا جبت السرعة دى على طريق انا دارسه كويس، شبه فاضى فى سيناء، معلهش انا عارف ان فى ناس ممكن تتريق عليا، بس دى نصيحة لوجه الله، الطرق فى معظم المحافظات متستحملش السرعات العليا... اللوجان على سعرها دة فى رأيي المتواضع احسن عربية بكل ثقة...