إعـــــــلان

**MOUSTAFA_SAAD** · 01-04-2011, 09:01 AM

اتصل بالمندوب اللى عمل معاك الوثيقه وهو يقولك على المطلوب

**zico900** · 01-04-2011, 09:26 AM

هل التأمين بيغطي حوادث زي دي من غير ما ادفع حاجه....ولا لازم احور عليه و اقوله حكني تاكسي و جري و الكلام المايع ده؟

**MOUSTAFA_SAAD** · 01-04-2011, 09:35 AM

والله انا برده فى حيرتك بالظبط
لان حصلتلى خبطه فى الرفرف وقولت اعملها تبع مصرللتامين وناس قالولى بلاش دية مش مستهال وشركة التامين حتعملك وجع دماغ وتعطلك وفى الاخراللى مش مستله دية كلفتنى 450 جنيه وقولت ياريتنى كنت روحت لمصر للتامين وشوفت ايه النظام وحاولت معاهم

**asus_matrix32** · 01-04-2011, 04:40 PM

بص ياباشا أنا دلوقتى أقولك اللى حصل معايا وأنت هتفهم كل حاجه
حاليا أنا عربيتى فى التوكيل بترش جنب يمين من تحت وكبود وبتغير بربيريز ورفرف يمين وبترش أكصدام أمامى من الحرف اليمين اللى واصل تحت الرفرف بسبب أيه بقى أن أنا ماشى على الكورنيش فى الشمال وجه ميكروباص بيستهبل وبيفادى عربيى قبل ما يعدي بعد منى راح لبس فى عربيتى مضيع الجنب اليمين وطلع يجررررررررررررررررى برضه
روحت جارى وراه جبته وزنقت عليه ووقفته أول ما جيت قدامه راح نازل من غير تفاهم راح شاتم وماسك شومه فى ايده وراح نازل على الكبود والبربيريز

نزلت ليه والناس اتلمت راح رافع عليا ماطواه وعمال يقول للناس ده خبطنى وطلع يجرى وشويه يقولهم دا أنا سكران

عقبال ما الناس فهمت ايه اللى حصل وكل اللى بيتلم عايز يضرب السواق السكران طبعا اللى هيموت خلق الله اللى هو أنا المهم راح ده بعدها رايح يركب عربيته وهيمشى رحت ماسك فيه المهم الناس حاشت وراح أتخن دكر واقف يقولى كلمه تغيظ بجد ما خلاص بقى ياكابتن جت بسيطه والحمد لله أنت بخير والله يعوض عليك وخلاص سيبه بقى روحت طالع فيه قولت ليه أنت ملكش دعوه وتطور الحوار أن الناس كمان مش عايزه تتكلم ولاتنطق بكلمه حق واحد علشان فى أيده مطواه المهم طلع عربيته وسط الزحمه وراح طالع يجرى جيت أجيبه تانى عقبال ماطلع من الحته اللى كنا واقفين فيها ولطريق أتزحم ووقف كان هو هرب منى ومازلت قصتى متعلقه معاه ....... ومش هسيبه ... روحت عامل محضر شرطه على طول باللى حصل وتانى يوم روحت سلمت العربيه فى التوكيل
وعمل مقايسه ب 6300 جنيه
وبعدها روحت التأمين
روحت التأمين وكتبت اللى حصل بالضبط فى الاخطار وسلمته وسلمت المقايسه وكتبت أنى عامل محضر .
أتصلت بى السكرتيره المسئوله هناك بعدها بيوم والصدمه كانت
الشركه مش بتعوض عن تلفيات مشاجرات

نعم
روحت قولت ليها طيب والعمل دلوقتى أنا الدنيا معايا خربنه زى كل الناس فى الوقت ده
راحت قالت لى تعالى بكره وأنا هقولك تعمل أيه
قالت لى أعمل محضر جديد وقول أن عربيه نقل محمله زنقت عليك وأنت على الطريق الدائرى مثلا وبعدها تعالى تانى هنا وأعمل أخطار جديد

قولت ماشى مع ان الكدب مش كويس بس أنا حكيت الحقيقه وأنا ما كنتش غلطان
المهم عملت كده وراح المعاين شافها
ووافق أن يعمل الكل الا الكبود علشان مش مقتنع أنه بسبب حادثه زى كده روحت للشركه تانى فى الاداره الرئيسيه أكتر من ثلاث مرات علشان أقابل المعاين المهم كلمته ورده كان بارد أوى وكنت على وشك أن أعصابى تفلت عليه
رحت داخل للمدير المسئول راح قالى خلاص متزعلش نفسك أحنا نشيل نصها وأنت نصها
قولت ليه علشان زوق حضرتك أنا موافق
مش هتفرق أهى جت على حاجه بسيطه وكانوا حوالى 400 جنيه تقريبا

ولسه مستنى العربيه تخلص من التوكيل وأدفع الفاتوره كلها نقدى وبعدها أودى الفتوره شركه التأمين وأنتظر حوالى 25 يوم تقريبا حسب ما بلغونى بكده والشيك يطلع بالمبلغ اللى فى الفاتوره

وفى النهايه أهو ده نصيبى مع عربيتى الجديده وشركه التأمين وربنا يحافظ عليكم ويحفظ طريقكم

وأسف أخيرا على الاطاله المريره

**zico900** · 02-04-2011, 07:50 AM

الله يكون في عونك....بس ان شاء الله هتأخد حقك من ابن التيييت ده

شكرا على الشرح المفصل وقول الحمدالله

**magd_helm** · 02-04-2011, 11:03 PM

ربنا يعوض عليك والحمد لله انك كويس

**asus_matrix32** · 03-04-2011, 06:31 PM

أنتوا عارفين رغم أنى مش غلطان فى الحادثه دى كلها من أولها لأخرها
اللى مزعلنى أنى حكيت الحقيقه ومنفعش
كدبت عليهم كله تمام
بسأل نفسى ليه بس كده
وفى الاخر بقول الحمد لله على كل شىء
وشكرا

**hobby10** · 10-04-2011, 01:13 PM

حد يعرف تبع مصر للتامين لو صلحت فى ورشة بره بس تبعى انا مش تبع التامين .. اتحمل حاجة من الفاتورة ولا مفيش تحمل ؟؟

وهو المفروض انى علشان اصلح لازم اعمل محضر ولا بيتعمل او لا على حسب حاجة معينة ؟

كمان هو لازم يعاين وتبقى حادثة وكده ولا ممكن يكون خبطات متفرقة واصلح وهم يحاسبوا وادفع الجزء بتاعى وخلاص ؟؟

ياريت اللى يعرف حاجة يفيدنى لو سمحتم

**asus_matrix32** · 11-04-2011, 12:43 AM

أنا هرد عليك من ناحيه النقطه الثانيه
لو فاتوره العربيه طلعت فوق عشر الاف جنيه يبقى لازم محضر رسمى بالحادث ولو مش مطابق الحادث فى العربيه أثناء المعاينه مش هيوافقوا عليها
وأقولك نصيحه منى (هما بيتلككوا على اى حااااااااااجه )

**georgedada82** · 11-04-2011, 03:22 AM

مصر للتامين عن تجربة معاهم لازم محضر ولو كسر مراية حتي لازم محضر ويفضل توديلهم رقم المحضر وصورته كمان

بالنسبة ل hoppy لازم يكون في محضر برضو طالما مصر للتامين حضرتك بتعملي المحضر وتروحي تعملي اخطار حادث عندهم وتوصفي فيه الحادث ولازم يكون زي المحضر ولازم يكون برضو واقعي هيسال حضرتك هتصلحي في التوكيل ولا فين حضرتك هتقولي له المكان هيبعت خبير يعاين العربية ويصورها قبل الحادث ويشوف هل المحضر التلفيات اللي فيه مطابقة للحادث ولا لا بعد كده هيقول للي حضرتك هتصلحي عنده انه يصلح ( مفروض طالما حاجة غير التوكيل مفيش تحمل غير الاهلاكات بس ) لازم يكون كمان اللي حضرتك بتصلحي عنده يكون عنده فاتورة ضريبية بعد ما بتصلحي بتحاسبي مركز الصيانة وترجعي لهم في شركة التامين ومعاكي الحاجات اللي اتغيرت القديمة اللي هو وافق عليها الخبير وينزلوا يصوروا العربية بعد التصليح وياخدوا الفاتورة ويحطوها في الملف وبعدين حضرتك تتصلي بيهم بعد مدة هو هيقولك عليها لو الملف ماشي كويس الموضوع هيخلص بسرعة بعد كده حضرتك بتروحي تاخدي الشيك بتاع التعويض وبتصرفيه ... مفروض لو في اي مشكلة بتتصلوا بهيئة الرقابة علي التامين ليها رقم مختصر مش فاكره وهما بيكونوا طرف وبيكونوا في الاغلب في صف العميل ( حضرتك يعني ) ... بس كده

**hobby10** · 11-04-2011, 12:30 PM

المشاركة الأصلية كتبت بواسطة georgedada82 مشاهدة المشاركة

مصر للتامين عن تجربة معاهم لازم محضر ولو كسر مراية حتي لازم محضر ويفضل توديلهم رقم المحضر وصورته كمان

بالنسبة ل hoppy لازم يكون في محضر برضو طالما مصر للتامين حضرتك بتعملي المحضر وتروحي تعملي اخطار حادث عندهم وتوصفي فيه الحادث ولازم يكون زي المحضر ولازم يكون برضو واقعي هيسال حضرتك هتصلحي في التوكيل ولا فين حضرتك هتقولي له المكان هيبعت خبير يعاين العربية ويصورها قبل الحادث ويشوف هل المحضر التلفيات اللي فيه مطابقة للحادث ولا لا بعد كده هيقول للي حضرتك هتصلحي عنده انه يصلح ( مفروض طالما حاجة غير التوكيل مفيش تحمل غير الاهلاكات بس ) لازم يكون كمان اللي حضرتك بتصلحي عنده يكون عنده فاتورة ضريبية بعد ما بتصلحي بتحاسبي مركز الصيانة وترجعي لهم في شركة التامين ومعاكي الحاجات اللي اتغيرت القديمة اللي هو وافق عليها الخبير وينزلوا يصوروا العربية بعد التصليح وياخدوا الفاتورة ويحطوها في الملف وبعدين حضرتك تتصلي بيهم بعد مدة هو هيقولك عليها لو الملف ماشي كويس الموضوع هيخلص بسرعة بعد كده حضرتك بتروحي تاخدي الشيك بتاع التعويض وبتصرفيه ... مفروض لو في اي مشكلة بتتصلوا بهيئة الرقابة علي التامين ليها رقم مختصر مش فاكره وهما بيكونوا طرف وبيكونوا في الاغلب في صف العميل ( حضرتك يعني ) ... بس كده

شكرا جزيلا لتوضيح حضرتك

طيب هو ايه المقصود بالاهلاكات دى ؟

كمان دلوقتى اللى حاصل ان خلال السنتين اللى فاتوا العربية اتجمع فيها شوية حاجات فى الاربع رفارف والاكصدام الخلفى باينين طبعا بس مش حادثة عربية لا قدر الله ... اعمل ايه بقى فى موضوع المحضر ده ؟؟

وهل ممكن يوافق يعمل حاجات والباقى اعملوا انا بقى على حسابى ولا ايه ؟

شكرا لحضرتك وفى انتظار ردك :)

**A.Saad** · 11-04-2011, 10:55 PM

georgedada82

اللى قالك كدة اشتكيه
الكحضر فوق 10000
عن تجربة ليا ولاعضاء تانيين فى المنتدى

hobby10
طبعا دى سواقة الستات
ههههههههه
المفروض ان اخطار الحادث بيكون خلال 72 ساعة بالتالى المعاينة ممكن ترفض الخبطات اللى عندك
وممكن يعدوها
حسب المعاين

لو صلحتى بره فى ورشة
مفيش تحمل
التحمل فى التوكيل او المراكز المعتمدة ليه

ومش لازم تقولى حادثة
قولى
كنتى راكنة ورجعنتى لقيتيها كدة

الاهلاكات
بتكون على قطع الغيار الميكانيكية اللى ليها عمر افتراضى
يعنى مثلا
حاجة زى المساعدين
بعد الاصلاح بتكون جديدة
قبل الاصلاح طبعا مستعملة
فهو بيخصم نسبة من تمنها جديدة نظير استعمالك

وممكن تتحملى حاجة وهما حاجة
انا فى الحادثة بتاعتى دفعت اكتر من المقايسة علشان اجيب دهان نضيف وارةح لسمكرى كويس

**georgedada82** · 12-04-2011, 05:29 AM

صدقني انا الوثيقة معايا ومكتوب فيها كده ( وانا مجرب برضو ) هي مصر للتامين كده في تعاملها ومش مكتوب فيها خالص ان الحادث لازم يبقي معدي مبلغ معين علشان اعمل محضر انا كان عندي حاجة بسيطة اتكلفت الفين وشوية في التوكيل الشركة خلوني اعمل محضر وده الكلام اللي في الوثيقة فعلا

لو حضرتك مجرب غير كده او وثيقتك مكتوب فيها غير كده دي حاجة تانية رغم اني عارف ان وثائق مصر للتامين كلها شبه واحدة الا باخنلاف الفقرة الخاصة بطريقة التحمل في حالة الاصلاح بالوكيل

Comment

إعـــــــلان

.

حد تعامل مع مصر للتأمين؟

حد تعامل مع مصر للتأمين؟

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment