عندى صوت طقه مخوفنى اوى اوى

[elshaky]

عندى صوت طقه مخوفنى اوى اوى كل ما ادوس فرامل جامد اسمع صوت الطقه واحس فيها فى رجلى كمان يا جماعه لو حد يعرف المشكله فى ايه يقولى انا كنت عامل حادثه من فتره وغيرت مقصين وياريت تقولولى ايه الحل بلييز

سورى الطقه تحتى انا اللى سايق يعنى

[mrmohamedragab]

انا ساعات بتحصل معايا الطقه دى بس بحس انها بتيجى من الناحيه اليمين لما بفرمل جامد على ارض مكسره او فيها عيوب فى الاسفلت و برضو مش عارف سببها

[tareknassar100]

وأن بسمع صوت طقة وأنا بدوس فرامل عند النزول من الكبارى وهى زحمه

[elshaky]

طب ايه الحل يا جماعه بليز حد يرد علينا علشان خاطر ربنا

[AHMEDmostafa79]

طب ايه الحل يا جماعه بليز حد يرد علينا علشان خاطر ربنا

واللة انا هحكليك الي حصل معي كان عندي صوت طقة بيحصل لمل بفرمل وساعات في اي وقت المهم سالتهم في التوكيل معرفوش منين الصوت وروحت لعفشجي مشهور عندنا في طنطا عملي فتح ونصبا وكان عايز يفكلي العفشة عشان هو حمار ومش عارف الصوت منين المهم روحت بالصدفة لعفشجي علي اد حالة بيشتغل في النص نقل والميكروباص بس في حمس دقايق عرف ان الصوت جاي من تصفيحة الموتور لان الجزء الامامي منها بيحك في المنطقة الملامسة للشاسية وكل الي عملة انة فصل مابينهم بانة حط وردتين في المسمارين الي في الجزء الامامي والصوت راح نهائيا وان شاء اللة تطلع بسيطة وكون الطقة الي عندك دة سببها

[akerima]

انا كان عندي نفس التكة وكانت عملالي قلق وخصوصا انها موجوده من اول ما استلمت العربية لكن الحمد لله في اول صيانة في التوكيل قلتلهم عليها واتصلحت انا دلوقت عامل 16000 والحمد لله مسمعتهاش تاني - علي فكره هما قالولي انهم بس ربطوا عفشة فممكن يطلع كلام احمد مظبوط

[gebreel]

طيب انا بسمع لما ببقى ماشي في حتة اسفلتها مثلا فيه عالي و واطي بس مسفلتة احس اكن في حاجة بتلب كدة تحت العربية قلتلهم عليها قالولي مش سامعين حاجة و ربطنا عفشة و تروح و مارحتش

الغريب بقى اني لما باخد مطبات ولا نقر ولا ارض مكسرة مفيش فيها اييييييييي حاجة و اتخنقت من الصوت ده بجد

[elshaky]

يا ريت يا جماعه تطلع بسيطه اصل انا قلقان جدا انا بضايق جدا لما بلاقى اللوجان زعلانه انا خلاص حسيت انها مراتى بجد انا بحب العربيه بطريقه رهيبه جدا وهى بحبنى يا رب ديم علينا اللوجان نعمه

[ahmedbakr50]

يا ريت يا جماعه تطلع بسيطه اصل انا قلقان جدا انا بضايق جدا لما بلاقى اللوجان زعلانه انا خلاص حسيت انها مراتى بجد انا بحب العربيه بطريقه رهيبه جدا وهى بحبنى يا رب ديم علينا اللوجان نعمه

آمين

[hesham_tawfiq]

نفس صوت الطقه عندى ابتدى لما حته من الكارتيره الشمال اتكسرت
فغالبا سببها فعلا الاحتكاك بين تصفيح الماتور والشاسيه

[mostafabakry]

طيب انا بسمع لما ببقى ماشي في حتة اسفلتها مثلا فيه عالي و واطي بس مسفلتة احس اكن في حاجة بتلب كدة تحت العربية قلتلهم عليها قالولي مش سامعين حاجة و ربطنا عفشة و تروح و مارحتش

الغريب بقى اني لما باخد مطبات ولا نقر ولا ارض مكسرة مفيش فيها اييييييييي حاجة و اتخنقت من الصوت ده بجد

نفس الصوت دا عندي وفعلا مجنني و مش عارف احدد مصدره خالص
و لما بعمل الصيانة و بشتكي من الصوت و بطلع اجرب العربية مع مهندس الصيانة الصوت بيختفي
و المهندس طبعا ما بيقدرش يعمل حاجة وانا بسكت
و اللي مصبرني و مش عاملي قلق انه ما بيظهرش و انا ماشي بسرعة كبيرة حتي لو اخدت مطب او حفره و العربية الحمدلله متزنه عالطريق و ما فيش مشاكل

انا العربية الحمدلله مريحاني جدا و مبسوط منها لاخر درجة و عمري ما ندمت لحظة اني اشتريتها و فعلا تستحق كل قرش ادفع فيها بس نفسي اعرف حاجتين عشان اعصابي ترتاح
1- صوت ونه بسيط بيظهر لما امشي علي الغيار الرابع بسرعة 70 و اثبت رجلي علي البنزين
الإحتمال الأكبر لمصدر الصوت بناءا علي كلام مهندس / ياسر من مركز صيانة المقطم ان بلي الفتيس هو سبب الونه دي بس انا مش عارف اشمعنا الونه بتظهر في السرعة دي بس و مش مستمره
طيب ممكن تكون الونه دي في الموتور نفسه مثلا و مالهاش دخل بالفتيس
2- صوت التكة دي اللي بيظهر و انا ماشي علي ارض مش اسفلت و فيها عالي وواطي