الخبطة دى اصلحها فين

[eng_elsaber]

السلام عليكم
يوم الجمعه روحت فرح .... و نزولا على رغبت الاسرة قررت ان امشى ورا عربية العريس ......و بما ان العربية اول مرة امشى بيها فى البلد ... وما ادراكو بعيون الناس هناك...ربنا هو الحافظ
فتوقعت ان مش هروح سليم..... فلله الحمد جت بسيطة

ممكن اصلح الخبطة دة فين... توكيل و حد برة ...لو برة فين مكان كويس ... و هتتكلف كام ...ارجو الافادة





المشكلة انها اتفعصت..و من جون فى صاجة ملحومه فى الرفرف
مش عارف هتستعدل ازاى

[MohssenRashed]

قدر الله و ماشاء فعل و متقلقش الرجاله هنا هيفيدوك اوي لآن تقريبا كل اللوجان مخبوطه في الحته دي.

[elmkaneeki]

سهلة وبسيطة ان شاء الله
سيبها شويا تاخد العين
وبعد كدة شوف التوكيل او مشروع كريم منير

[Col. Eng. Khaled]

http://www.nilemotors.net/Nile/3872912537-post559.html

http://www.nilemotors.net/Nile/3872912546-post560.html

[MohssenRashed]

ربنا يباركلك يافندم شغل ممتاز

[ayman1204]

النهاردة كن تفى التوكيل
و 90 % من عربيات اللوجان هناك مخبوطة فى الرفرف دا يا قدام يا واراء
انا عن نفسي مخبوط وراء

[abo_pasem]

كلنا واخدين نفس الختم مش عارف انا فيه إييه بالظبط؟
كنت راكن من كام يوم واحد الله يباركله طراااخ في العربيه وفي نفس الحته بالظبط حاجه تجن انا بفكر اشيل الرفرف ده واستريح خالص

[nono533223]

قدر الله و ما شاء فعل و انا عن نفسي بر ده مخبوط في المكان ده و العربية كانت ركنة ! لكن الحمد لله بس فعلا كل اللوجان مخبوطة في المكان ده مشفتش واحدة سليمة في اسكندرية ! اعتقد لو عملتها في التوكيل غالية ممكن تشوف صنايعي كويس

[eng_elsaber]

ممكن تقولولى على صنيعية كويسن فى القاهرة
كل اللى اعرفهم حاسس ان هما مش كويسين
و تتكلف كام؟؟؟؟؟؟؟؟؟

[Super_Star_h]

دى علامة الجوده
هتتخبط يعنى هتتخبط فى اي رفرف
انا عن نفسى اتخبط فى نفس الرفرف بتاعك ده اللى ورا
بس كانت ابسط من كده بكتيير
واحد بيرجع بظهره قام خابطنى !!!!
رديتها على البارد كده خبطتين بالبتاع ورجعهاا زي الاول عادي
وعندى حكه بسيطه على البويه فى الرفرف اللى قدام
ربنا يستر على باقى الرفارف

[remomemo]

فرنسا المفروض تصدرها مخبوطة فى الرفرف جاهز وخلاص عشان ماحدش يزعل لما يتخبط

[ayman1204]

فرنسا المفروض تصدرها مخبوطة فى الرفرف جاهز وخلاص عشان ماحدش يزعل لما يتخبط

ههههههههه
والله عندك حق
لما روحت التوكيل لقيت ان معظم اللوجان مخبوطة فى الرفرف
وسالت المهندس
قلى انا نفسي مستغرب جدا جدا

[medoadel]

90% من اللوجان ومنهم عربيتى طبعا مخبوطين فى الحتة دى بالذات
الموضوع عايز دراسة علمية عن السبب؟
هههههههههه

[ahmedbakr50]

وأنا كمان عندى فى الرفرف أمامى يمين
أنا بقول فرنسا تنزلها كده عشان يبقى عملنها خبطه صح وتبقى عربية فبريكة برده

[cheetos_892005]

وانا كمان خبطه قدام شمال و واحده ورا يمين ..........

كل اللوجان ده على فكره

والاوكتافيا والالنترا

البومبيه زياده شويه