لوجى بقت ناشفة أوى ؟؟

[mmh666]

العربية بقت ناشفة أوى يا جماعة و بسمع هبدات كتير فى الطرق المكسرة و المطبات . مكنتش كده فى الاول كانت العفشة ناعمة جدا و مكنتش بحس بأى هبدات. أنا لاحظت الحكاية دى أوى بعد ما رحت التوكيل عشان اظبط الفرامل فقاموا رفعوا الدبرياج من غير ما اقولهم و لما كلمونى بعدها فبسالهم ليه قالولى عشان النقلات تنعم معاك شويه. المهم قلت يمكن العجل عايز يتظبط الضغط بتاعه رحت مليته نيتروجين عن بريدجستون و ظبطته و لسه المشكلة موجودة لحد دلوقتى , على فكرة انا مربط عفشة من حوالى شهرين كده
العربية بقالها معايا دلوقتى 3 شهور حد يعرف يا جماعة حل المشكلة دى ايه؟

[gebreel]

متابع

[akerima]

هوا اللي انت بتقول علية دا لا يمكن يطلع الا من تظبيط ضغط الكاوتش حاول تظبطة امام 29 وخلف 32 وجرب ويا ريت عند اي فرع بريجستون تاني غير اللي انت ظبط فية اول مره

[mmh666]

هوا اللي انت بتقول علية دا لا يمكن يطلع الا من تظبيط ضغط الكاوتش حاول تظبطة امام 29 وخلف 32 وجرب ويا ريت عند اي فرع بريجستون تاني غير اللي انت ظبط فية اول مره

المشكلة كانت موجودة قبل ما اضبط ضغط الكاوتش على فكرة فمعتقدش ان هوا دا السبب

[hysagm]

ياجماعه الكوتش على28 ورا وقدم صيف وشتا اوانا بستلم العربيه اكدت على الموضوع ده قلى على 28 قلتله انا كان معاي فلشيا كنت بظبطه على 30 قلى 28 لا تقل ولا تزيد خلي بلكم من القطه دى

[ahmedbakr50]

هوه حضرتك لما ربطت العفشة عملتها عند التوكيل ولا عفشجى؟؟

[mmh666]

هوه حضرتك لما ربطت العفشة عملتها عند التوكيل ولا عفشجى؟؟

ربطتها فى بريدجستون برضه ...... ايه يا جماعة لوجى محتاجة تربيط عفشة تانى و لا ايه

[ahmedbakr50]

ممكن يكون ربطوها شديد شوية
أنا عشان كده محبش أى واحد عدا التوكيل يلعب فى العفشة عشان هما عارفين مقدار الربط بيقى أد إيه
متهيألى ده السبب

[mmh666]

ممكن يكون ربطوها شديد شوية
أنا عشان كده محبش أى واحد عدا التوكيل يلعب فى العفشة عشان هما عارفين مقدار الربط بيقى أد إيه
متهيألى ده السبب

طب انا المفروض اعمل ايه دلوقتى يا جماعة على فكرة الحكاية دى مزعجة جدا

[ahmedbakr50]

روح التوكيل وهيظبطوهالك ان شاء الله

[mmh666]

روح التوكيل وهيظبطوهالك ان شاء الله

طب من غير ما اروح التوكيل ممكن اعمل فيها ايه بره التوكيل

[ahmedbakr50]

أنا قصدى التوكيل هوه أكتر واحد فاهم فى العربية
فهو عارف مقدار الربط أد إيه
العملية مش إنى أربط الصواميل على الآخر - لأ طبعا
ومتهيألى مفيش عفشجى هيظبطها زى التوكيل

[ma_zaher]

انا بقول ان الموضوع ده موضوع نفسى مش اكتر انت هتلاقى عندك الهاجس ده وبتفكر فيه كتير وبتركز عليه مع اى عربيه تركبها
حاول تشيل الموضوع ده من دماغك وهتلاقى الدنيا كويسه

[mmh666]

انا بقول ان الموضوع ده موضوع نفسى مش اكتر انت هتلاقى عندك الهاجس ده وبتفكر فيه كتير وبتركز عليه مع اى عربيه تركبها
حاول تشيل الموضوع ده من دماغك وهتلاقى الدنيا كويسه

مش كده خالص انا متاكد ... هل ده معناه ان انا لازم اروح التوكيل؟؟؟؟