استفسار حول ضغط كاوتشات لوجى

[harizy]

السادة الأعضاء الكرام مالكى لوجى الموقرين

بعد التحية {حلوة دى}

يا ترى إيه هو أفضل ضغط لكاوتشات لوجى وهل ده بيوفر فى البنزين وبيحسن أداء العفشة فى المطبات، وهل فيه اختلاف الهوا عن النيتروجين، يا ريت لو حد جرب الموضوع ده يقول لنا كى تعم الفائدة.


وتفضلوا بقبول وافر الاحترام

[mazenzyad]

السادة الأعضاء الكرام مالكى لوجى الموقرين

بعد التحية {حلوة دى}

يا ترى إيه هو أفضل ضغط لكاوتشات لوجى وهل ده بيوفر فى البنزين وبيحسن أداء العفشة فى المطبات، وهل فيه اختلاف الهوا عن النيتروجين، يا ريت لو حد جرب الموضوع ده يقول لنا كى تعم الفائدة.


وتفضلوا بقبول وافر الاحترام:10d5c8w1107:

انا هكلمك على اللى انا عاملو فى كاوتش لوجى :
نتروجين طبعا يفرق كتير عن الهوا ، كفاية ان متابعتو مرة فى الشهر صيف شتا
الضغط 30 قدام 32 ورا بالرغم من الاصول بتقول 29 قدام و 32 ورا لكن انا كدا مرتاح و الحمد لله

[amr.elsayed]

29 امامى 32 خلفى
....................
النتيروجين احسن حاجة فيه انك مش بتملى الكاوتش كل شوية ... يعنى مع الهواء عايز تكشف على الضغط كل اسبوع لكن مع النيتروجين بتكشف عليه كل شهر ونص مثلا ... طبعا النيتروجين راحة بال اكتر من الهواء عشان مش كل شوية تروح تملى الكاوتش
....................
عايز اقولك حاجة بخصوص الموضوع دة كمان
لو عايز تزود ثبات العربية على الطريق قلل ضغط الكاوتش بحد اقصى 28 .. ودة مثلا لو حتسافر على طريق سريع وعايز العربية تاخد منها اكتر ثبات ممكن ... (التوكيل بيظبط كدة على 28 حتى لو نيتروجين)
....................
الضغط الاصلى للعربية هو اكتر ضغط موفر للبنزين .. وكل ما قل الضغط كل ما مساحة الكاوتش الملامسة للطريق تزيد كل ما الحمل يزيد على الماتور كل ما استهلاك البنزين يزيد لكن بنسب بسيطة .. وكل ما قل الضغط كل ما زاد امتصاص الكاوتش لتفاصيل الطريق ويقلل الحمل على العفشة ولكن دة بيكون على حساب العمر الافتراضى للكاوتش لانه بيزيد معدل التآكل فيه لكن بردو بنسبة بسيطة
واسف للاطالة

[harizy]

انا هكلمك على اللى انا عاملو فى كاوتش لوجى :
نتروجين طبعا يفرق كتير عن الهوا ، كفاية ان متابعتو مرة فى الشهر صيف شتا
الضغط 30 قدام 32 ورا بالرغم من الاصول بتقول 29 قدام و 32 ورا لكن انا كدا مرتاح و الحمد لله

ياباشا تمام كدة ربنا يكرمك على سرعة الرد، وأنا إن شاء الله هظبط نيتروجين على كده

[harizy]

انا هكلمك على اللى انا عاملو فى كاوتش لوجى :
نتروجين طبعا يفرق كتير عن الهوا ، كفاية ان متابعتو مرة فى الشهر صيف شتا
الضغط 30 قدام 32 ورا بالرغم من الاصول بتقول 29 قدام و 32 ورا لكن انا كدا مرتاح و الحمد لله

29 امامى 32 خلفى
....................
النتيروجين احسن حاجة فيه انك مش بتملى الكاوتش كل شوية ... يعنى مع الهواء عايز تكشف على الضغط كل اسبوع لكن مع النيتروجين بتكشف عليه كل شهر ونص مثلا ... طبعا النيتروجين راحة بال اكتر من الهواء عشان مش كل شوية تروح تملى الكاوتش
....................
عايز اقولك حاجة بخصوص الموضوع دة كمان
لو عايز تزود ثبات العربية على الطريق قلل ضغط الكاوتش بحد اقصى 28 .. ودة مثلا لو حتسافر على طريق سريع وعايز العربية تاخد منها اكتر ثبات ممكن ... (التوكيل بيظبط كدة على 28 حتى لو نيتروجين)
....................
الضغط الاصلى للعربية هو اكتر ضغط موفر للبنزين .. وكل ما قل الضغط كل ما مساحة الكاوتش الملامسة للطريق تزيد كل ما الحمل يزيد على الماتور كل ما استهلاك البنزين يزيد لكن بنسب بسيطة .. وكل ما قل الضغط كل ما زاد امتصاص الكاوتش لتفاصيل الطريق ويقلل الحمل على العفشة ولكن دة بيكون على حساب العمر الافتراضى للكاوتش لانه بيزيد معدل التآكل فيه لكن بردو بنسبة بسيطة
واسف للاطالة

ياباشا مفيش تطويل ولا حاجة أنا بجد استفدت جداً من المعلومات القيمة دى

[wassim_nasser]

انا ممشيها 30 كل العربية ومريحانى جدا مع ان البادج ع الباب بيقول 29 قدام 32 ورا بس الكلام ده ع الطريق انما جوة البلد ف النقر والمطبات ماينفعش .. وفى الاول وفى الاخر انت وراحتك ولاحظ اننا بنتكلم فى فروق تافهة 29 من 30 من 32 كلام فاضى خصوصا ان الظبط بيختلف من صنايعي للتانى و وارد جدا انك تظبط 30 عند واحد تروح تلاقيها 31 عند واحد تانى

[Super_Star_h]

انا ضابط نيتروجين وماشى 29 قدام 32 وراا
ومن ساعتها مافيش اي مشاكل ومافيش عجله بتريح حتى
وبضبط كل 3 او 4 شهور بلاقى الضغط مضبوط

[sukkar76]

انا عن نفسى باظبط 30 قدام وورا
بس فيه ملحوظه وهى ان ظبط الهواء بيفرق كتيييير من صنايعى للتانى
مره ظبطهم عند واحد على 30 قام وورا وبعد حوالى شهر روحت عند صنايعى تانى قاللى دول بين 20 و 25(قلت هو الكاوتش اتخرم ولا ايه بالظبط)
ومره تانيه ظبطهم عند 30 برضو قدام وورا عند صنايعى وبعد اسبوع قلت اجرب اقيسهم روحت لواحد تانى قاللى دول مظبوطين على 40 !!!
كنت هاضرب كف ب كف
وانا باعمل صيانة ال20000 التوكيل قاللى ان الكاوتش مظبوط على 40 مع انى كنت ظابطهم اخر مره من حوالى شهر
وقاللى الفنى اللى فى التوكيل احسن حاجه تظبط عند بتاع الكاوتش تخليه يظبطهملك على 28 علشان انا عندى باقيس بالبار فهاتكون عندى هنا مديانى 30 وهو ده الصح
وهاجرب بعد فتره واشوف ايه الاخبار
وبالنسبه لفروقات الضغط عن المعدل الطبيعى كنت قر يت هنا ان لو الضغط مش مظبوط هايؤدى الى فقدان كبير حوالى 20% من البنزين
وكمان لو الضغط عالى شويه هاتحس ان العفشه تقيله وانت بتاخد المطبات يعنى هاتحس ان العربيه بتترزع منك مش بتاخد المطب بالراحه وانت مرتاح
واسف على الاطاله

[roua2007]

انا مظبطها 30 فدم و ورا نيتروجين وده مظبطني

[Ahmed A Rahman]

انا شاري مقياس لنفسي ديجيتال

وبعد كده اشتريت مقياس انالوج !!!


براجع على الكاوتش بعد الصنايعي ما بيخلص
وبعدين براجع على الجهاز الاول بالجهاز الثاني
الكاوتش ده هو اللي انا ماشي عليه انا والعربية


وبالمناسبة العبد لله مرة نبهت احد فروع الكاوتش (العملاقة) في مصر ان الجهاز عندهم زايد 7 درجات كاملة لدرجة ان مدير الفرع مكانش مصدق نفسه وراح جاب جهاز بتاعه من عربيته الماني وقرا نفس قرايات اجهزتي

يعني العجلة الورانية كانوا مضبطينها على 39 والامام على 37 !!!!!!!!!!!

[mosomodo]

لو سمحتوا ان عايز افهم ايه هو النتيروجين وبيتملى ازاى اول مرة وفين بالضبط. ولو انا مليت نيتروجين لازم ازود نيتروجين ولا ممكن نيتروجين او هوا عادى. اسف على الاطالة.

[Dr.Karim Emam]

لو سمحتوا ان عايز افهم ايه هو النتيروجين وبيتملى ازاى اول مرة وفين بالضبط. ولو انا مليت نيتروجين لازم ازود نيتروجين ولا ممكن نيتروجين او هوا عادى. اسف على الاطالة.

النيتروجين ده غاز بيتملى به الكاوتش بدل الهواء

ميزته انه انعم في المطبات و مايتأثرش بالحرارة و البرودة

أول مرة بتروح لمحل محترم بتاع كاوتش زي بريدجيستون عشان بيكون عندهم مكن لشفط الهواء من الكاوتش و بعدين يزودوه نيتروجين و طبعا مادام خليتهم نيتروجين يبقى لازم تزود نيتروجين و إلا مش هيكون له لازمة

[mosomodo]

النيتروجين ده غاز بيتملى به الكاوتش بدل الهواء

ميزته انه انعم في المطبات و مايتأثرش بالحرارة و البرودة

أول مرة بتروح لمحل محترم بتاع كاوتش زي بريدجيستون عشان بيكون عندهم مكن لشفط الهواء من الكاوتش و بعدين يزودوه نيتروجين و طبعا مادام خليتهم نيتروجين يبقى لازم تزود نيتروجين و إلا مش هيكون له لازمة

الف شكر و هل حضرتك تنصح به؟

[Dr.Karim Emam]

الف شكر و هل حضرتك تنصح به؟

أنا ماشي بالهواء عادي و ماجربتش النيتروجي
بس شوف كده المواضيع دي:

http://www.nilemotors.net/Nile/731-a.html

http://www.nilemotors.net/Nile/14828-a.html

http://www.nilemotors.net/Nile/215464-a.html

http://www.nilemotors.net/Nile/25336-a.html

http://www.nilemotors.net/Nile/4682-a.html

[MOUSTAFA_SAAD]

انا بعملهم 30 30 بس مفيش صنايعى بيظبط الكاوتش عدل فدرجه او اتنين محدش يدورعليها لانه مش حيظبطها
انا مره روحت بعد شهر لنفس الصنايعى لاقيته بيقولى انت ظبط الكاوتش فين قبل كده اصل ضغطه 40 قولتله عندك يافالح