الفرق بين الهاف و الفول اوبشن

[keeko]

الله ينور عليكوا يا شباب جميعا
بس واضح ان في اجماع ان الزيادات دي تستاهل اكتر من 5 الاف جنيه
و انا اصلا اول ماقررت اشتري اللوجان مافكرتش خالص في الهاف اوبشن
بس لما روحت اوتو سمير ريان و اتفرجت ع العربيه اخويا قعد يقولي هات الهاف احسن لأن الزيادات مش كتيره
بس واضح ان الزيادات دي في الشكل و المضمون كمان
فخلاص ان شاء الله لو العربيه لم تتعدي ال70 هاشتريها بأذن الله لكن لو اكتر من كده اعتقد صعب و خصوصا اني هشتري كاش فالموضوع هايبقي صعب اوي لأن لسه في فلوس لترخيص العربيه لسه اللي اعتقد انها لم تقل عن الفين و خصوصا اني ناوي اعملها كل 3 سنين مش كل سنه

الف شكر يا جماعه

[wassim_nasser]

يوم الترخيص اعمل حسابك علي 1500 جنيه عشان الفلوس ماتعجزش معاك وهاتلاقي رقم الموتور تحت الغطا (خلي مسئول المبيعات يوريلك مكانه وانت بتستلم ) والف مبروك مقدما

[keeko]

1500 جنيه دول لترخيص السنة ولا اكتر؟؟؟

[wassim_nasser]

3 سنين عشان تريح دماغك

[ahmedbakr50]

إذا جيت تفكر تزود الحاجات ده فى الهاف هتكلفك أكتر من 10 ألاف جنيه
يعنى شوف سعر الإيرباج كام وكمبيوتر الرحلات والفوجات

[keeko]

3 سنين عشان تريح دماغك

انت كده ريحتني اوي

الف شكر يا باشا علي ردودك السريعه اللي اكيييييد هاتقدني عند الشراء

[keeko]

إذا جيت تفكر تزود الحاجات ده فى الهاف هتكلفك أكتر من 10 ألاف جنيه
يعنى شوف سعر الإيرباج كام وكمبيوتر الرحلات والفوجات

تمام يا باشا
بالمناسبه هي الفوج لايت دي لزمتها ايه اصلا؟؟
هل ليها علاقه بالشابوره و كده ولا انا غلطان؟؟؟

[wassim_nasser]

لو انت رايح جاي علي اي طريق زراعي فى الشتا بتشغلهم لو فيه شبورة عشان اللي جاي قدامك من بعيد يبقى شايفك واللي ماشى وراك يعرف يقدر المسافة عشان مايلبسش ف سيادتك

[MOUSTAFA_SAAD]

انا معايا الهاف والفرق يستاهل المبلغ ده بس ماجبتهاش علشان الفلوس كانت يدوبك وعموما الهاف فيها كل الاشياء الضروريه اللى حتحتاجها

[bayoumisoft]

استاذ بيومي متشكر لذوقك انا لا استاذ ولا يحزنون بس استفدت كتير من المنتدي وباحاول افيد اي عضو جديد عشان ابقى جدير بالإنضمام لقسم اللوجان

لا بجد الله ينور عليك

[Hadidy0]

بص حضرتك سيبك من كل الرغى ده وبص ل 3 حاجات ودول فى رأيى يستاهلو اكتر من 5000

اول حاجه التنجيد و سى دي 4 سماعات
تانى حاجه تعديل ارتفاع كرسى السائق وعجلة القيادة (ميزة فى منتهى الاهمية عشان تقدر تتعود علي ابعاد العربية)
تالت حاجه كومبيوتر الرحلات

وعلما بإن دي اول عربية ليا وكمان لسة باتعلم بس بجد لما ركبت الهاف والفول لأ الفرق يستاهل .. وربنا يوفقك ف الاختيار وقبل كل حاجه صلي استخاره عشان ربنا ياخد بيدك لما فيه مصلحتك

ايه كمبيوتر الرحلات ده؟؟؟؟؟

[wassim_nasser]

كومبيوتر الرحلات ده عباره عن شاشة موجودة فى التابلوه مابين عداد السرعة وعداد لفات المحرك (الأر بى إم) والشاشة دي انت بتتحكم فيها من زرار موجود فى دراع المساحات (دراع يمين الدركسيون) المهم الشاشة دي موصولة بشريحة كومبيوتر بتحسبلك العربية عاملة كام كيلو (عداد الكيلو الاساسى) و اخر مشوار عمل كام كيلو .. واستهلكت بنزين أد ايه .. متوسط استهلاك البنزين بمعدل كام لتر لكل 100كيلومتر ومتوسط سرعتك فى المشوار ده .. والكومبيوتر ده بيساعدك تقدر استهلاكك و تقدر الموجود ف التنك يمشيك أد ايه

[ayman1204]

الفول اوبشنز واتوكل على الله

[ibrahimthebest]

كومبيوتر الرحلات ده عباره عن شاشة موجودة فى التابلوه مابين عداد السرعة وعداد لفات المحرك (الأر بى إم) والشاشة دي انت بتتحكم فيها من زرار موجود فى دراع المساحات (دراع يمين الدركسيون) المهم الشاشة دي موصولة بشريحة كومبيوتر بتحسبلك العربية عاملة كام كيلو (عداد الكيلو الاساسى) و اخر مشوار عمل كام كيلو .. واستهلكت بنزين أد ايه .. متوسط استهلاك البنزين بمعدل كام لتر لكل 100كيلومتر ومتوسط سرعتك فى المشوار ده .. والكومبيوتر ده بيساعدك تقدر استهلاكك و تقدر الموجود ف التنك يمشيك أد ايه

هو ممكن فى عداد الكيلومتر الاساسى ممكن يتصفر ويتلعب فيه ولا لا ؟؟

[M_SALLAM]

ممكن اعرف اخر سعر للوجان فول ابشن بكام دلوقتى؟؟

اللوجان غلت 2000 جنيه يعنى بقة سعرها 71000 جنيه رسمى فهمى ناظمى :d