الفار دخل المصيدة

[abou_mariam]

علبة الدركسيون بس ب 7700 الكلام واضح مش مبهم عندك الرقم المختصر لرينو اتصل و اسأل سهل جدا كشف الحقيقة

[abou_mariam]

يا جماعة اتصلوا برينو اسالوا عن ثمنها بلاش تدفنوا راسكم فى الرمل و تقولوا مش ممكن يكون ثمنها 7700

[ahmed76]

متابع للمصيده .... قصدى للموضوع

[tamer61]

برجاء توضيح أكتر للموضوع .... مثلا يعني ... إيه إللي إتغير مع علبة الدركسيون لأن مش معقول لو عملت حادث "بسيط" علبة الدركسيون تبوظ و هي بس إللي تتغير لازم حاجات تانيه قبلها تدمرت. يرجى شرح الموضوع من بدايته و ليس نهايته. وتقبل تحياتي.

[akerima]

حبيبي رينجو بجد سعيد ان انا اشوفك بتشارك تاني انت وحشني جدا - انا رديت علي الاستاذ ابو مريم في مضوع السنتر ومتابع باهتمام توضيحة لاسباب زعلة من التوكيل وانهو فرع هوا بيعمل عنده الصيانة

[abou_mariam]

بناء على رغبة أخوانى فى المنتدى هشرح الموضوع من الأول
فى شهر فبراير رحت عملت صيانة 10000 أخر يوم سبت فى الشهر وبعدها كتبت موضوع تحذيز ! ( أبعد عن يوم السبت و غنيلة ) المهم كنت بشتكى من ضعف الفرامل و المهندس قالى دى حلوة بس انت مبتفهمش فى الفرامل قلتله صديقى معاه لوجان هاف أوبشن و أنا سقتها كتير عايز سيارتى تبقى زيها المهم مختش حق ولا باطل معاه و اخذت السيارة بدون غسيل
المهم رحت غسلتها برة و لاحظت بعد الغسيل ان الفرامل ضعفت عن الاول قلت فى صيانة 15000 اغير التيل و امرى الى الله
المهم فى 11000 دخلت فى اتوبيس من الخلف بسبب ضعف الفرامل و كتبت موضوع ( التوكيل ولا التوفيقية) الاصابة كانت فى الكبوت - الفوانيس - الشبكة - النيكل - الاكصدام - سربنينة المكيف
المهم رحت التوكيل عملت مقايسة اصلاح
سمكرة و دوكو للكبوت 1100
فانوسين 1300
شبكة 275
نيكل امامى 660
السربنينة شغالة بس معووجة سبتها زى ماهى
المهم وديتها التوكيل يوم الاحد قالولى تعالى خدها يوم الخميس ( حتى الان بعشق الرينو و التوكيل لان كان معايا فرنا 2009 تعبانة جنب الرينو الحمد لله الفرنا اتسرقت فى الاحداث الاخيرة و كتبت موضوع الحقونى نتج عنه ان نصاب اخد الرقم و اتصل بيا و حب ياخذ منى فلوس )

[abou_mariam]

المهم سلمت العربية فى التوكيل فرع العبور راح المهندس واخدها و طالع بيها فوق الرصيف ركنها نصف على الرصيف و نصف على الارض رحتله قالى كلها نصف ساعة و ندخلها نشتغل فيها اتكل انت روح شغلك قولت له الوقفة دى تبوظ المساعدين + الطلعة دى تاثر على المقصات ( العفشة كلها ) المهم مشيت و رحت ليهم يوم الخميس استلم العربية لقيتها الدوكو مسيل فى الكبوت الرفارف متجرحة الشنطة من الداخل بيها اوساخ التابلوة علية معجون الفرامل زى ما هى بل بوظوا فرامل اليد بحجة تقوية الفرامل الخلفية الفوانيس الامامية المفكوكة مسروق منها عدد 2 لمبة امال انا واخد الفانوس القديم ليه علشان اللمبات المهم روحت بالعربية لقيت العربية اختلف اداؤها الدوكو مش حلو الكبوت مش مضبوط الانوار بتضرب فى السما يعنى العربية خربانة خالص + 3.5 الاف اترموا فى الارض المهم فى دربكة و صوت تكه مع الفرامل و مع الدركسيون رحت للمهندس قالى شاكك فى علبة الدركسيون سالته عن سعرها و اتصدمت زيكم المهم فكرت فى البيع الخسارة فظيعة المهم حاسس ان العربية باظت و مش هقدر اصلحها من الاسعار المبالغ فيها و شكراً لاهتمامكم

[amr.elsayed]

استاذ ابو مريم على فكرة انا ماقصدش اى تجريح ليك انا بس عايز توضيح مش اكتر
..................
بالنسبة لسعر علبة الدركسيون .. انا ماعرفش سعر العلبة كام حاليا لكن هى مش ب 7000 جنيه
انا عايز اقولك ان سعر علبة دركسيون الميجان فى حدود 2000 جنيه
وطبعا كلنا عارفين ان كل قطعة فى الميجان غالية نظرا لجودتها ... كون ان علبة اللوجان بسبع الالف جنيه دى تخلى الفار يدخل فى عبى مش فى المصيدة
عشان كدة واجب علينا بكرة الصبح نستفسر من الوكيل عن سعر علبة الدركسيون
وصدقنى اكيد فى سوء تفاهم .. والاهم اوعى تزعل من حد احنا كلنا اخوات سواء معاك لوجى او فيفى
وان شاء الله لو فى مشكلة .. ان شاء الله تتحل وتعدى على خير

[Super_Star_h]

حاول تبيعها لو جابت سعر كويس مدام انت خلاص نفسيتك بقت وحشه من العربيه يبقى انسي بيــع

[ABOHAZEM_NEW]

ياجماعه موضوع أسعار قطع الغيار ده بقى مقلق جداً
قبل كده كان فى موضوع بيقول أن سعر الكوبلن حوالى 3000 جنيه ودلوقتى سعر علبة الدريكسيون 7000 جنيه
ياربت حد يكون عنده الرأى الفاصل فى الأسعار ده ونشوف ده منطقى فعلاً ولا التوكيل بستغلنا أسوأ أستغلال
ويكون لينا رأى جماعى وأكيد هيكون مؤثر بإذن الله

[abou_mariam]

سعر علبة اللوجان اغلى من الميجان مفيش سوء فهم اللوجان زيت علشان كده غالية جدا

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قواعد المنتدى
مشرف عام 2

[abou_mariam]

استاذ ابو مريم على فكرة انا ماقصدش اى تجريح ليك انا بس عايز توضيح مش اكتر
..................
بالنسبة لسعر علبة الدركسيون .. انا ماعرفش سعر العلبة كام حاليا لكن هى مش ب 7000 جنيه
انا عايز اقولك ان سعر علبة دركسيون الميجان فى حدود 2000 جنيه
وطبعا كلنا عارفين ان كل قطعة فى الميجان غالية نظرا لجودتها ... كون ان علبة اللوجان بسبع الالف جنيه دى تخلى الفار يدخل فى عبى مش فى المصيدة
عشان كدة واجب علينا بكرة الصبح نستفسر من الوكيل عن سعر علبة الدركسيون
وصدقنى اكيد فى سوء تفاهم .. والاهم اوعى تزعل من حد احنا كلنا اخوات سواء معاك لوجى او فيفى
وان شاء الله لو فى مشكلة .. ان شاء الله تتحل وتعدى على خير

[abou_mariam]

بينى و بينك التوكيل

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قواعد المنتدى
مشرف عام 2

[amr.elsayed]

[quote=abou_mariam;3873470333]سعر علبة اللوجان اغلى من الميجان مفيش سوء فهم اللوجان زيت علشان كده غالية جدا[/quote]
هى لما تبقى زيت تبقى غالية جدا .... طيب ما 90 % من العربيات زيت مافيش علاقة بين الغلاء وبين كونها زيت
.....................
على فكرة هو مش تحدى وبينى وبينك التوكيل والكلام دة ... اكتر منه اننا نوصل للمعلومة الصح
ولنتفترض ان علبة الدركسيون ب 20 الف جنيه تفتكر حنسكت او حنسيبك اكيد كلنا حنحاول نساعدك
بس السعر دة لا يصدقه عقل سواء بقى زيت ولا كهربا فى عربية اقتصادية الى حد ما
ويا ابو مريم ادعى معايا ان المعلومة تكون غلط علشان تغير علبة الدركسيون وترجع العربية زى ما كانت
وبلاش الكتابة بالاحمر علشان دة خاصة بادارة المنتدى

[miromido75]

متابع وقعتو قلبى