سؤال عن الغيار الخامس؟؟؟؟؟

[mohamedhmk]

السلام عليكم

انا رايح بكرة ان شاء الله اعمل صيانة ال 5000 في توكيل العبور

انا بس كنت عايز اسأل الوحوش هل الغيار الخامس عندكم بيكون مخنوق شوية في النقلة عل عكس التالت والرابع ولا دي حاجه عندي انا بس؟

وبمخنوق انا بقصد اني بحس وانا بجيب الخامس ان مدى النقلة اقصر من الاربع نقلات الاولنين

وده علشان اعرف اقول الكلام ده في التوكيل بكرة ولا دي حاجه عادية؟



وشكرا جزيلا :)

[Super_Star_h]

مش فاهم مخنوق ازاى ؟
يعنى الغيار بيجى بصعوبه ؟
ولا الغيار بيجى بس تحسه ضعيف في السحب مثلآ ؟

[تامر.محمد]

بتنقل من الرابع للخامس على سرعة كام ؟
الطبيعي اصلا ان الغيار الخامس مش بتاع acceleration , او بمعنى اخر الترس مش معمول عشان يتسارع بسرعة لكنه هدفه انه يريح الموتور بتقليل عدد لفاته على السرعات العالية
فكده كده ما تتوقعش منه تسارع مماثل للرابع مثلا

[akerima]

بتنقل من الرابع للخامس على سرعة كام ؟
الطبيعي اصلا ان الغيار الخامس مش بتاع acceleration , او بمعنى اخر الترس مش معمول عشان يتسارع بسرعة لكنه هدفه انه يريح الموتور بتقليل عدد لفاته على السرعات العالية
فكده كده ما تتوقعش منه تسارع مماثل للرابع مثلا

رد ممتاز لو المقصود بمخنوق انة مابيديش العزم بتاع الغيارات التانية ودا طبيعي جدا طبعا

[mohamedhmk]

شكرا جزيلا على الردود
بس انا مقصدش انه مش بيسحب لا انا بتكلم عن احساسي بالفتيس في ايدي وقت النقلة من الرابع للخامس اتقل من التالت للرابع مثلا
وانا كل نقلاتي بتكون على 3 ار بي ام.... يعني تقريبا الرابع بيكون جايب 90 كيلومتر في الساعه...

فالموضوع كله يتعلق باحساسي بالنقلة ... لكن السحب زي الفل الحمد لله

وهل يمكن الموضوع ليه علاقة بالتلين... لاني كان اخري في النقل اول 3000 كيلو الرابع... ومكنتش بجيب الخامس؟

[tamer61]

أعتقد إنه يقصد بمخنوق دي إن النقله نفسها طولها قصير من حيث حركه عصا الفتيس "بمعني مشوار عصا الفتيس أقصر من مشوارها بين باقي النقلات كمسافه" عموما لو النقله بتيجي بسلاسه بدون عضه أو نتش تبقى تمام و ما تركزش في التفاصيل دي.وتقبل تحياتي

[akerima]

انا متهيالي ان كل مشكلتك كده عدم التعود علي انك تجيب الغيار الخامس بس متقلقش مع الوقت حتنقل علية من غير ما تحس بية

[mohamedhmk]

أعتقد إنه يقصد بمخنوق دي إن النقله نفسها طولها قصير من حيث حركه عصا الفتيس "بمعني مشوار عصا الفتيس أقصر من مشوارها بين باقي النقلات كمسافه" عموما لو النقله بتيجي بسلاسه بدون عضه أو نتش تبقى تمام و ما تركزش في التفاصيل دي.وتقبل تحياتي

هو ده الي انا اقصده بالظبط الله ينور عليك ;)

[mohamedhmk]

شكرا جزبلا لكل الردود يا اجدع ناس

انا حاليا في مركز صيانة العبور بعمل صيانة ال 5000 وقولت للمهندس على موضوع الفتيس وقالي ده عادي وهنشوف مستوى الزيت

وكمان هغير زيت علشان الزيت الي في العربيه بقاله سنه... فانا هغير زيت 5000 لحد صيانة ال 10000

وانا دلوقتي قاعد في الاستراحة بشرب نسكافيه

:d

[tamer61]

معلش بس سؤال صغير كده ................ أخبار النسكافيه كانت إيه معاك ويا ترى سكره مظبوط ولا زياده ..... المعلومه دي مهمه جدا.

[wassim_nasser]

ههههههه اعتقد هايكون حلو لو كانوا غيروه .. زي مانت عارف يابو تامر في التوكيل بيغيروا النسكافيه كل 10000كيلو

[abo_pasem]

بالهنا والشفا