الفار دخل المصيدة 2

[abou_mariam]

الحقونا يا متلحقوناش احتمال بعد هذا التوبك أروح أرمى نفسى من البلكونة الى كل اصحاب اللوجان اللى زعلوا منى لما قلت علبة الدركسيون ب 7700 خدوا الاسعار دى من موضوع (للأسف اللوجان أتخبطت جامد ) فى Nile Motors الله يصبر صاحبها و يرحمنا من الماركة دى انا دخلت المصيدة ادعولى اخرج منها و ابيع سيارتى باى ثمن انا مش قد الرينو



الموضوع الاصلى
أستلمت أنهاردة المقايسة من التوكيل وبها الاتى:

1- أكصدام خلفى 1500
2- (2) قاعدة أكصدام خلفى 350
3- رفرف خلفى يمين 1175
4- ظهر خلفى 1700
5- فجوة فانوس خلفى يمين 750
6- حلية شنطة خلفية نيكل 610
7- فانوس خلفى يمين 250
8- مفصلة شنطة خلفية (بدون سعر)
9- شنطة خلفية 1721
10- كرتيرة رفرف خلفى يمين 350
11- فردة كاوتش خلفى يمين 450
12- جنط خلفى يمين وأمامى شمال (2) 350
13- طاسة عجل أمامى شمال 100
14- كشاف أمامى شمال 445
15- كفر فوج لايت يمين 250
16- طبة أكصدام أمامى 175
17- كمرة صدر أمامى 730
18- عاكس أكصدام خلفى 50
19- سربنتينة تكييف 3475
20- رادياتير 1662
21- مروحة رادياتير 1850
22- مساعد أمامى شمال 370
23- مقص أمامى شمال 550
24- طبق مساعد أمامى شمال 930
25- (حاجة مش عارف أقراها) تيل خلفى (بعد الزوايا) 5500

المصنعيات:

26- أعمال فحص ما يلزم + ضبط شنطة والطقم الخلفى ورفرف أمامى وخلفى شمال 1750
27- أعمال دهان الطقم الخلفى + رفرف أمامى شمال + الاكصدامات 3000
28- أعمال كهرباء 350
29- أعمال (حاجة مش عارف أقراها) 300
30- أعمال فك وتركيب الاكصدامات 300
31- أعمال فك وتركيب بربريز خلفى 275
32- أعمال شحن فريون + فك وتركيب سربنتينة 750
33- أعمال ميكانيكا 1000
34- أعمال زوايا 150

الأجمالى 34468 جنية مصرى. وهو مايعادل أكثر من نصف ثمن العربية. .

[hugan]

للمره المليون اللوجان عربيه شعبيه موجهه للدول ذات الدخول الفقيره بتكنو لوجيا قديمه جدا من رينو ويا ريتها رينو داتشيا الررومانيه الكلام ده حسب الفيلم التسيجلي اللي شوفته عن اللوجان علي نا شيونال جيوجرافيك
الاسعار دي موجهه للناس اصحاب الدخول المرتفعه جدااااااااااااااااااااا
منهم لله الوكلاء شويه حراميه

[zaza_lanos]

كتير قوى

[amen]

اللى بيحصل ده تهريج العربيه فعلا للدول الفقيره واصحاب الدخول المحدوده - طبا الكلام ده مش فى مصر لان اى حد راكب عربيه بيعتبروه غنى- واعتقد التوكيل بالكلام ده معرفش يقلب الزباسن فى السعر علشان الجمارك - رغم انه ولخد مبلغ محترم - فقام يقلبهم فى اسعار قطع الغيار وبهذا ابشركم ان الموضوع لو استمر بهذا الشكل فستتراجع اللوجان ونحدش يطلع يقول اصل التوكيل فى كل حته غالى لا لا الاسعار غاليه مقارنه بسعر العربيه يعنى ايه شويه اصلاحات ب 60% من ثمن العربيه الموضوع محتاج وقفه ولو وصلت هنكلم خالدنصير - ابن المرحوم محمد نصير - رئيس الشركه كانذار اول وبعد كده نبعت المهزله دى للشركه فى فرنسا

[roua2007]

بجد الواحد خلتو يقلق جامد كده مينفعش لازم نشوف حل

[Moh_Ibrahim]

حضرتك انا لسه مكلم التوكيل حالا وسألت على سعر الا كصدام الخلفى و قالى 660 جنيه شامل الضريبه

عندك مثلا الفيرنا فى التوكيل سعر الكصدام الخلفى 600 جنيه

[تامر.محمد]

يا اخواننا دي اسعار قطع غيار عربيات رينو من على صفحتهم على الفيس بوك
اللي يفتح يدوس على لوجان فوق عشان يطلع اسعار قطع غيارها
و طبعا انا ما اعرفش الاسعار دي حديثة ولا لأ
Renault Egypt - Spare Parts | Facebook

[elbeheri]

ايه هو ده ....

[ahmedbakr50]

ربنا يسترها معانا

[abo_pasem]

يعني إللي يعمل حادثه باللوجان يبوسها ويحطها علي جنب

[tamer61]

حضرتك انا لسه مكلم التوكيل حالا وسألت على سعر الا كصدام الخلفى و قالى 660 جنيه شامل الضريبه

عندك مثلا الفيرنا فى التوكيل سعر الكصدام الخلفى 600 جنيه

أسعار التوكيلات كده .... إستهبال آخر 3 حاجات ولكن الملاحظ أن أسعار قطع الغيار المستهلكه بتبقى غاليه لكنها مقبوله مثل "سير - فلتر - بوجيهات " ولكن المشكله الكبرى بتبقى في الحوادث إللي بتغير فيها أجزاء كامله في العربيه مثل "رفرف - كبوت - إكصدام ...... إلخ" والطامه الأكبر في المصنعيات و الدهان تحس إنهم بيحطوا أرقام فضائيه فلكيه خرافيه جزافيه. وربنا يسترها معانا جميعا.

[faresattar]

بتهيألي الحل العملي بعد ما عرفنا الأسعار الرهيبة دي هو التأمين على العربية علشان الحوادث لا قدر الله .. بس انا مش عارف بصراحه شركات التأمين بتدفع ولا نصابين هما كمان زي كل الشركات اللي في مصر .. يا ريت حد يكون اتعامل مع التأمين يرد علينا

[Moh_Ibrahim]

أسعار التوكيلات كده .... إستهبال آخر 3 حاجات ولكن الملاحظ أن أسعار قطع الغيار المستهلكه بتبقى غاليه لكنها مقبوله مثل "سير - فلتر - بوجيهات " ولكن المشكله الكبرى بتبقى في الحوادث إللي بتغير فيها أجزاء كامله في العربيه مثل "رفرف - كبوت - إكصدام ...... إلخ" والطامه الأكبر في المصنعيات و الدهان تحس إنهم بيحطوا أرقام فضائيه فلكيه خرافيه جزافيه. وربنا يسترها معانا جميعا.

بس انا بسأل هما ازاى قالولى ان سعر ه 660 و الاخ مركبه 1500 جنيه

[arch_msaid]

سعر اللإكصدام الخلفى 600 جنيه بدون الضريبة انا لسه سأل عليه دلوقتى حالا

[Moh_Ibrahim]

بس انا بسأل هما ازاى قالولى ان سعر ه 660 و الاخ مركبه 1500 جنيه

سعر اللإكصدام الخلفى 600 جنيه بدون الضريبة انا لسه سأل عليه دلوقتى حالا

ممكن الاخ ابو مريم يرد علينا فى الموضوع ده