الصراحة اللي عاوز عربية في الفئة السعرية دي يخليه في الكوري أو الياباني أحسنلو عشان قطع الغيار. ولا عزاء للأوروبي
X
-
امينالمشاركة الأصلية كتبت بواسطة akerima مشاهدة المشاركةوالله في الاخر انا حاسس ان صاحب الموضوع حيطلع من الشاشة و
- بس عشان elshaky حبيبي من ايام الجيزة يبقي اكيد يا معلم الف حمد و شكر ليك يا رب ان الرينو عملت لوجان والحمد لله ان ربنا وفقنا ليها - ويارب كملها برخص قطع الغيار احنا عارفين ان احنا راكبين اوربي مش كوري ولا صيني بس احنا غلابة مش من بتوع البي ام والمرسيدس فيا رب هيدي التوكيل ويفهم الكلام دا ويعمل خصم 50% علي قطع الغيار - قولوا امين
Comment
-
هو احنا نشكر رينو ليه - هي بتعمل فينا جميلة و لا حاجة - و لا كانت بتدهلنا هدية
ما احنا بندفه فيها فلوس بردة
وكمان ماينفعشي ابقا انا باشتري العربية و منت عارف اسعار قطع غيارها فى شهر يناير 2011 و كانت الاسعار مناسبة لي
الاقى بعد كده الاسعلر غاليت اوى و فى حاجات مش منطقية- مثال ( الكوبلن ب 7000 ج.م و قاعدة الدريكسيون ب 7000 ج.م )
و بخصوص ان العربية فى الضمان- ما قلتش حاجة- بس ربنا يحفظ الجميع من كل سوء- انت عارف السواقة و الحوادث اللي بتحصل كل يوم
يبقى مش معقولة ان واحد يعمل حادثة بسيطة - يقوم يدفع ثلاث تربع تمنها فى الاصلاح
الحاجة الاخيرة ان الواحد بيضر يشتري الحاجة من التوكيل علشان انا متاكد ان الي بره التوكيل مضروب- قمانى برمى فلوسي
و فى حاجات لازم تكون كويسة علشان الامان( التيل / الكوبلن ...)
العربية حلوت- بس انا حاسس انى اتخدعت فى الاول
انا كنت هاجيب فيا البيا من معرض يناير 2011- بس علشان الراجل كان مش صادق فى حاجة بسيطة - لنل مردتش اجيبها
الحاجة البسيطة انه قالي ان البيا واخدة 5 نجوم في اختبار التصادم eurocap
شكرا
Comment
-
للأسف انا مش راضى عن اى كلمه قالها حد فى الموضوع ده غير الباشمهندس akerima اللى جاب كل الناهيه لكن مين يسمع يا عم
والله مش مصدقين ان العمليه دى عمليه وقت مش اكتر ولا ااقل لكن بتكلم مين (لا حياه ؟ لمن تنادى !)
انا كل يوم بلاقى سعر قطع الغيار بيقل عن اليوم اللى قبله يا جدعان وزياده عن الاسعار اللى عند الاستاذ الرفر امامى ب 300 جنيه من غير رش يعنى سعر جميل جدا جدا مش عارف مالكم مش قادرين تفهموا انها مسأله وقت ولما التوكيل يلاقى الناس بتشترى قطع الغيار من بره هينزل سعرها جامد وهينزلها ااقل من النص وانا اهو وانتوا اهو والايام بيننا
يا جدعان علشان خاطر ربنا اهدوا وكله مسأله وقت مش اكتر والوقت كمان مش كتير يعنى بالكتير لو اتباعت كمان مثلا فى مصر مليون عربيه كمان اقسم بالله هتلاقى قطع غيار العربيه بقت اكتر من الفيرنا والاكسنت والانوس اللى هما تاكسى يعنى مرطرطين البلد بجد العربيه دى دخلت مجال المنافسه بقوه وهتكمل بقوه
واسف على الاطاله ولو فى حد عايش فى السويس وعايز مكان قطع غيار رينو يكلمنى وهقولو عليه
Comment
-
حضرتك شكلك بتريح بالك وخلاص وبتمشى زى باقى الناس وبتقولو اللى نعرفه احسن من اللى ما نعرفهوش بجد كلام فاضى وملهوش اى معنى حضرتك بتقول كلام مش فى محلهالمشاركة الأصلية كتبت بواسطة mhdside مشاهدة المشاركةالصراحة اللي عاوز عربية في الفئة السعرية دي يخليه في الكوري أو الياباني أحسنلو عشان قطع الغيار. ولا عزاء للأوروبي
مع احترامى لحضرتك انت معاك لوجان اساسا ؟
Comment
-
انا قولت كلمتى و خلاص و اقسم بالله العلى لعظيم انا ولا من التوكيل و لا اى حاجة من دى انا بقول كلمة حق و ربنا يعلم و شاهد على كل كلمة انا بقولها ......
فى ناس و توكيلات من مصلحتها انها تبوظ سمعة العربية علشان عربيات تانية تمشى فى السوق و لكن بحمد الله اللوجان ما زالت محتفظها برونقها و الدليل على ذلك ان عليها سحب جاااااااااااامد جدااااا اليومين دول و خلصت من السوق و الناس ما زالت بتحجز و خلاص لدرجة ان فى عرض ترويجى لفترة معينة جاى من الرومان .....
Comment
-
انت عارف معنى القسم بالله؟المشاركة الأصلية كتبت بواسطة elshaky مشاهدة المشاركةيا جدعان علشان خاطر ربنا اهدوا وكله مسأله وقت مش اكتر والوقت كمان مش كتير يعنى بالكتير لو اتباعت كمان مثلا فى مصر مليون عربيه كمان اقسم بالله هتلاقى قطع غيار العربيه بقت اكتر من الفيرنا والاكسنت والانوس اللى هما تاكسى يعنى مرطرطين البلد بجد العربيه دى دخلت مجال المنافسه بقوه وهتكمل بقوه
يعنى انت متاكد- وكيف يكون وانت لا تملك حق تخفيض الاسعار -
و حتى لو كنت معتقد ان هو ده المنطق ان الاسعار هههاتنزل - فانت لا تستطيع الضمان - فلا يجب عليك القسم
اخوك
هيثم
Comment
-
لولا اختلاف الأذواق لبارت السلع
اللوجان وكل العربيات اللي في فئتها دي مش عربيات دي سوري زبالة العربيات واحنا بيضحك علينا وبينركب عربيه زي اللوجان ولا اللانوس وبندفع فيها تمن كورولا ولا سيفيك
لكن في ظل الظروف اللي احنا فيها اللي عنده عربيه كافياه شر المواصلات يحمد ربنا عليها وطالما مقتنع بيها ميرميش ودنه لحد
Comment
-
المشاركة الأصلية كتبت بواسطة shaddadfalcon1 مشاهدة المشاركةلولا اختلاف الأذواق لبارت السلع
اللوجان وكل العربيات اللي في فئتها دي مش عربيات دي سوري زبالة العربيات واحنا بيضحك علينا وبينركب عربيه زي اللوجان ولا اللانوس وبندفع فيها تمن كورولا ولا سيفيك
لكن في ظل الظروف اللي احنا فيها اللي عنده عربيه كافياه شر المواصلات يحمد ربنا عليها وطالما مقتنع بيها ميرميش ودنه لحد
احب اقولك ان اللوجان من فئة اخرى غير فئة الانوس اطلاقا
اللوجان لو نازلة عليها جمارك مكنش ثمنها اقل عن 85000 جنيه
اللى مرخض سعر اللوجان اتفاقية اغادير مش اكثر
ثانيا: اللوجان مش عربية زبالة ولا حاجة اللوجان عربية محترمة و يكفينى فخرا و شرفا انى راكب رينو و بعدين لو كانت وحشة و زبااااااااااالة زى محضرتك بتقول مكنتش انتشرت الأنتشار الرهيب دة خلال سنتين فقط و مكنتش رينو حطت اسمها و علامتها المحترمة عليها , شركة رينو و وكلاء eim حطوا اسمهم على العربية غير و هما واثقين ان العربية هتنتشر و تحقق نجاح و بالفعل العربية انتشرت و حقت نجاح باهر بفضل الله تعالى ثم توكيل رينو المحترم المميز عن باقى التوكيلات ....
Comment
-
بس خلاص هو انتو هتتخانقوا
اللي عايز يركب لوجاااااااااااان اهلا وسهلا بيه معانا
واللي مش عااااااااااااااايز بردو ان مشلهوش قسم اللوجاااااااااان نشيلوا جوا عيننا
وربنا يبارك لكل واحد فيما ملكت يداه ................ ويكفينا كل شر ويرزقنا كل خير
اخوكم
نور[CENTER][B]التحرير كان اسمه ميدان...................... أصبح للثوار عنوان
رجعتونا لعزة ناصر .................... رافعين رأسنا زي زمان
شكرا لكل واحد شارك في الثورة[/B][/CENTER]
Comment
-
يااخي الكريم حضرتك اسأت فهمي وانا مش قصدي ان عربية حضرتك زباله وربنا يباركلك فيها ويديك خيرها ويكفيك شرهاالمشاركة الأصلية كتبت بواسطة zotye مشاهدة المشاركةاحب اقولك ان اللوجان من فئة اخرى غير فئة الانوس اطلاقا
اللوجان لو نازلة عليها جمارك مكنش ثمنها اقل عن 85000 جنيه
اللى مرخض سعر اللوجان اتفاقية اغادير مش اكثر
ثانيا: اللوجان مش عربية زبالة ولا حاجة اللوجان عربية محترمة و يكفينى فخرا و شرفا انى راكب رينو و بعدين لو كانت وحشة و زبااااااااااالة زى محضرتك بتقول مكنتش انتشرت الأنتشار الرهيب دة خلال سنتين فقط و مكنتش رينو حطت اسمها و علامتها المحترمة عليها , شركة رينو و وكلاء eim حطوا اسمهم على العربية غير و هما واثقين ان العربية هتنتشر و تحقق نجاح و بالفعل العربية انتشرت و حقت نجاح باهر بفضل الله تعالى ثم توكيل رينو المحترم المميز عن باقى التوكيلات ....
انا اقصد ان العربيات اللي بنركبها في مصر وحشه جدا بالنسبه للسيارات الموجوده في دول العالم المحترمه اللي راكبين عربيات انضف من عربياتنا 100 مره وبسعر اقل من اللي بندفعه احنا في العربيات اللي عندنا
اتمني ان تكون فاهم قصدي
Comment
-
شكر على ايه !
هما بيطلعو من جيبهم حاجه لله
تمن اي عربيه غالي جدآ فى مصر
بالنسبة لقطع الغياار في اسعار مبالغ فيهاا جدآ فى التوكيل
ومش فاهم كله بيجرى على التوكيل ده ليه
ما تسألو وتشترو من بره وتصلحو بره كماان
قطع الغيار شايف اهو بتنزل يوم بعد يوم فى كل حته ما شاء الله
واصلى وصينى وكل اللى انت عايزه
ولسه الاسعار هتنزل كمان
وعربيه كورى واروبي !! كله فااااكس
[CENTER][rmade]http://www12.0zz0.com/2015/02/12/19/718590391.jpg[/rmade][/CENTER]
Comment
-
المشاركة الأصلية كتبت بواسطة zotye مشاهدة المشاركةطبعا اللوجان عربية راااااااااااائعة و محترمة فوق الوصف و تستحق كل احترام و تقدير .....
اما بالنسبة لموضوع قطع الغيار اللى مش عاوزين نخلص منه , انا وضحت ليه اسعار قطع غيار اللوجان مرتفعة بس معلش هوضح تانى ( كتر التكرار يعلم الشطار )
1- ببساطة شديدة العربية بقلها سنتين فقط فى السوق المصرى و مع كل ذلك نزلها قطع غيار خارج التوكيل و ارخص من التوكيل و فى اعضاء افاضل قالوا عن اسماء المحلات و لم يكتفوا بذلك بل قالوا على ارقام تليفونات هذه المحلات فى مختلف المحافظات ..
انا عن نفسى مصدقتش و قولت انزل اشوف بنفسى و بالفعل نزلت فى سوق صلاح الدين بالأسكندرية ( لأن انا مقيم فى الأسكندرية طبعا ) المهم لقيت قطع الغيار متوافرة و انا ممكن اقولكم على اسعار بعض قطع الغيار اللى انا سالت عليها:
1- سعر مرأة جانبية كهلربائية كاملة 350 جنيه و العادية ( اللى مش كهرباء يعنى ) 160 جنيه ...
2- طقم طاسات كامل 175 جنيه ..
3- فلتر زيت 30 جنيه ....
4- طقم بجيهات 100 جنيه .....
5- اكصدام 600 جنيه ...
6- زجاج خلفى اصلى 300 جنيه ....
7- فانوس امامى اصلى 220 جنيه ...
8- فانوس خلفى اصلى 130 جنيه ...
9- اوكرة باب جانبية 30 جنيه .....
انا كتبت اسعار قطع الغيار اللى متذكرها بس كل حاجة موجودة و زى الفل و العربية نزلها قطع غيار استعمال خارج فى السويس ....
و بعدين الفيرنا لغاية عام 2004 كان ملاكها بسرخوا من قطع الغيار , كانت غالية و مش موجودة اما اللوجان باسم الله ما شاء الله خلال سنتين انتشرت الأنتشار الرهيب دة و نزلها قطع غيار خارج الوكيل ( حاجة جميلة طبعا )....
ثانيا: حضرتك هتكبر دماغك خلال فترة الضمان ( 3 سنوات او 100 الف كيلو متر ) و بعد كدة هنلاقى قطع غياها متوافرة خارج التوكيل و مرطرطة كمان زى الفيرنا و الانوس و ربنا ميجعلكم تحتاجوا لقطع الغيار ولا للتوكيل ...
ثالثا: حضراتكم بتقارنوا بين اسعار قطع غيار اللوجان فى التوكيل و اسعار قطع غيار الانوس و الفيرنا خارج التوكيل , قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه يعنى حضراتكم لو قانتوا بين اسعار قطع غيار اللوجان الفرنسااااااوى الأصلى فى التوكيل و اسعار قطع غيار الانوس و الفيرن الكورى الأصلى من التوكيل هتلاقوها متقاربة مع ان قطع غيار اللوجان فرنسااااااوى يعنى معمرة اكثر من قطع غيار الانوس الكورى .....
فى النهاية اسف على الأطالة و مش عاوز حد يزعل منى و معلش انا انفعلت زيادة عن اللزوم و تقبلوا تحياتى ......
يا باشا الله ينور عليك وتسلم إيدك وللعلم أسعار قطع الغيار المسنهلكه "زي السيور - البوجيهات - الفلاتر - الكشافات - .... إلخ" مش غاليه للدرجه ولكن المشكله في القطع قليلة التغيير أو بمعنى أصح نادرة التغيير " علبة الدركسيون - الكبالن - الصاج و الرفارف" وتغيير الحاجات دي بيكون في حالة الحوادث كفانا الله جميعا شرها وفي معظم العربيات الحديثه بيكون في تأمين. وعموما شكرا لرينو هذه السياره وكذلك شكرا لتوكيل رينو مصر معاملته الحسنه والمميزه لعملائه. وتقبلوا تحياتي جميعا.
Comment

Comment