لوجاناوى و افتخر !!

[engahmedamin]

الموضوع ده لرفع معنويات الساده اعضاء القسم
خصوصا بعد الكلام اللى زى الفل اللى بقالنا يومين بنشوفه
الموضوع ده انا اخترت اسمه كده عشان كل واحد من اللى راكبين اللوجان يدخل يقول مزاياها وايه اللى عاجبه فيها
لأن بصراحة كده اى زائر للقسم بتاعنا .. هيحس من كتر النقد "الغير بناء" ان العربية زباله
مع ان العربية فعلا ممتازة جدا و مميزاتها لا تحصى
يا ريت كل واحد يدخل يقول بيحب ايه فى عربيته اللوجان ..
و انا هبدأ بنفسى :
انا اكتر حاجة حبيتها فى اللوجان "الثــبــــات"
ما شاء الله العربية بتبقى عاملة زى الاسد على اى طريق سريع او اى سكة سفر طوالى
فعلا بحس اوى وانا مسافر بيها انى اخترت صح و الحمد لله
ثبات ممتاز و اتزان رائع
و مع ان العربية عالية فعلا عن الارض "و ده بينقذ العفشه من شوارع المحروسة المكسرة" الا ان ارتفاعها غير مؤثر على اتزان العربية على الطرق السريعه و بالذات فى الملفات
فيه ميزة كمان حاببها اوى
الباور بتاع الدريكسيون متوسط مش خفيف اوى .. و ده بيخلى العربية متهربش منك فى الملفات الشديدة لو سايق بسرعه .. و بيساعدك فى التحكم فيها اكتر من عربيات تانية كتيييير ...
و ده طبعا غير الايموبيليزر "مانع سرقة العربية بمفتاح تقليد" .. اللى بيخلينى راكن العربية و انا مطمن و طبعا الله سبحانه و تعالى هو الحافظ ..
ده غير مزايا كتييير لو قعدت اقول فيها هاقول للصبح .. بس لازم اسيب حاجة لباقى الاعضاء

[Moh_Ibrahim]

بجانب المميزات اللى حضرتك قلتها انا هضيف الاتى

1. الوسع الشديد فى interior مش ببالغ لما اقول ان هى اوسع فى الكنبه الخلفيه من السيراتو و نيسان صنى و كمان اكسنت RP

فى اللوجان لما بترجع الكرسى الامامى للخلف على الاخر ... يقدر يقعد فى الخلف ثلاثه مستريحيين جدا ... جرب الموضوع ده فى العربيات الى انا ذكرتها هتلاقى اخرك اتنين ورا و مش هيبقوا مستريحيين و اى حد مش مصدق الموضوع ده يجربه ... انا كنت عند سمير ريان امبارح و جربيت الموضوع ده و استغربت ان عربيات فوق 90 الف و مش واسعه من ورا.

2. الوسع الكبير جدا للشنطه ( 510 لتر ) مش لاقى عربيه شنطتها بالوسع ده ... الانترا مثلا 430 لتر.

3. الكراسى مريحه عن العربيات الكورى و اعتقد ده لان الكراسى من تحت على سوست زى المرسيدس .

4. الصيانات بتاعتها فى التوكيل رخيصه ... بتدفع فلوس عند 10000 كم و مضاعفتها ... عندك مثلا غبور بتدفع كل 5000 كم

5. السقف بتاعها عالى جدا .... بتديك رحابه واحساس ممتع و انت سايق.

6. و ضعية القياده ممتازه

7. عفشه قويه و بتستحمل ... و ناعمه بدرجة جيد جدا بش مش ممتازه فى النعومه


العيوب

1. صوت الموتور عالى شويه ... بالذات على السرنسيه و الاول ( مش عامل اى مشكله معايا )
2. السحب بيبقى مش عالى لو راكب خمسه فى العربيه و مشغل التكييف ... لكن غير كده السحب و التجميع كويس جدا
( انا شايف ان هى كانت محتاجه مكنه اقوى شويه 16 صباب لانها عربيه تقيله عن الكورى و بعدين مصصمه عشان تشيل فيها كل اللى انت عايزه )

[engahmedamin]

ايه يا وحوش اللوجان !!
فيييييييين تعليقات الوحوش ؟؟:d:d
دانا ماقولتش غير 1 على 100 من مميزات العربية و سبتلكوا الباقى :):)

[AIRSUPPLY13]

انا مش ركيب عربيات و لا مقطع الماركات و لا حاجة
بس بحمد ربنا على العربية دي....... و لو رجع بيا الزمن هاجيبها تاني بس لون فضي :)))))))

حصلي مواقف كتير اوي بيها ........ناس بتكسر عليا فجأة........ميكروباص غبي..........سواق نقل شارب.........عيل بيجري في الشارع .......عربية اتقلبت قدامي و انا علي 120..........كل الكلام ده في الأساس ستر من ربنا قبل كل شيء......بس بعد كل حاجة بستغرب و اقول ازاي العربية دي عملت كدة.......الحمد لله

[frhateg]

اقتصاديه في استهلاك البنزين متوسط 8.5 لتر / 100 كيلو .
فراملها جيده جدا بالرغم عدم وجود abs .

[Xlance2010]

انا استلمت السيارة من اربعة أيام فقط ورغم أنها بدون كماليات إلا أننى أحمد الله على أن وفقنى لاختيار هذه السيارة التى أرى أنها مكسب فعلا وفلوسى وضعتها فى محلها فالعربية ممتازة بكل المقاييس ولا أرى فيها عيب واحد وإن شاء الله أنوى تركيب الكماليات كلها تباعا ونسأل الله لنا ولكم التوفيق والسداد

[elshaky]

انا بقى بحب كل حاجه انتوا قولتهوا كلكم :

بحب ثباتها اللى متفوق على الانترا والابترا الجديده وعن تجربه والحمد لله بجد ثبات الاوروبى متميز
عربيه اوروبى ولا كورى ولا زفت
اقتصاديه جدا جدا
قطع الغيار بقت مرطرطه فى الدنيا كلها والحمد لله وطظ فى التوكيل
وتوكيل محترم الى ابعد الحدود
اقسم بالله العظيم انا لو معايا فلوس اكتر ورجع بيا الزمن هشتريها هى برضو بس فل اوبشن علشان بتاعتى هاف بس مبسوط مها اوى اوى اوى

الحمد لله ومش شايف للعربيه عيوب غير ان الماتور عالى نسبيا لكن مش دبابه يعنى خالص وصوت السيراتو اعلى بس انعم لكن صوت اللوجان خشن ( مش مضايق منه على الاطلاق ) وغير كده العربيه فيها اوفر درايف يعنى بعد 4 ار بى ام هتلاقى نعره رياضيه جدا جدا

بس والحمد لله الحمد لله على العربيه الاصيله اصيله فى كل حاجه بقولها يلا نسافر بتقولى يلا بقولها يلا نشد بنحط على الناس كلها والله بشد بيها مع عربيات عاليه وشديت مع عيل معاه ساجا وكان فاكر نفسه برنس لكن على مين دى اللوجان يا ريس يعنى بعد 4 ار بى ام هتلاقى ( مارد ) بجد والله وحش طلع من الماتور بجد عربيه الكلام قليل اوى عليا ولو حبيت اتكلم هتكلم لحد بكره الصبح ونسيب حد من الوحوش يدخل يكمل

اسف على الاطاله

[engahmedamin]

بس والحمد لله الحمد لله على العربيه الاصيله اصيله فى كل حاجه بقولها يلا نسافر بتقولى يلا بقولها يلا نشد بنحط على الناس كلها والله بشد بيها مع عربيات عاليه وشديت مع عيل معاه ساجا وكان فاكر نفسه برنس لكن على مين دى اللوجان يا ريس يعنى بعد 4 ار بى ام هتلاقى ( مارد ) بجد والله وحش طلع من الماتور

يا وحش ربنا يباركلك فى عربيتك و يزودلك فى اوبشانتها :D:D
بس بالراحة عالعربية و خليك "حونين" عليها دى مكملتش سنه
بس بينى بينك هى تشجع الواحد على اللعب و الحركات .. ماشاء الله حمالة أسية و عربية فى الجون
ربنا يباركلنا فيها و يرزقنا كلنا خيرها و يبعد عننا شرها

[elshaky]

يا وحش ربنا يباركلك فى عربيتك و يزودلك فى اوبشانتها :d:d
بس بالراحة عالعربية و خليك "حونين" عليها دى مكملتش سنه
بس بينى بينك هى تشجع الواحد على اللعب و الحركات .. ماشاء الله حمالة أسية و عربية فى الجون
ربنا يباركلنا فيها و يرزقنا كلنا خيرها و يبعد عننا شرها

والله انت اللى وحش فى الجون بجد متشكر على ردك اللى خلانى فرحان اوى والله يا جدعان المنتدى ده فى حب رهيب بين اعضائه بس فى ناس تانيه زى ......... بدون ذكر اسماء عايز يتولع فيها بجاز

والله انا مش بشد بالعربيه على طول لكن كل فتره كده يعنى فى الاسبوع مره علشان الماتور يفوق معايا وغير كده صوت الماتور بيهدى جامد كل مره عن اللى قبلها

[wassim_nasser]

وفرتوا عليا رغي كتيييير كنت هاقوله بس انا هاتكلم في نقطه تهمنى جدا و هى ان اللوجان من اجمل العربيات اللي تبدأ بيها تتعلم يعنى ايه قيادة سيارات .. قبل ماشتريها كنت اتعلمت علي 124 و 125 والناس كلها ركبت علي ودانى واوعي تجيب زيرو هات مستعمل بس انا ركبت دماغي وجبتها .. العربية جميله ف تعليم السواقه لأنها صغيرة و ابعادها سهل تاخد عليها .. ده غير ان التحكم فيها ع الطريق سهل وفراملها تسعفك يعنى لو لسه خام زي حالاتي وعايز تتعلم هات لوجان

[engahmedamin]

والله انت اللى وحش فى الجون بجد متشكر على ردك اللى خلانى فرحان اوى والله يا جدعان المنتدى ده فى حب رهيب بين اعضائه بس فى ناس تانيه زى ......... بدون ذكر اسماء عايز يتولع فيها بجاز

والله انا مش بشد بالعربيه على طول لكن كل فتره كده يعنى فى الاسبوع مره علشان الماتور يفوق معايا وغير كده صوت الماتور بيهدى جامد كل مره عن اللى قبلها

شكرا جدا لذوقك و ربنا يباركلك فيها و يحميهالك :)

انا حبيت اضيف حاجة بقى ممكن تكون مهمة شوية :
اللوجان بتتصنع فى 8 دول فى العالم
المغرب و رومانيا و الهند و روسيا و ايران و البرازيل و كولمبيا و جنوب افريقيا
اللى بتتصدر لدول أوروبا كلها بما فيهم فرنسا .. هى اللى متصنعه فى المغرب فقط.. و هى هى اللى بتجيلنا مصر
و ده معناه ان العربية موفية القياسات بتاعة السوق الاوروبيية و ده يدل على ان جودة العربية عالية جدا و حتى اعلى من اللى متصنعه فى باقى المصانع

بس الصراحة التوكيل لازم يشوفله مقر و مركز صيانه اكبر من كده بكتييييير
لأن فعلا العربيات الرينو خصوصا اللوجان عليها سحب رهيييب
و بالتالى محتاجين مكان اكبر عشان عمليات الصيانه و الاصلاح تكون اسرع

[nour_nrc]

اوفيتم كل شئ ياشباب

بصراحة الحمد لله كثيرا علي انه هداني ورزقني باللوجان عربية بجد محترمة

وقت ما تحتاج حاجة منها تلاقيها

تسارع موجود

عفشة محترمة موجود

اكتر حاجة بقي مطبات مصر المحروسة بتلاقي كل العربيات رايحة شمال ويمين علشان متحكش في المطب وبردو في الاخر بتحك والواحد الحمد لله بيدخل باللوجان ولا في دماغه حاجة خالص الحمد لله

استهلاك بنزين انت لو عايز تصل اللتر يعمل 20 ك حتوصله بس بطريقة سواقتك (ده علي الطوالي علي سرعة متغيرة 80-90 ك / س )

واخيرا

ربنا للك الحمد كما ينبغي لجلال وجهك و عظيم سلطانك

[ABOHAZEM_NEW]

ياسلام .. أيه الحلاوه والجمال ده
كده الكلام الجميل رجع تانى .. الله ينور عليك يا بابشمهندس أحمد
موضوع زى الفل .. كنا محتاجينه من فتره
والله الواحد كان بيخاف وهو داخل على المنتدى من العيوب و السلبيات والإحباطات
العربية والله ممتازه ونعمه من عند ربنا .. رينا يبارك فيها ويحفظها من كل سوء

[akerima]

انا بقي وضوع تاني انا بحب اللوجان عشان لوجان - الغريب ان انا في الاول مكنتش حابب الرينو اصلا انا عمري ماركبت رينو ولا كنت حفكر اركب رينو وموضوع اللوجان دا جه معايا بالصدفة والحمد لله الذي هدانا وما كنا لنهتدي لولا ان هدانا الله - العربية الحمد لله ممتازة في كل حاجة عفشة عاشقة للمطبات صالون واسع ماتور ممتاز شنطة متفكرش في اللي ان حتاخده وانت مسافر اوبشان عالي وباذن الله امان مالوش حدود وتكلفتها الاستهلاكية قليلة من حيث البنزين والصيانة وباذن الله عن قريب حيزول عيبها الوحيد وهو قطع الغيار الغالية نسبيا بتوافرها خارج التوكيل واهم ميزة بجد مجال الرؤيا الواسع وعدم يعني لا في قايم مضايئق ومنتش شايف منة اللي جانبك زي في بعض الانواع الاخري - كفاية ان اسال اية النواع الاخري المتوفرة بجنط 15 وبكام عشان نعرف اللوجان من انهي فئة

[engahmedamin]

ياسلام .. أيه الحلاوه والجمال ده
كده الكلام الجميل رجع تانى .. الله ينور عليك يا بابشمهندس أحمد
موضوع زى الفل .. كنا محتاجينه من فتره
والله الواحد كان بيخاف وهو داخل على المنتدى من العيوب و السلبيات والإحباطات
العربية والله ممتازه ونعمه من عند ربنا .. رينا يبارك فيها ويحفظها من كل سوء

الله ينور عليك انتا يا باشا :)
احنا فعلا كنا محتاجين الموضوع ده .. مش بس عشاننا احنا
يا جماعه لاحظوا انه فيه ناس كتيير اوى من الاقسام التانية بييجوا يدخلوا المنتدى عشان يعرفوا اكتر عن العربية
غير الناس اللى لسه عايزه تشتريها و طبعا بتدخل تلاقى مواضيع تحرق الدم و تكره اى حد فى العربية
و ياريته نقد بناء او حتى شكاوى منطقية !!!
لأ ده واحد داخل يسوء سمعة العربية من غير اى منطق
مع ان والله انا شايف ان دى احسن عربية فى فئة السعر بتاعها
و احسن من عربيات كتير فى الفئة اللى اعلى منها كمان
يا ريت نكمل الموضوع ده كلنا و كل واحد يقول مزايا العربية اللى كلنا عارفين انها كتييير جدا