فرامل اليد

[mazenzyad]

النهاردة حصل معايا موقف غريب و عاوز رايكو يا وحوش :
كنت طالع بالعربية مطلع قاسى شوية ووقفت فى منتصف المطلع ، و جيت اطلع تانى فشديت فرامل اليد عشان اخد الاول و مترجعش منى العربية لورا ، فوجئت ان العربية بترجع لورا برضو و الفرامل مش موقفانى فطبعا زعلت جدا ازاى العربية عاملة 4500 كم و يحصل كده مع الهاند بريك ؟؟
السؤال التانى :
لما بكون مركب معايا اربعة اشخاص فى العربية و انا الخامس بلاحظ ان دواسة الفرامل بتمسك العربية بتقل يعنى محتاج ادوس جامد بوضوح على الدواسة عشان الفرامل تكلبش و مبتمسكش غير فى اخر الدواسة ( يعنى لو موقف مفاجىء يبقى هاموت اللى قدامى و افرمل بعد ما اعدى عليه ) و لكن لما بكون لوحدى فى العربية الدواسة بتبقى طرية و حساسة و بتجمع معايا بدون ضغط جامد .
هل كده محتاج زيارة للتوكيل و لا ايه رأيكو - مع الشكر

[engahmedamin]

بالنسبة للهاند بريك .. محتاج تشدها على الآخر عشان تمسك كويس معاك .. خصوصا لو فى مطلع شديد اوى زى ما قلت كده
روح جربها تانى فى نفس المطلع و شد الهاند بريك على آخره و جرب .. لو مامسكتش معاك يبقى لازم توديها التوكيل و هما هيبوصولك عليها و يعملولك اللازم ان شاء الله

بالنسبة لدواسة الفرامل .. منطقى ان لما الوزن اللى فى العربية يزيد تحتاج قوة فرملة اكبر .. و ده عشان قوة القصور الذاتى بتكون اكبر .. لكن مش لدرجة الفرق الرهيب ده برضه ... ممكن تخليهم يكشفولك على الفرامل فى التوكيل لو حاسس ان الموضوع مستاهل و الفرامل بتحتاج ضغط جامد اوى ..
و ابقى طمنا عليك يا وحش

[Xlance2010]

القصور الذاتى هو سبب احتياج السيارة للضغط على الفرامل بصورة اقوى وذلك يتناسب طرديا مع حمولة السيارة وعدد ركابها وهذا منطقى بالطبع

[wassim_nasser]

بالنسبة للهاند بريك .. محتاج تشدها على الآخر عشان تمسك كويس معاك .. خصوصا لو فى مطلع شديد اوى زى ما قلت كده
روح جربها تانى فى نفس المطلع و شد الهاند بريك على آخره و جرب .. لو مامسكتش معاك يبقى لازم توديها التوكيل و هما هيبوصولك عليها و يعملولك اللازم ان شاء الله

بالنسبة لدواسة الفرامل .. منطقى ان لما الوزن اللى فى العربية يزيد تحتاج قوة فرملة اكبر .. و ده عشان قوة القصور الذاتى بتكون اكبر .. لكن مش لدرجة الفرق الرهيب ده برضه ... ممكن تخليهم يكشفولك على الفرامل فى التوكيل لو حاسس ان الموضوع مستاهل و الفرامل بتحتاج ضغط جامد اوى ..
و ابقى طمنا عليك يا وحش

--------

خلاصة الخلاصة

[amr.elsayed]

ما تقلقش من موضوع فرامل اليد دة حيتعملك رجلاش لفرامل اليد وحتبقى زى الفل حتى لو واقف على جبل
الرجلاش دة سهل وممكن يتعمل خارج التوكيل عادى بس عند حد ثقة

[kamatsho]

عادى يا باشا هتعمل رجلاش على فرامل اليد .. او تشد عليها شويه من عند الهاند لو انت مش شادد عليها

بالنسبه لموضوع الفرامل لما تكون محمل ... ده الطبيعى وبيحصل معانا كلنا

متقلقش يا باشا

[abo_pasem]

النهاردة حصل معايا موقف غريب و عاوز رايكو يا وحوش :
كنت طالع بالعربية مطلع قاسى شوية ووقفت فى منتصف المطلع ، و جيت اطلع تانى فشديت فرامل اليد عشان اخد الاول و مترجعش منى العربية لورا ، فوجئت ان العربية بترجع لورا برضو و الفرامل مش موقفانى فطبعا زعلت جدا ازاى العربية عاملة 4500 كم و يحصل كده مع الهاند بريك ؟؟
السؤال التانى :
لما بكون مركب معايا اربعة اشخاص فى العربية و انا الخامس بلاحظ ان دواسة الفرامل بتمسك العربية بتقل يعنى محتاج ادوس جامد بوضوح على الدواسة عشان الفرامل تكلبش و مبتمسكش غير فى اخر الدواسة ( يعنى لو موقف مفاجىء يبقى هاموت اللى قدامى و افرمل بعد ما اعدى عليه ) و لكن لما بكون لوحدى فى العربية الدواسة بتبقى طرية و حساسة و بتجمع معايا بدون ضغط جامد .
هل كده محتاج زيارة للتوكيل و لا ايه رأيكو - مع الشكر

والله كأني باحكي الموقف إللي حصللي بالظبط
كنت طالع شارع طويل وعالي والعربيات وقفت قدامي مسكت فرامل فا وقفت وجيت اطلع علي الاول وشديت فرامل اليد وباسيب الدبرياج لقيت نفسي ريحت علي إللي ورايا وخبطته ومش قادر اقف طبعا موقف عصيب وسمعت اسامي حيوانات كتير منه
فا رحت متعزم ودايس بنزين ورافع الدبرياج جامد رحت ماشي
الظاهر المشكله متكرره