صوت طقطقة في الدركسيون ( ايه ده ؟؟؟؟ )

[kojyad]

السلام عليكم ياشباب

انا معايا لوجان 2010 وعامل 20000 كيلو حتى الان , العربية معايا زي الفل ماشاء الله
والصيانات كلها تمام

بس بقالي فترة حوالى 1000 كيلو ملاحظ صوت غريب قوي في الدركسيون ونا بلف شمال وباخد أي يوتيرن
قوي , الصوت ده اقرب مايكون لطقطقة في الدركسيون , ( بس مش كبالن خالص )

انا خايف يكون علبة دركسيون لا قدر الله , يا ترى في حد عنده اي تفسير للموضوع , وهل في حد عنده
المشكلة ده ؟؟؟

انا رايح الصيانة ال20000 يوم الثلاثاء 7 - 6 - 2011 انشاء الله وهاقول عليها .

[engahmedamin]

يا باشا طالما عربيتك فى الضمان ولااااا يهمك ان شاء الله :)
انتا بس روح التوكيل و هما هيعملولك اللزم كله ان شاء الله
فى الغالب الطقطقة دى بتبقى كبالن
بس سواء كبالن او حتى علبة الدريكسيون طالما لسه فى الضمان ولا يهمك .. كله على حسابهم
المهم متكونش مخبوطة او عامله حادثة لا قدر الله .. غير كده لا تقلق :)

[kojyad]

الف شكر ياباشا على الرد
الحمد لله مفيش حادثة , وده مش كبالن انا متأكد
وبصراحة عندي امل في الله انهم يظبطو الموضوع ده ان شاء الله
لأني كان ليه تجربة مع التوكيل في العبور والنتيجة ممتازة

المرايه اليمين عطلت خالص عن الحركة ورحت التوكيل وقولت
مفيش ساعة زمن المرايا اتغيرت خالص وكله زي الفل الحمد لله , وكله على حساب صاحب المحل يامعلم

[Xlance2010]

ربنا يطمنك لانى مرعوب من التعامل مع التوكيل للخلفية اللى عندى ان التوكيل بيفتش صاحب العربية

[mohamedinegypt]

في انتظار ردك بعد الذهاب للتوكيل وعمل الصيانة
تقبل مروري وتحياتي

[a7madahly]

في انتظار ردك بعد الذهاب للتوكيل وعمل الصيانة
تقبل مروري وتحياتي

[tamer61]

ممكن تكون محتاج تربيط للعفشه وعموما بلغهم في الصيانه وأكيد حيعملوا اللازم وماتقلقش التوكيل مش حيضلك وحيصلحها لو حيغير لك العفشه الأماميه كلها. ودي حصلت مع ناس أصدقائي.

[ABOHAZEM_NEW]

إن شاء الله خير .. وطمنا

[waleedfadeel]

دى فى الغالب طقطقه الاشارة و بتحصل على طول ولا خوف منها
جرب تلف بدون اشارة ولن تسمع شيئ.

[akerima]

توكل علي الله وروح التوكيل باذن الله كلة حيبقي تمام وما تقلقش من التعامل معاهم هما موجودين عشان يريحوك ويزيلو اي شكوي لك مهما كانت بسيطة

[medo_fam]

هى تقريبا بتحصل عندى ساعات لما بكون طالع مطلع بالعربيه واقف على الفرامل اجى الف الدركسيون اسمعها او أقف فجأ فالعربيه بترمى لقادم أجى الف الدركسيون وانا دايس على الفرامل باسمعها رحت التوكيل كشفت على الكبالن قالو سليمه والصوت مازل
رحت تانى مره واحاول ان الصوت يظهر قدام المهندس ماظهرشى بس هو لسه موجود وكان تفسير المهندس ان ده تريح من المساعدين مع انى مش مقتنع بكلامه وانا رايح صيانة 5000 هخليهم يبصوا على هلبة الدركسيون وربنا يعمل اللى فيه الخير

[kojyad]

خلاص عرفت المشكلة !!!!!!

بس ملهاش حل

لما رحت التوكيل امبارح وعرضت المشكلة , ركب المهندس على طول ولف الركسيون وهو واقف يمين وشمال
والصوت ظهر فعلا على طول , قالي : هو ده صح ؟
قلتلة بالضبط
قالي : ان ده عيب عام في اللوجان ( ميش عيب بالضبط ) بس موجودة في كل اللوجان
ومش بتأثر على اي حاجة , وبعتو فرنسا عشان يحلوها , وجابو مكنه باور جديدة , وبرده الصوت موجود
بس انا أكدت عليه انه مش عيب مؤثر على علبة الدركسيون ولا العفشة !!!
قالى : لأ خالص

[zkralla]

هى تقريبا بتحصل عندى ساعات لما بكون طالع مطلع بالعربيه واقف على الفرامل اجى الف الدركسيون اسمعها او أقف فجأ فالعربيه بترمى لقادم أجى الف الدركسيون وانا دايس على الفرامل باسمعها رحت التوكيل كشفت على الكبالن قالو سليمه والصوت مازل
رحت تانى مره واحاول ان الصوت يظهر قدام المهندس ماظهرشى بس هو لسه موجود وكان تفسير المهندس ان ده تريح من المساعدين مع انى مش مقتنع بكلامه وانا رايح صيانة 5000 هخليهم يبصوا على هلبة الدركسيون وربنا يعمل اللى فيه الخير

+1111111
وانت طالع مطلع او نازل منزل وتمسك فرامل وكنا من يمكن سنة عملنا موضوع وتقريبا كل الى شارك فى الموضوع قال انه بيسمع نفس الصوت وكان فيه تفسير مقنع اتقال بس بصراحه مش فاكره هاحاول ادور على الموضوع واجيب الرابط بتاعه

[Super_Star_h]

خلاص عرفت المشكلة !!!!!!

بس ملهاش حل

لما رحت التوكيل امبارح وعرضت المشكلة , ركب المهندس على طول ولف الركسيون وهو واقف يمين وشمال
والصوت ظهر فعلا على طول , قالي : هو ده صح ؟
قلتلة بالضبط
قالي : ان ده عيب عام في اللوجان ( ميش عيب بالضبط ) بس موجودة في كل اللوجان
ومش بتأثر على اي حاجة , وبعتو فرنسا عشان يحلوها , وجابو مكنه باور جديدة , وبرده الصوت موجود
بس انا أكدت عليه انه مش عيب مؤثر على علبة الدركسيون ولا العفشة !!!
قالى : لأ خالص

عيب عام ازاى !
معنديش انا اي طقطقه من اي نوع
غالبآ دى علبة الدريكسيون فيهاا حاجه عندك

[zkralla]

+1111111
وانت طالع مطلع او نازل منزل وتمسك فرامل وكنا من يمكن سنة عملنا موضوع وتقريبا كل الى شارك فى الموضوع قال انه بيسمع نفس الصوت وكان فيه تفسير مقنع اتقال بس بصراحه مش فاكره هاحاول ادور على الموضوع واجيب الرابط بتاعه

افتكرت حاجه كمان تقريبا الى كان قال التفسير ده كان بيشوى

فى موضوع شبيه اهوه

http://www.nilemotors.net/Nile/144761-a.html

بس ما وصلوش فيه لحل