سؤال يهم كل اللو جانية

[eng_abosalma]

السلام عليكم أخوانى:

أنا عندى صيانة 20000 بس العملية ناشفة معايا اليومن دول.....ممكم أعمل الصيانة بره التوكيل....و فين؟
و ايه اللى بيتعمل فى صيانة ال 20000؟
و لو عملت الصياتة بره الضمان هيأثر على الضمان ولا لأ ؟

وجزاكم الله خيرا

[a7madahly]

اعتقد انو بيتغير الزيت والفلتر وفلتر الهوا وتيل الفرامل
دا اللى اعرفو

[a7madahly]

وطبعا لو عملت الصياه بره هيطلعك من الضمان

[akerima]

http://www.nilemotors.net/Nile/221786-20000.html

دا تقرير كنت عاملة عن صيانة 20000 وفية الحاجات اللي بتتغير وسعرها داخل التوكيل - مع اني منصحكش ان انت تعمل صياناتك برة التوكيل لان دا حيخرجك من الضمان

[Super_Star_h]

هات فلتر هواء
وفلتر زيت .. وغير زيت عند اي حد بتاع زيت وهو هيغيرلك الفلتر
وطقم بوجيهات .. الميكانيكى يغيرهولك
واكشف على التيل عنده بالمره .. لو لسه فيه شويه مش لازم تغيره ابقى غيره على 25 الف او 30
ولو عايز تربط العفشه .. روح عند اي عفشجى قوله عايز اربط عفشه تقريبآ مش هتكلفك 20 جنيه او 30 بالكتير

[engahmedamin]

اوعى بجد ...
اوعى تخرج نفسك بره الضمان
العربية اسعار قطع الغيار بتاعتها لسه غالية و احنا مستنين انها ترخص مع الوقت
و اللى مطمنا اننا جوه الضمان يعنى اى حاجة هتتغير هتبقى على حسابهم
و انا كنت عامل موضوع عن صاحبى اللى كان محتاج يغير كبالن بـ7,000 جنيه و غيروهملوا جوه الضمان و مدفعش ولا مليم
نصيحة بجد اوعى تعمل الصيانه بره التوكيل

[ABOHAZEM_NEW]

خليك مع التوكيل أضمن وربنا يفرجها عليك وعلينا

[Egyzizo]

مش مهم تعمل الصيانة فى وقتها استنى شهر واللا اتنين لما تفرج ، ومش مشكلة لو الكيلومتر عدى شوية.