انذار

[dizel]

شكرا على نصيحة الكاسيت , و حبيت اقولوكوا انى مركبتش كاسيت
بس لاقيت حاجة شبة الكاسيت عبارة عن راديو و مكان للفلاش ميمورى بتركب مكان الكاسيت و شبه الكاسيت جدا, الحقيقة اللى شجعنى ان سعرها رخيص و هو ده اللى انا محتاجه اليومين دول
السعر : 170 جنيه بالتركيب و الحقيقة انى مكنتش بستعمل السى دى قبل ما يتسرق و كان الراديو و الفلاشة هما اللى بستعملهم.
و بس و هاحكيلكوا لو فى جديد

[highrosetta]

عنوان توكيل وولف

أولا مبروك الإنذار الجديد وامكانياته الهايلة ... ثانيا أريد ان أعرف مكان توكيل وولف بالتفصيل وأوصل له إزاى لأنى لاأعرف منطقة جسر السويس كويس وشكرا لك .

[ahmedbakr50]

حلو موضوع فصل الموتور ده
ممكن حضرتك إسم النوع ده من ولف بالضبط وسعره كام؟

[mohamed1979]

ممكن العربيه تتفصل بسهوله جدا بس المشكله انك حتفتح الكبوت كل شويه علشان تفصل العربيه

فيه فيوز بجوار بطاريه العربيه الفيوز ده لما بتفصل استحاله العربيه تدور

[egman]

ممكن معلومات اكتر عن مكان الفيوز ده فين بالضبط وشكله او لو صورة له علشان انا ليا صديقي كان بيدور على حاجة زي كده يفصل بيها العربية ولما يجي يركب يحطها ويمشي عادى وهل هو فى مكان واضح وسهل الفك والتركيب وهل فى تركيبه فيه مشكلة ولا لازم اعمل حاجة بعد التركيب !!!!!!!!!!

[mohamed1979]

ممكن معلومات اكتر عن مكان الفيوز ده فين بالضبط وشكله او لو صورة له علشان انا ليا صديقي كان بيدور على حاجة زي كده يفصل بيها العربية ولما يجي يركب يحطها ويمشي عادى وهل هو فى مكان واضح وسهل الفك والتركيب وهل فى تركيبه فيه مشكلة ولا لازم اعمل حاجة بعد التركيب !!!!!!!!!!

ممكن طبعا اصوره و ان شاء الله يوم الخميس حكون فى القاهره و حصور مكان الفيوز و احطه على المنتدى علشان الناس تستفيد

[NOURHASAN2002]

قدر الله وماشاء فعل وربنا يعوضك وجايز ده عشان يحميك من حاجه اكبر زي ما قالولوك
كنت عايز اخد رقم تليفون توكيل ولف و موديل الأنذار عشان عايز اركب واحد كمان عايز اتصل بيهم عشان انا ساكن في اكتوبر وعايز اعرف اقرب فرع ليهم ليه لآن شوفت في اكتوبر في المنطقه الصناعيه مبني مصنع عليه اسمهم بس كأنه مهجور
وجزاك الله كل خير
ممكن تبعتلي علي nourhasan2002@hotmail.com

[Xlance2010]

انا مرعوب جدا جدا فارجو التفاعل فورا

انا لى يومين مرعوب رعب لاحد له لانى عشت تجربة مريرة حيث سرقت سيارة جار لنا مرسيدس 180 من تحت بيته وهو ركن العربية الساعة 1.30ص وصحى الصبح ببساطة العربية فص ملح وذاب وعلشان كده انا أطالب بمناقشة التوكيل حول ضرورة تركيب انذار عن طريقهم بسعر منافس او عن طريق العميل ولكن انهم فى التوكيل يتبعوا معنا سياسة لى الذراع يعنى ياتركب انذارنا بالف جنيه ومصنعية 300 جنيه يعنى بالضريبة يعمل الف وخمسمائة جنيه ، وهذا مالا نقبله أبدا ، حيث ان احسن انذار فى السوق شامل التركيب والضمان كما ذكر الاخوة الافاضل وبيغنى ويرقص ويقول بابا وماما وبالفايبريشن كمان سعره لايتعدى بالتركيب والاكرامية وعمل اللازم الثلاثمائة جنيه ، وعلشان كده لازم يكون لنا وقفة معهم يايرخصوا انذارهم يايقبلوا بتركيب الانذار دون التهديد بخروج السيارة من الضمان لان توكيل رينو توكيل محترم ويعلموا جيدا مسئوليتهم تجاه العميل وخاصة هذه السيارة التى يبحثون لها عن مكان جيد فى سوق السيارات المصرية فى ظل المنافسة الشرسة من الكورى والصينى والماليزى الذى نال حصة لا بأس بها ولكن توكيل رينو له شطحات لايقبلها العقل زى موضوع الانذار كده !!! وبانتظار رأى الاعضاء الافاضل ، مع ارق تحياتى - المدون / طارق الجيزاوى

[akramtiti]

ممكن حد يقول فروع وولف فين وهل يوجد فرع في الاسكندريه وشكرا

[dizel]

انا جبت ارقام تليفوناتهم و حبيت انقلها للاسفادة:
الصيانة و المبيعات و مركز خدمة العملاء : 26234729 - 26239571
المصنع : 38335775
و اوصفلكم عنوانهم : شارع جسر السويس فى طريقك للسويس, هتعدى على الالف مسكن و بعدها الجراج و فى الجراج فى مزلقان و بعديه بشوية فى مزلقان تانى , قبل المزلقان ادخل يمين , و عن لو محتاجين وصف اكتر دى خطوط الطول و العرض على جووجل مابس : 30.136874, 31.389211.
Google Maps 30.136874, 31.389211.
التكلفة الكلية 200 جنيه
و موضوع فصل الماتور ده اسمه فاصل مارش
و على فكرة طلبت منهم يشغلولى السرينة على كلاكس العربية لان كلاكس اللوجان ماشاالله عليه بس رفضه. بدون اسباب

- اول مرة اسمع عن فيوز فصل الماتور اللى جنب البطارية , اكون شاكر للتوضيح.

[Xlance2010]

اكرر .. هل لهم فروع فى اسكندرية ؟