الباور عمال يتقل يتقل يتقل

[best2010]

بصراحة باور هو وقلته واحد .. لما جبت العربية وانا ملاحظ ان الباور تقيل .. و عارف ان دية ملاحظة عامة فى اللوجان ومفيش مشكلة . ، لكن المشكلة ان الباور عمال يتقل يتقل وبسمع صوت تكتكة خفيفة لما باخد يوتيرن .. وحاسس دلوقتى انى سايق لادا .. قولت ممكن يكون زوايا فرحت قيست الزوايا لقيها تمام ، الأحتمالات الباقية حسب كلام الناس ممكن يكون علبة الدركسيون او مشكلة فى ماكينة الباور .. ولانى ما عنديش خبرة انا رايح بكرة المقطم .. هل انا لوحدى اللى حاسس بالمشكلة دية واللا ايه ؟

[amr.elsayed]

انا ماعنديش تقل الباور دة ... مش للدرجة اللى بتتكلم بيها .. عندى لما الباور بحس انه تقل سنة باروح اظبط ضغط الكاوتش لان بيكون العجل الامامى ريح شوية والعملية بترجع زى الفل وماعنديش التكتكة دى الا لو مدى اشارة ودة عادى لكن من غير اشار يبقى كدة فى حاجة
روح اكشف وان شاء الله خير

[mohandes0ali]

من تجربتي اكتر حاجه بتقل الدريكسيون هوا ضغط الهوا اللي مش مزبوط....

[MOUSTAFA_SAAD]

انا ماعنديش تقل الباور دة ... مش للدرجة اللى بتتكلم بيها .. عندى لما الباور بحس انه تقل سنة باروح اظبط ضغط الكاوتش لان بيكون العجل الامامى ريح شوية والعملية بترجع زى الفل وماعنديش التكتكة دى الا لو مدى اشارة ودة عادى لكن من غير اشار يبقى كدة فى حاجة
روح اكشف وان شاء الله خير

من تجربتي اكتر حاجه بتقل الدريكسيون هوا ضغط الهوا اللي مش مزبوط....

+11111111111111

[MOUSTAFA_SAAD]

مره بتاع كوتش مش بيفهم ظبطلى ضغط الكاوتش على 45
كنت حاسس ان الدركسيون ولا الباورالكهربا
بس طبعا ده غلط

[ABOHAZEM_NEW]

كشفت على زيت الباور

[a7madahly]

بص على زيت الباور

[nodey]

شوف حضرتك صوت التكته ده عيب خراطيم الباور الواصلة من طرمبة البور الي الدودة حسب ما بيسومها هنا بالسعودية
وده معناه ان الضغط داخل الخراطيم دي فقد وده اللي متقل البود في حالة وجود زيت بعلبة البور وسلامة طرمبة البور
لما تكشف عليها بالتوكيل طمني كانت من ايه عشان نزداد خبرة بالسيارة الجميلة دي
ربنا يعطيك خيرها ويكفيك شرها امييين

[best2010]

متشكر جداً لكل مشاركتكم وارائكم المفيدة .. انا النهاردة الصبح كنت فى المقطم وشكيت من تقل الباور ومن الرجه اللى بتحصل عند الطلوع من الثبات .. استلم منى المهندس العربية الساعة 12 ظ واستلمت الساعة 4 م والنتيجة كانت كالتالى :
1- موضوع الرجة اللى فى الطلعة قالى مفيهاش حاجة .. والكلمة دية لما بتتقال بعرف ان ما ما فيش حد كلف خاطرة علشان يصلح وقد كان الرجة زى ما هية وبتزيد مع التكييف واى حمولة زيادة .. ما علينا
2- المشكلة الأساسية وهى الباور .. قالى ان عندك المساعد الأيمن لازم يتغير !! وهو ده اللى متقل الباور وعامل صوت التكة اللى فى الدريكسيون !! طبعاً انا ما اقتنعتش بالكلام ، المهم سالته طب ازاى المساعد باظ وانا عامل يا دوب 10000 كيلو وسواقتى هادية جدا .. قالى ممكن مطب او حفرة !! طيب ما تغيروه يا جماعة قالى على حسابك .. كام يا عم راح ضرب رقم كده قبل الضريبة وبعد الضريبة هيعدى 600 ج .. قلتله طب اجيب انا المساعد قالى ما ينفعش لازم تجيبه من عندنا .. اديته ضهرى ورحت اخدت العربية ومشيت وانا فى منتهى السعادة ... محتاج رأيكم يا جماعة لأنى اتخنقت من الناس دول وحاسس انهم بيشتغلونى وخايف يكون العيب من علبة الدريكسيون مثلاً وهما مش عايزين يقولوا علشان دى قطعة مكلفة

[Egyzizo]

أنا غيرت مساعد فى صيانة الـ 5 آلاف ، وكان فيه تلميحات منهم انى أدفع تمنه وقالو لى هتدفع 550 جنيه ، فلما اندهشت وأبديت اعتراضى لأن العربية لسه بشوكها، غيروه فى الضمان ومادفعتش حاجة.

اسألهم سؤال مباشر : ضمان المساعد كام كيلو ، والإجابة هى اللى هتحدد تعمل ايه ، وسيبك من اللف والدوران بتاعهم.

مع تحفظى على السبب من الأساس لأنى مش قادر افهم ازاى مساعد بايظ يتقل الباور ؟؟؟!!!!!

.

[best2010]

طب انا عاوز اعرف ضمان المساعد كام كيلو علشان اعرف اتمسك بحقى

[Egyzizo]

اللى اتقال لى فى التوكيل أثناء الشد والجذب للوصول إلى تغيير المساعد فى الضمان ، ان ضمان المساعدين 3 شهور فقط

برجاء الرجوع إلى هذا الموضوع علشان اتناقشنا هناك فى موضوع ضمان المساعدين :

http://www.nilemotors.net/Nile/138081-5000-2.html

[best2010]

انا النهاردة روحت لواحد متخصص عفشة وكشف على المساعد وأكدلى ان المساعد سليم ، وقالى انه مفيش علاقة بين المساعد وتقل الباور وان السبب فى تقل الباور هو ضعف ماكينة الباور ..
انا بقى عاوز افهم هو التوكيل بيشتغلنا ولا ايه ؟؟

[Galilioz]

متشكر جداً لكل مشاركتكم وارائكم المفيدة .. انا النهاردة الصبح كنت فى المقطم وشكيت من تقل الباور ومن الرجه اللى بتحصل عند الطلوع من الثبات .. استلم منى المهندس العربية الساعة 12 ظ واستلمت الساعة 4 م والنتيجة كانت كالتالى :
1- موضوع الرجة اللى فى الطلعة قالى مفيهاش حاجة .. والكلمة دية لما بتتقال بعرف ان ما ما فيش حد كلف خاطرة علشان يصلح وقد كان الرجة زى ما هية وبتزيد مع التكييف واى حمولة زيادة .. ما علينا
2- المشكلة الأساسية وهى الباور .. قالى ان عندك المساعد الأيمن لازم يتغير !! وهو ده اللى متقل الباور وعامل صوت التكة اللى فى الدريكسيون !! طبعاً انا ما اقتنعتش بالكلام ، المهم سالته طب ازاى المساعد باظ وانا عامل يا دوب 10000 كيلو وسواقتى هادية جدا .. قالى ممكن مطب او حفرة !! طيب ما تغيروه يا جماعة قالى على حسابك .. كام يا عم راح ضرب رقم كده قبل الضريبة وبعد الضريبة هيعدى 600 ج .. قلتله طب اجيب انا المساعد قالى ما ينفعش لازم تجيبه من عندنا .. اديته ضهرى ورحت اخدت العربية ومشيت وانا فى منتهى السعادة ... محتاج رأيكم يا جماعة لأنى اتخنقت من الناس دول وحاسس انهم بيشتغلونى وخايف يكون العيب من علبة الدريكسيون مثلاً وهما مش عايزين يقولوا علشان دى قطعة مكلفة

انا اؤيد حضرتك جدا عن تجربه فى اسلوب الرد انا روحت ليهم 3 صيانات الخمسه والعشره وواحده قبل الخمسه لمشكلة فى العربيه وفى التلت مرات اللى استلم العربى منى شخص مختلف عن اللى قبله بس الحمد لله اسلوبهم كلهم واحد مستفز ويتعاملوا بتعالى وكائن اللى واخدين اللوجان من عندهم انا اسف فى التعبير اقل من مقامهم اول حاجه ياخدوا منك الكلام يااما يقولك ده مش عيب ده شى موجود فى العربية عادى جدا ياما يقولك طيب وينفضوا وميكتبوش حاجه فى الورقه اصلا ولا كائنك اهبل قدامهم بتكلمه يسجدك يعنى يااما يقولك هصلحها وينفضلك وترجعلك العربيه زى ما هى انا بفكر اروح العبور بعد كده معتقدش معملتهم هتكون بنفس السوء ده بالنسبه للرجه اللى بتحصل مع طلعتك للعربيه للاسف بتحصل عندى وبتزيد مع التكييف فعلا وياريت حد يقولنا ده عيب من عيوب العربيه وله ايه؟؟؟ باقى كلام حضرتك متوقع جدا مش عارف دى تعليمات عندهم وله هما كده وهل ياترى بيختاروا اللى بيستقبلوا السيارات تكون اهم صفه فيهم الرخامه وله دى صدفه انا بشوف فى المراكز الاخرى الابتسامه لازم تكون مرسومه على الوش عندنا لازم الوش يكون مقلوب انا لو حد طلب منى راي فى خدمه الاستقبال جوه الشركه هقولهم صفر وحتى صفر واحد قليل عليهم 100 صفر كمان
وبالنسبة لموضوع المساعد اليمين سهل جدا تتاكد منه لو حضرتك بتاخد مطب وحسيت فى اليمين ان العربيه بتتدغدغ بمعنى ان انت لما بتاخد المطب بتسمع اصوات صعبه جدا فى اليمين يعنى المطب بيبقى ناشف بمعنى ناشف يبقى العيب من المساعد والمساعد ضرب مش علبه الدريكسيون انما لو بتحس ان المطب عادى يبقى مفيش مشكلة من المساعد .

[best2010]

انا اؤيد حضرتك جدا عن تجربه فى اسلوب الرد انا روحت ليهم 3 صيانات الخمسه والعشره وواحده قبل الخمسه لمشكلة فى العربيه وفى التلت مرات اللى استلم العربى منى شخص مختلف عن اللى قبله بس الحمد لله اسلوبهم كلهم واحد مستفز ويتعاملوا بتعالى وكائن اللى واخدين اللوجان من عندهم انا اسف فى التعبير اقل من مقامهم اول حاجه ياخدوا منك الكلام يااما يقولك ده مش عيب ده شى موجود فى العربية عادى جدا ياما يقولك طيب وينفضوا وميكتبوش حاجه فى الورقه اصلا ولا كائنك اهبل قدامهم بتكلمه يسجدك يعنى يااما يقولك هصلحها وينفضلك وترجعلك العربيه زى ما هى انا بفكر اروح العبور بعد كده معتقدش معملتهم هتكون بنفس السوء ده بالنسبه للرجه اللى بتحصل مع طلعتك للعربيه للاسف بتحصل عندى وبتزيد مع التكييف فعلا وياريت حد يقولنا ده عيب من عيوب العربيه وله ايه؟؟؟ باقى كلام حضرتك متوقع جدا مش عارف دى تعليمات عندهم وله هما كده وهل ياترى بيختاروا اللى بيستقبلوا السيارات تكون اهم صفه فيهم الرخامه وله دى صدفه انا بشوف فى المراكز الاخرى الابتسامه لازم تكون مرسومه على الوش عندنا لازم الوش يكون مقلوب انا لو حد طلب منى راي فى خدمه الاستقبال جوه الشركه هقولهم صفر وحتى صفر واحد قليل عليهم 100 صفر كمان
وبالنسبة لموضوع المساعد اليمين سهل جدا تتاكد منه لو حضرتك بتاخد مطب وحسيت فى اليمين ان العربيه بتتدغدغ بمعنى ان انت لما بتاخد المطب بتسمع اصوات صعبه جدا فى اليمين يعنى المطب بيبقى ناشف بمعنى ناشف يبقى العيب من المساعد والمساعد ضرب مش علبه الدريكسيون انما لو بتحس ان المطب عادى يبقى مفيش مشكلة من المساعد .

تمام يا باشا هو الوش الكاوتش اللى بيبتسم لك ويقولك ده طبيعى خالص .. وكاننا ما ركبناش غير اللوجان فى حياتنا .. من كام اسبوع صديق لى جاب نيو اكسنت ولقى فيها الرعشة اللى عندنا دية وراح التوكيل فى صيانة الألف وظبطوهالوا والعربية انا ركبتها ما شاء الله مافيهاش اى شعور بالرجة حتى لما شغلت التكييف ..

انا العربية معايا عادى جداً باخد بيها المطبات عادى مش بسمع صوت غريب .. والعفشجى كمان ركبها وقالى مافيهاش حاجة خالص .. بصراحة انا متضايق جداً لانى فقدت مصداقيتى فى التوكيل اللى كل همه على رأى احد الأعضاء انه يفتش الزبون وخلاص