عملت حادثة كبيرة و محتاج نصيحة

[moh_1st2010]

السلام عليكم ورحمة الله و بركاته

انا عملت حادثة كبيرة على المحور من 5 ايام. اتوبيس سابت فرمله دخل فى العربية من ورا فدخلت فى العربية الى اودامى. المهم ودات العربية التوكيل عمل مقايسة بحوالى 43 الف جنية و 80% من المايقسة قطع غيار للصاج اما الموتور و الشاسيه سليم تماما بس هغير راداتير و مساعد وخراطيم التكييف. طبعا التامين قال لو هتصلح فى التوكيل هتبقى total loss و انا طبعا مش عايز كده لان كل اللى يشوف العربية يقول ان الحادثة كبيرة بس كلها صاج و مفيش مشكلة فى الموتور. كل اصحابى بينصحونى ان اصلح العربية بره التوكيل بس للاسف انا معرفش ورش ممكن تصلح العربية كويس. هل فى حد يعرف ورش كبيرة ممكن تصلح العربية.

شكرا للمساعدة

[ashouhdy]

لا اله الا الله ... ربنا يعينك ... ولو ان افضل total loss

[eng.m7md.ali]

الحمد لله انك سليم وقدر الله واشاء فعل
الاحسن تبقى total loss لانها مش هترجع زي الاول

[moh_1st2010]

المشكلة ان من سنة كان معايا عربية افيو و عملت حادثة و راحت total loss و خسرت فيها حوالى 20 الف جنية. بصراحة انا مش حمل خسارة مبلغ كبير تانى و خصوصا ان العربية كموتور و شاسيه سليم.

[georgedada82]

لو صاج بس في العقيد خالد مركز محترم وهيرجع لك العربية ممتازة وكان جايب فعلا صورة لعربية لوجان قبل الحادثة وبعدا ما صلحها عنده العربية رجعت ممتازة ونصيحة ابعد عن التوكيل واسعاره الخرافية خصوصا في السمكرة والدوكو وعلي فكرة هما مش هيعملوا معجزة هتلاقي برضو صنايعية سمكرة ودوكو في التوكيل هما اللي هيشتغلوا زيها زي الورشة اللي بره

[engahmedamin]

لو صاج بس في العقيد خالد مركز محترم وهيرجع لك العربية ممتازة وكان جايب فعلا صورة لعربية لوجان قبل الحادثة وبعدا ما صلحها عنده العربية رجعت ممتازة ونصيحة ابعد عن التوكيل واسعاره الخرافية خصوصا في السمكرة والدوكو وعلي فكرة هما مش هيعملوا معجزة هتلاقي برضو صنايعية سمكرة ودوكو في التوكيل هما اللي هيشتغلوا زيها زي الورشة اللي بره

مين العقيد خالد ده يا باشا ؟؟
انا سمعت اسمه كتير فى المنتدى بس مش فاهم
بس انا دايما بشوف الناس بتشكر فيه .. فعايز اعرف هل هو صاحب ورشة ؟؟
و الورشة دى فين ؟؟
و بيشتغل فى ايه بالظبط ؟؟

[MOUSTAFA_SAAD]

عنده ورشة سمكره ودهان واحمد ربنا انك مامن عليها وطلعت سليم منها قضا اخف من قضا

[ashouhdy]

ما هو انت لو حبيت تبيعها بعد كدة حتنزل اكتر من عشرين الف غير حتبقي سايقها مقلق من اي حاجة بسبب التصليح، قدر الله وماشاء فعل

[eng.m7md.ali]

العربية تعتبر جديدة
يعني سعرها مش هينزل كتير غير تمن الاستهلاك لمدة سنة لانها 2010

[ashouhdy]

بس خد بالك عاملة حادثة جامدة ومقايسة التوكيل بتلت تربع تمنها !!!!!!!!!!!!!!!!!!!!!!!!!! يعنى لو جت تتباع بعد كدة حتبقى رشة برة كلة واحتمال دواخل كمان

اخصم 10 الاف فرق استعمال موديل ... ومش اقل من 10 الاف كمان بسبب الحادث غير تمن التصليح مش حيقل عن 10الاف كمان

كدة يبقى العربية لو ب 70 اخصم 30 الف بقت ب 40الف

لو باعها total loss حياخد 50 الف ... يبقى مين احسن ؟!

[MASERATI]

السلام عليكم و رحمة الله و بركاته

قدر الله و ما شاء فعل و قضا أخف من قضا.

أنا بأنضم لرأى الأخوة الأفاضل و برجح أنها تبقى Total loss و اخلص من العربية دى و انساها تمااااااااااااااااااااما.

[zkralla]

قدر الله وماشاء فعل
طهور أن شاء الله
حقول لحضرتك على موقف ممكن يفيدك
واحد صاحبى عمل حادثه(دخل فى رصيف) بيارس والمقايسه بتاعه التوكيل كانت تقريبا ب 60000 طبعا التأمين كان قراره Total loss
راح اتفاوض مع شركه التأمين وخد منهم 25000 جنيه رجع العربيه زى الاول ومكنش فيها رش الا حته فى الكبوت بس
المهم كل حاجه رجعت زى الاول ما عدا ال 2 ايرباج والقصه كلها اتكلفت اتلكلفت 15000 تقريبا وحط ال 10000 فى جيبه
من بعض التهريج الى كان فى المقايسه
ال 2 ايرباج 25000 جينه
المصفحه الى تحت الماتور 1500 جنيه رحنا استعدلنا القديمه الى كانت مطبقة حته فيها مش مخلياها تركب واتلكف 30 جنيه
الاكصدام كان فيه خبطه وكانوا عاوزين يغيروه
وامور من هذا القبيل

[asus_matrix32]

قدر الله وما شاء فعل أشكر ربنا أنك الحمد لله بخير
بس كان لى طلب من الاخوه معلش هو رخم شويه بس أستحملوا جهلى
يعنى أيه total loss
وأرجو أن محدش يزعل منى للخروج عن سياق الموضوع

[MOUSTAFA_SAAD]

قدر الله وما شاء فعل أشكر ربنا أنك الحمد لله بخير
بس كان لى طلب من الاخوه معلش هو رخم شويه بس أستحملوا جهلى
يعنى أيه total loss
وأرجو أن محدش يزعل منى للخروج عن سياق الموضوع

ترجمتها الحرفيه فقد كلى يعنى حاجه كده شبه العجز الكلى للبنى ادم
يعنى ماعدتشى تنفع

[Super_Star_h]

اخلص منهاا احسن
مهما عدلت وصلحت فيهاا مش هترجع زي الاول ومشيهاا مش هيعجبك بعد كده وهتلاقى حاجات بتخبط وبتصوت
ده غير انهاا فعلآ لما تيجى تبيعهاا بعد كده هتبقى اسمهاا عامله حادثه وكمان رشه وده طبعآ هيقلل منهاا كتيررر
اخلص منهاا وبدون تفكير