ريحه وحشه اول ما بفتح التكييف

[Galilioz]

عندى مشكلة بقالها فتره معايا مش عارف ايه سببها اول ما بفتح التكييف ولمده دقيقتين تقريبا ريحه وحشه جدا بتطلع من التكييف مش عارف دى ايه سببها انا كنت فى صيانه ال10 الف من اسبوعين تقريبا وقولتلهم عليهم هما صراحه ناس محترمه جدا بيحبوا ينفضوا للواحد خدوا منى المعلومه من باب العلم بالشى ومعملوش حاجه طبعا جوه انا قولت يمكن عايزه تتغسل مفيش برضوا مش عارف ده ممكن يكون سبب ايه اتمنى الرد من الخبراء

[amr.elsayed]

شغل السخن ربع ساعة

[ABOHAZEM_NEW]

شوف فلتر التتكيف .. وبرضه موضوع التشغيل على السخن ده مفيد لأنه بيقتل البكتيريا المسببه للريحه دى

[dr_mohamed16]

هقولك حاجة والله حصلت معايا فى العربية ال27
كان كل لما ادخل العربية الاقى ريحة كده برضه
طلع فى الاخر فى فار ميت فى الماتور

[Galilioz]

انا العربيه عندى ريحتها حلوه المشكلة عند فتح التكييف بلاقى ريحه هابه من التكييف وحشه جدا تقرف الواحد وشكلى بيبقى وحش اوى لما بيكون معايا حد فى العربيه وبفتح التكييف بيقولى ايه الريحه الكريهه دى بقوله دقيقتين وهتروح وبتروح بس انا عايز اعرف اخلص منها ازاى وبالنسبه للشباب اللى قالوا افتح التكييف السخن ايه علاقه التكييف السخن بالموضوع ؟؟؟؟
اتمنى الافاده اكتر وشكرا

[fineart607]

المهم لما تخلص تشغيل تكييف مش تطفىء التكييف على طول لا شغل التكييف على المروحة لمده صغيرة وبعدها افصل المروحة والله اعلم

[Galilioz]

المهم لما تخلص تشغيل تكييف مش تطفىء التكييف على طول لا شغل التكييف على المروحة لمده صغيرة وبعدها افصل المروحة والله اعلم

متشكرين على المعلومه بس الحل للمشكلة الحاليه ايه ؟؟؟

[raouf]

متشكرين على المعلومه بس الحل للمشكلة الحاليه ايه ؟؟؟

شوف يا سيدى المشكلة بسيطة وحلها مش مكلف لانك هاتقوم بيه بنفسك
- الاول افتح الكبوت فى مكان مغلق وشوف هاتشم ريحة وحشة ولا لا للتاكد من عدم وجود فار ميت مثلا
- ثانيا هل بتشم ريحة فى السيارة اول ما تفتح الباب وقبل تشغيل التكييف
ا>ا لم تشم اى روائح قبل تشغيل السيارة ننتقل للخطوات التالية

- حاول تفك فلتر التكييف وتنظفه وهات معطر سائل وحط نقطتين فقط عليه
وهات معطر الورقة او الحبوب ده وحطه والمشكلة هتروح

اول ما تشغل التكييف يفضل صحيا انك تفتح المروحة الخارجية لمدة دقيقة اولا ثم شغل سحب الهواء العادى

[ABOHAZEM_NEW]

حكاية تشغيل التكييف على السخن لمدة من 15 إلى 30 دقيقه علشان تقتل بكتريا التعفن مصدر الرائحه الكريه وده كان موضوع مناقشه قبل كده
بس المهم تعرف مصدر الريحه ده أيه .. وربنا معاك

[abo_pasem]

كل الجلول دي جميله جدا بس انا عايز اعرف اريحه دي بتبقي زي ريحه إيه مثلا؟؟؟

[Ali_Abo_Amr]

1- شغل التكييف السخن فترة
2- تجيب قطعة فحم اسود وتضعها فى السيارة (على الدواسة مثلا) لفترة ستقوم بسحب الروائح الكريهة من التكييف ومن السيارة

[Galilioz]

مشكور ياشباب على النصائح الغاليه انا شغلت التكييف السخن لمده 10 دقائق على اى درجه وغيرت سحب الهوا خليته من براه العربيه شويه ومن جوه العربيه شويه تانى والحمد لله الريحه الكريهه راحت
شكرا اللى قاموا بالرد عليه :b4_388: