حادثة كسرت الفنوس الامامي والرفرف الامامي

[hercules]

معلش يا جماعة انا عارف اني بتقل عليكوا بس انا عملت حادثة وقدر الله وما شاء فعل وكنت عايز اشتري فانوس امامي اصلي واركبة واتصلت بالتوكيل وسألت قلولي ب635 جنية غير التركيب والرفرف الامامي ب 550 من غير التركيب والاسعار دي انا شايف انها غالية اوي فلو في مكان برة بيبيع القطع الاصلية بسعر ارخص من التوكيل ياريت تقولوي علية وكنت عايز اعرف منكم هو لو ركبت الفانوي برة التوكيل اطلع من الضمان ولا لا واسف اني طولت عليكم ومستني ردكم

[elshaky]

الفانوس موجود فى التوفيقيه وسعره من 350 الى 600 جنيه حسب بلد الصنع والخامات

الرفرف الامامى سعره 300 جنيه فى التوفيقيه برضو وبنفس جوده التوكيل

والحمد لله انها جت على كده وقدر الله وماشاء فعل وفداك الف فانوس

حمد الله على السلامه

[Xlance2010]

قدر الله وماشاء فعل والمهم انت واسرتك بخير وبسيطة ان شاء الله المهم الموتور سليم والعفشة تمام وبعد كده بسيطة باذن الله الرفرق يتغير والفانوس تجيب واحد جديد احسن من الاصلى باذن الله تعالى ولك ارق تحياتى - المدون / طارق الجيزاوى

[hercules]

الف شكر يا رجالة علي الرد طب لو جبت الفانوس من التوفيقية وركبته كدا انا هخرج من الضمان بتاع التوكيل ولا لا

[georgedada82]

لا حضرتك متخرجش من الضمان الا القطع اللي حضرتك مركبها يعني اهم حاجة وهي الموتور والعفشة والتكييف مش هيخرجوا

[ayman1204]

ألفانوس انا جايبة ب 300 جنية ( اسمه كشاف يمين ) ب 300 جنية
من عند توشكا فرانس
0123664627
27548103

119 ش رمسيس القاهرة امام مستشفى الهلال الاحمر

[ABOHAZEM_NEW]

ألفانوس انا جايبة ب 300 جنية ( اسمه كشاف يمين ) ب 300 جنية
من عند توشكا فرانس
0123664627
27548103

119 ش رمسيس القاهرة امام مستشفى الهلال الاحمر

كده تمام أوى .. الحمد لله ..

[abo_pasem]

شوف يا باشمهندس قطع الغيار من التوكيل غاليه نار
لو لقيت معرض تاني يبقي احسن مليون مره
انا مثلا كنت عايز بطاريه لقيتها ب1800غير التركيب جوه التوكيل
انا إشتريتها ب350 بس وهيا هيا تقولليش إنها حاجه نازله م السما

نصيحه كده إشتري الحاجات دي بره التوكيل احسن واوفر

[brightlight]

شوف يا باشمهندس قطع الغيار من التوكيل غاليه نار
لو لقيت معرض تاني يبقي احسن مليون مره
انا مثلا كنت عايز بطاريه لقيتها ب1800غير التركيب جوه التوكيل
انا إشتريتها ب350 بس وهيا هيا تقولليش إنها حاجه نازله م السما

نصيحه كده إشتري الحاجات دي بره التوكيل احسن واوفر

معلش ياباشا نوع البطارية اية ومنين

[abo_pasem]

البطاريه إسمها جولد مش عارف إييه كده صناعتها الماني وليها غطا شفاف بيبين لك حاله البطاريه
إذا كان لونه اخضر تبقي الطاريه تمام
لو لونه ابيض تبقي البطاريه عايزه تتشحن
والاسود بقا يبقا تغير البطاريه

والبطاريه دي ضمانها سنه من عند مركز خدمه بريد جستون كان ف العجمي
البطاريه 45 امبير لونها اسود برضه زي الاصليه بتاعه العربيه

وركبها وعيش

[hercules]

الف شكر يا رجال علي الرد بس في حاجة عايز اعرف رأيكو فيها هو انا سألت علي سعر الكشاف لامامي واتلقيت في نوع تركي ب300 جنية فكنت عايز اعرف هو ده نوع كويس ولا في حاجة احسن

[abo_pasem]

الف شكر يا رجال علي الرد بس في حاجة عايز اعرف رأيكو فيها هو انا سألت علي سعر الكشاف لامامي واتلقيت في نوع تركي ب300 جنية فكنت عايز اعرف هو ده نوع كويس ولا في حاجة احسن

انا اول ماشتريت اللوجان فكيت كل الفوانيس وركبت مكانها فوانيس صيني الرخيصه عشان لاقدر الله اتخبطت ماتزعلنيش وحاجه تانيه لو حبيت ابيع العربيه اركب فوانيسها الاصليه

وبالنسبه للتركي احسن ولا الاسباني هات ارخص حاجه تلاقيها مش هاتفرق كتير الإتنين هاينوروا
ولإتنين هايتخبطوا

ومشي حالك دي فوانيس مش تيل فرامل يعني

[Egyzizo]

انا اول ماشتريت اللوجان فكيت كل الفوانيس وركبت مكانها فوانيس صيني الرخيصه عشان لاقدر الله اتخبطت ماتزعلنيش وحاجه تانيه لو حبيت ابيع العربيه اركب فوانيسها الاصليه

حركة مثيرة للاندهاش.

[MOUSTAFA_SAAD]

انا اول ماشتريت اللوجان فكيت كل الفوانيس وركبت مكانها فوانيس صيني الرخيصه عشان لاقدر الله اتخبطت ماتزعلنيش وحاجه تانيه لو حبيت ابيع العربيه اركب فوانيسها الاصليه

وبالنسبه للتركي احسن ولا الاسباني هات ارخص حاجه تلاقيها مش هاتفرق كتير الإتنين هاينوروا
ولإتنين هايتخبطوا

ومشي حالك دي فوانيس مش تيل فرامل يعني

حركه غريبه بصراحه
طيب ياراجل اتمتع بيهم الاول ولما يتكسروا يحلها الف حلال لان اضائتهم عمرها ماحتبقى زى الاصلى
وبالمناسبه سعرهم كام ياترى

[abo_pasem]

حركة مثيرة للاندهاش.

انتا اول مره حد يقوللك كده؟
عادي يعني فكره وطقت ف دماغي