عايز رايكم

[deko11]

من كام يوم كانت الميجان داخلة دماغي اوي وعايز اجيبها بس من كتر اللي بسمعه عنها وماعرفش ده صح ولا غلط صرفت نظر عنها لاني اتقفلت منها خلاص والواحد مش حمل مخاطرة

بدات افكر في اللوجان هل انتم شايفين ان ده افضل بدون مجاملة ؟

[Egyzizo]

لو زيرو مقابل زيرو ، يبقى ميجان ، ومش هتدوخك وكل حاجة فيها فابريكة.

لكن لو لوجان زيرو مقابل ميجان استعمال ، يبقى لوجان زيرو.

[abo_pasem]

من كام يوم كانت الميجان داخلة دماغي اوي وعايز اجيبها بس من كتر اللي بسمعه عنها وماعرفش ده صح ولا غلط صرفت نظر عنها لاني اتقفلت منها خلاص والواحد مش حمل مخاطرة

بدات افكر في اللوجان هل انتم شايفين ان ده افضل بدون مجاملة ؟

بسم الله والصلاه والسلام علي رسول الله
الرينو الميجان:
عربيه جميله وعاليه ف إمكانياتها ومستواها فخم مقارنه بباقي العربيات في فئتها
لكن مش هاتلاقي منها زيرو دلوقت كله مستعمل وخللي بالك عشان كارتاتها غاليه جدا وقطع غيارها نار نااار
فا لو كنت غني ومعاك فلوس مش عارف توديها فين جيب عربيه مستعمله وأقعد إصرف عليها للصبح
والمثل بيقول: الجديد جديد ولو كان صيني والمستعمل عفاريته كتير

الرينو اللوجان:
عربيه موديل السنه وإمكانياها عاليه وسعرها ممتاز وبما إنك غاوي رينو هاتحبها جدا
انا اشتريت اللوجان من سنتين ولسه زي الفل معايا

قارن وقرر

تحياتي

[deko11]

اكيد لو ميجان اقصد مستعمل 2006

بس بصراحة خفت جدا على الرغم من ان ناس عندها العربية وشكرتلي فيها يعني خايف اغامر

طيب بعد اذن حضراتكم كنت عايز استفسر عن سعرها فول اوبشن وهاف اوبشن زيرو

ولو 2010 ايه سعرها هاف وفول بردو يعني في حدود كام

وشكرا ليكم جميعا

[samehrty]

الميجان عربية ممتازة من احسن العربيات اللي شفتها في كل حاجة ومفيش اي مقارنه بينها وبين اللوجان في الامكانيات بس قطعة الغيار اللي بجنية في اللوجان ب 10 جنية في الميجان وكمان العربية الزيرو بتقعد لها سنتين على الاقل من غير مشاكل غير اي عربية ماشية 5 سنين

[AIMANFOUADGAD]

باختصار........عن تجربه........ابعد عن الميجان و انفد بجلدك........بصرف النظر عن اللوجان