يومياتي في اول زيارة للتوكيل

[roua2007]

بسم الله الرحمن الرحيم
اولا انا روحت توكيل العبور وانا ساكن في 6 اكتوبر بس روحتة علشان بيقولو محترم
المهم صحيت الساعة 7 ورحت شدد حيلي وروحت كان حتت مشوار خد تقريبا ساعة ونص لحد ما وصلت حوالي 70 كيلو من البيت لحد التوكيل المهم علشان مطولش

وصلت راحو مديني رقم ورحت داخل الصالة وراحو ناده علي الرقم وطلع معايا المهندس تقريبا اسمه محمد بهجت
وانا كنت كاتب المشاكل وكانت كالاتي :
1 العزل تحت الدوسات
2 كان عندي عضة في الفتيس
3 الفرامل بتاخد وقت طويل
المهم اتقلت احسن استقبل والمهندس طلع معايا بالعربية عشان نشوف الفرامل والحق يقال انه كانت حديد وكان شكلي وحش جدا والعربية حجرت في الارض بس هو قلي ادوس دبرياج مع الفرامل
المهم رجعنا التوكيل وكتب في ورق الاستلام علي العزل والفتيس
وقلي هستلم العربية علي الساعة 12:30
واحنا كنا 9:30
المهم دخلت ورحت قاعد شوية
ودخلت علي النت اشوف الوحوش بتوع اللوجان عاوزني اسالهم علي حاجة هنا ولا ايه
وهنا بدات المشاكل

روحت لبنت في الاستقبال اعوذ بالله منها وعلي ردودها سالتها عن اسعار الصيانات الدورية قالت معرفش برخامة اكني جوز امها
قولت اسال عن قطع غيار علبة الدركسيون والكبالن والبوجيهات وطلمبة المية تقولو ثواني اجيب المهندس المختص

المهم روحت للمهندس اللي كان معايا واستلام العربية سالت عن اسعار الصيانة الدورية وكانت الصدمة انه ميقدرش يوقلي علشان دية كل يوم بتتغير وقالي ان اسعار الزيت مثلا كل شهر بتزيد 10 جنية وسعر الدولار كل يوم بيزيد
روحت رادد وقلت بس انتم كنتم منزلين الاسعار في الجرايد قبل كده راح قيل ده كان قبل الثورة لكن دلوقتي كل يوم بتزيد

روحت سالة عن اسعار قطع الغيار راح ماسك التليفون وبيكلم حد ينزل و لغاية ماستلامت العربية محدش نزل

فطبعا كنت متضيق ورحت مستلم العربية وماشي

[abo_pasem]

نفس إللي حصل معايا عشان كده مابروحش التوكيل خالص طلقته بالتلاته فعلا وباعمل كل حاجه انا عايزها بره

[AirForces]

غريبة جدا انا لما روحت قبل كدا ما اقولكش كمية الأحترام اللى اتعاملت بيها حسيت انه المكان دا مش فى مصر !

بس لما روحت قبل كدا مكانش فى ضغط بالشكل اللى موجود دلوقتى فأحتمال تكون المعاملة اتغيرت بسبب الضغط وسمعت انه التوكيل هيفتح فرع جديد عشان يخف الضغط بس مش فاكر فين

طب هو حضرتك خدت العربية الساعة 12:30 زى ما قالولك والحاجات اتعملت مظبوط ولا إيه ؟

انا رايح بكره الصيانة إن شاء الله توكيل العبور برضو

[roua2007]

غريبة جدا انا لما روحت قبل كدا ما اقولكش كمية الأحترام اللى اتعاملت بيها حسيت انه المكان دا مش فى مصر !

بس لما روحت قبل كدا مكانش فى ضغط بالشكل اللى موجود دلوقتى فأحتمال تكون المعاملة اتغيرت بسبب الضغط وسمعت انه التوكيل هيفتح فرع جديد عشان يخف الضغط بس مش فاكر فين

طب هو حضرتك خدت العربية الساعة 12:30 زى ما قالولك والحاجات اتعملت مظبوط ولا إيه ؟

انا رايح بكره الصيانة إن شاء الله توكيل العبور برضو

اخدت العربية الساعة 12 قبل الميعاد و كان مغرقها ماية من برة من غير ما ينشف الماية
و ثانيا انا كنت رايح اعمل صيانة ال 5000 فهيا مفهاش حاجة اصلا بس علي العموم هما ركبو عازل للدواسات لكن الفتيس زي ما هو

[ABOHAZEM_NEW]

حمدلله على السلامه ..
أنا عملت صيانه الـ 5000 فى المقطم .. المعامله هناك نظام مشى حالك لان عدد العربيات كتير جداً والعربية إستلمتها عليها تراب كأنها مركونه بقالها سنه
وورقة الجوده اللى المفروض بتشيك على العربية كلها فاضيه مفيش عليها غير الختم
ربنا يسهل ويفتح فرع أبو رواش ويكون بمستوى العبور هيفرق معانا كتير
المهم عقبال صيانه 000 500 وأنت بصحة وسلامه

[dr_mohamed16]

انا بقلق قوى من موضوع الصيانه ده

يعنى ايه عزل تحت الدواسات ؟؟

[ahmedbakr50]

انا بقلق قوى من موضوع الصيانه ده

يعنى ايه عزل تحت الدواسات ؟؟

ساعات الواحد بيحس بسخونة جايه من تحت عند الدواسات
فبيركبو عازل عشان منحسش بيها

[engahmedamin]

بصارحة توكيل رينو مشكلته فى العدد الرهيب جدا من العربيات..
مستنين يفتحوا فرع ابو رواش يمكن المعاملة تتظبط شوية..
بس برضه بقول احسن من غيرهم كتيـــــــــر

[Youssef.Awad]

يا باشا احب اقولك من سوء حظى انى كنت هناك النهاردة وشوفت اسوأ مركز صيانة وتوكيل عربيات فى حياااااااااااااتى
اقسم بالله بدون مبالغة
ما اتخيلتش ابدا ان توكيل رينو اللى بايعة مبيعات مهولة بالمستوى المتدنى ده سواء كم او كيف ومستوى العاملين وخبرتهم وشغلهم السيىء
بصراحة حاجة تحزن وتجيب اكتئاب
انا ما كنتش ناوى اتكلم بس حضرتك السبب بقى والتفاصيل فى موضوع فى القسم هنا

[roua2007]

حمدلله على السلامه ..
أنا عملت صيانه الـ 5000 فى المقطم .. المعامله هناك نظام مشى حالك لان عدد العربيات كتير جداً والعربية إستلمتها عليها تراب كأنها مركونه بقالها سنه
وورقة الجوده اللى المفروض بتشيك على العربية كلها فاضيه مفيش عليها غير الختم
ربنا يسهل ويفتح فرع أبو رواش ويكون بمستوى العبور هيفرق معانا كتير
المهم عقبال صيانه 000 500 وأنت بصحة وسلامه

نسيت اقولكم ان توكيل ابو رواش لما سالت عليه قوالو انهم هينقلو فيه العاملين بتاع المقطم وتقريببا هيقفلو المقطم

[Donzi]

واضح ان التوكيلات كلها في مصر بتتعامل بنفس الاسلوب و مفيش فرق بينهم كبير

شكلنا هاننزل التحرير تاني مخصوص نعمل ثورة عليهم

[akerima]

والله لو المقطم بالشكل دا يتقفل احسن - انا حاسس انكوا بتتكلموا عن ناس تانية انا مشوفتهاش في رينو - عندنا في الاسكندرية فرعين واحد في العامرية والتاني في سموحة ومتهيالي ان الرينو في اسكندرية اكتر من القاهرة دا اسكندرية بلد الرينو لكن انا مشوفتش اللي بتحكوا عنة دا عندنا خالص سواء في العامرية اللي بيبقي زحمة موت او في سموحة اللي لسة جديد العربية بتتغلف من جوة تماما بالبلاستيك قبل ما بتخش الورشة وبعد ما بتخلص بتتغسل بالكامل من جوه ومن بره دا غير غسيل الماتور لو انت طلبت وبعد ما بتخلص بتتركن في حتة ممتازه لغاية ما تخلص ويسلموهالك - اكيد المشكلة في الفرع دا بالتحديد لان في الاخر متهيالي الادارة واحدة ويا ريت لو حد يعرف حد شغال في رينو او معانا في المنتدي حد شغال هناك يوصلوا ان فية مشكلة كبيره في فروع القاهرة

[ashawd]

أقترح على الجميع عند حدوث شكوى توثيقها بالصور وأسماء المهندسين أو الفنيين المهملين أو حتى العلاقات العامة ومخاطبة موقع الوكيل وجهاز حماية المستهلك فى نفس الوقت
ولايأس مع الحياة

وإذا كان الوكيل مهتم يشترك ويرد على الملاحظات

[roua2007]

أقترح على الجميع عند حدوث شكوى توثيقها بالصور وأسماء المهندسين أو الفنيين المهملين أو حتى العلاقات العامة ومخاطبة موقع الوكيل وجهاز حماية المستهلك فى نفس الوقت
ولايأس مع الحياة

وإذا كان الوكيل مهتم يشترك ويرد على الملاحظات

جيد جدا

[Abdm]

والله لو المقطم بالشكل دا يتقفل احسن - انا حاسس انكوا بتتكلموا عن ناس تانية انا مشوفتهاش في رينو - عندنا في الاسكندرية فرعين واحد في العامرية والتاني في سموحة ومتهيالي ان الرينو في اسكندرية اكتر من القاهرة دا اسكندرية بلد الرينو لكن انا مشوفتش اللي بتحكوا عنة دا عندنا خالص سواء في العامرية اللي بيبقي زحمة موت او في سموحة اللي لسة جديد العربية بتتغلف من جوة تماما بالبلاستيك قبل ما بتخش الورشة وبعد ما بتخلص بتتغسل بالكامل من جوه ومن بره دا غير غسيل الماتور لو انت طلبت وبعد ما بتخلص بتتركن في حتة ممتازه لغاية ما تخلص ويسلموهالك - اكيد المشكلة في الفرع دا بالتحديد لان في الاخر متهيالي الادارة واحدة ويا ريت لو حد يعرف حد شغال في رينو او معانا في المنتدي حد شغال هناك يوصلوا ان فية مشكلة كبيره في فروع القاهرة

يا ريس بعد أذنك لو تكرمت عايز أعرف منك فرع العامرية أحسن ولا فرع سموحة من ناحية الخبرة ومستوى الخدمة وكل حاجة . رجاء الآهتمام قوى بالرد يا ريسسسسسسس

وجزاكم الله خيرا