نداء الى حاجزى اللوجان

[wwws]

الجماعه الى حاجزين اللوجان ياريت كل واحد يقول المعرض الى حاجز عنده قاله حيستلم امتى عايزين نعرف الناس دى بتشتغلنا ولا ايه ولا حد عنده اخبار عن الدفعه الجديده وصلت المينا ولا لسه وحبدء بنفسى انا حاجز فول ابوشن من عند الطارق وقالى الاستلام يوم الخميس القادم ان شاء الله ياريت الحاجزين يدخلوا ويكتبوا الاستلام امتى

[Sabr]

انا مش حاجز

[dr_mohamed16]

الجماعه الى حاجزين اللوجان ياريت كل واحد يقول المعرض الى حاجز عنده قاله حيستلم امتى عايزين نعرف الناس دى بتشتغلنا ولا ايه ولا حد عنده اخبار عن الدفعه الجديده وصلت المينا ولا لسه وحبدء بنفسى انا حاجز فول ابوشن من عند الطارق وقالى الاستلام يوم الخميس القادم ان شاء الله ياريت الحاجزين يدخلوا ويكتبوا الاستلام امتى

هم مش كانوا قالوا لك يوم الاحد اللى هو انهرده ؟؟

انا المصرية
وقالوا ليا يوم السبت ان شاء الله

[wwws]

هم مش كانوا قالوا لك يوم الاحد اللى هو انهرده ؟؟

انا المصرية
وقالوا ليا يوم السبت ان شاء الله

كانوا فعلا قالوا الاحد ورجعوا قالوا لسه اجراءات الجمرك ما خلصتش واجلوا الاستلام الى الخميس ومش عارف اخرتها ايه

[ABOHAZEM_NEW]

إن شاء الله تستلموا كلكم .. وتفرحوا بالعربية

[kimooo_4_u]

لية سؤال هوة لو انت حاجز من معرض وماسلمكش في الميعاد من حقك تكنسل وتاخد فلوسكولا هيقولك لأ لازم تستني؟؟؟

[tekoooooo]

حاجز من سمير ريان فول اوبشن
وقالى اخر الاسبوع القادم ان شاء الله
وعلى كلامه الاسبوع ده هاف اوبشن يستلم
والفول اوبشن الاسبوع اللى بعده على اول يوليو يعنى بس يارب يصدقوا وترسى على كده
ياريت اى حد يستلم يبلغ الكل عشان نقدر نسترس على المعارض اللى احنا حاجزيين منها

وان شاء الله الكل يستلم على خير ويستمتع باللوجى الجميله

[dr_mohamed16]

والله العظيم صاحبى الى كان فى الجمرك و حلفلى ميت يمن انه شاف العربيات متحمله على الكاساحات !!!!!!!!!!!
هو فيه ايه بيحصل !!!!!!

[hersha]

يا ريت بس يا جماعة اللي يقول هيستلم إمتى يقول برده إنه كان حاجز من إمتى ؟؟

أنا ناوي أحجز قريب إن شاء الله , والأسرع ف التسليم هروح أحجز عنده.. دعواتكم ...