غسيل موتور اللوجان

[Tiger77]

زملائى الأعزاء - حد جرب الموضوع ده قبل كده ؟ أنا كنت باغسل العربية غسيل شامل فى بنزينة وطنية والعامل اللى هناك كان عايز يغسل الموتور بمية وصابون - طبعا انا رفضت لانى طبقا لمعلوماتى المتواضعة اعرف انه ممكن تحصل مشكلة فى كومبيوتر العربية بسبب المياه - بس بصراحة الموتور متسخ جدا وانا مش عايز اسيبه كده على طول
انا سألت فى التوكيل فى الصيانة اللى فاتت (توكيل العبور) على الموضوع ده والمهندس قاللى أن الموتور بيتنضف بالهواء بس ومع انى مش مقتنع بالرد ده إلا أنى مش لاقى البديل - أفيدونا أفادكم الله

[abo_pasem]

شوف
أنا غسلت الموتور يطلع ستين مره
واهم حاجه ف غسل الموتور إنك تغطي البطاريه وإللي حواليها بمشمع وعليهم فوطه كبيره
وخللي بالك إن فيه كارته جنب البطاريه لو طالها مايه يبقي عليه العوض
اوك؟

وإغسل الموتور بعد كده بمسدس الميه كمان لو عايز

بص الاول رش شويه جاز علي الموتور وسيبه شويه عشان يفك الشحم واللذي منه وبعد كده ميه وصابون بقا وعيش

[alysaad]

اوعى ترش جاز كل الاجزاء الكاوتش حتبوظ (الخراطيم وخلافه)

[Xlance2010]

انا عن نفسى مايجيليش قلب ابدا اغسل الموتور بمياه وصابون بمدفع المياه أبدااااااااااااااااااااااااا ، الكارتة غالية ياعم

[mohamedadelemam]

السلام عليكم..لو كان على الكارتة والبطارية والكلام الفارغ دا مش مهم خالص..المشكلة إ، كل مواتير الفرنساوى مصنوعة من مادة الأنتمونيوم..ودى لو اتغسلت بالمياه ممكن أى جزء فيها يكش ولو حتى نصف ميللى...ودا لو حصل فى البساتم أو فى وش السلندر يبقى عليه العوض...أو حتى لو طال مواسير النجكشن هيخليها طول عمرها مش مظبوطة وبتدخن اسود وبتستهلك بنزين بفظاعة واسأل مجرب ..أصلى جربت من حوالى 12 سنة فى عربية تالبو ومن بعد اللى حصل فيها توبة...

[mohamed_selim]

الموتور فى العربيات اللى فيها كونترول و الكترونيات بيتغسل بالفوم
علبه كده زى البيروسول و بيترش على الموتور بينضفه ... طبعا حسب حالته ممكن ياخد علبتين ....

انا بشوفه فى التوكيل بس فى حد قال ان البنزينات الكبيره هتلاقيه فيها

[abo_pasem]

السلام عليكم..لو كان على الكارتة والبطارية والكلام الفارغ دا مش مهم خالص..المشكلة إ، كل مواتير الفرنساوى مصنوعة من مادة الأنتمونيوم..ودى لو اتغسلت بالمياه ممكن أى جزء فيها يكش ولو حتى نصف ميللى...ودا لو حصل فى البساتم أو فى وش السلندر يبقى عليه العوض...أو حتى لو طال مواسير النجكشن هيخليها طول عمرها مش مظبوطة وبتدخن اسود وبتستهلك بنزين بفظاعة واسأل مجرب ..أصلى جربت من حوالى 12 سنة فى عربية تالبو ومن بعد اللى حصل فيها توبة...

إزاي الكارته والبطاريه كلام فارغ؟
ومش مهم خالص كمان؟

والموتور هايكش إزاي يعني؟ هوا قطن؟

ومين إللي هاييجي جنب البساتم؟ إنتا مفتحتش كبوت اللوجان قبل كده ولا إييه؟
وبعدين انتا جربت من 12 سنه الدنيا دلوقت اتطورت خالص
وإييه تالبو ده؟ عربيه دي وللا إييه؟

[mohamedadelemam]

السلام عليكم..يا حضرات ما أردت إلا الإفادة..أنا ليا خبرة فى السيارات الفرنسية كبيرة جدا..لأن عائلتنا كلها مش بتركب غير الفرنساوى..وكان قصدى بكلامى إن خسائر الكارته والبطارية دول أقل كتيييير جدا من خسائر الموتور الحقيقية..حضرتك أنا معايا بيجو 405..ووالدى بيجو 605 ووالدتى رينو ميجان هاتشباك وابن خالى معاه لوجان...وغيره كتير..ولمعلومات حضرتك السياره التالبو كانت أقوى سيارة فرنسية لكن مصنعها أفلس فى بداية التسعينات....وبالنسبة للموتور الأنتمونيوم هو مصمم إنه يعيش عمر افتراضى أكثر من أى خامة أخرى لكن يعيبه إنه بتضضرر أجزاؤه جدا من التعرض للمياه..بمعنى أصح فرق درجات الحرارة المفاجئ..يعنى حضرتك عشان تعمل كدا لازم تكون السيارة مش شغالة لمدة 6 ساعات على الأقل....ودى حاجة أنا متأكد منها جدا..

[gebreel]

إزاي الكارته والبطاريه كلام فارغ؟
ومش مهم خالص كمان؟

والموتور هايكش إزاي يعني؟ هوا قطن؟

ومين إللي هاييجي جنب البساتم؟ إنتا مفتحتش كبوت اللوجان قبل كده ولا إييه؟
وبعدين انتا جربت من 12 سنه الدنيا دلوقت اتطورت خالص
وإييه تالبو ده؟ عربيه دي وللا إييه؟:b4_033:

+1111111111111111111111

[mohamedadelemam]

خلاص يا جماعة انتوا حرين...أردت النصيحة لوجه الله عشان محدش بعد كدا يعانى ويتبهدل

[Xlance2010]

نشكرك شكرا جزيلا لنصحيتك وجزاك الله خير

خلاص يا جماعة انتوا حرين...أردت النصيحة لوجه الله عشان محدش بعد كدا يعانى ويتبهدل

نشكرك للنصيحة وجزاك الله خيرا وانا لن اخاطر ابدا بغسيل الموتور بالمياه فانا عندى انه يبقى مترب احسن من ان اعانى من مشاكل الكارتة وكهرباء الموتور ... الخ وهذا رأيى ولكم جميعا تحياتى - المدون / طارق الجيزاوى

[Neo206]

لو الفوم احسن يا ريت ناس تاكد لنا الكلام ده
و نبقى شاكرين الافضال

[georgedada82]

ريح دماغك بيغسلوا الموتور في التوكيل بالفوم ب 30 جنيه وبيسيب لك باقي العلبة ( معني كده انك مستحيل تخلص العلبة الواحدة في غسلة واحدة ) حتي النوع اللي بيستدموه نوع مصري لو تحب اجيب لك اسمه مفيش مشاكل

[MOUSTAFA_SAAD]

اغسله بالفوم

[mosomodo]

ريح دماغك بيغسلوا الموتور في التوكيل بالفوم ب 30 جنيه وبيسيب لك باقي العلبة ( معني كده انك مستحيل تخلص العلبة الواحدة في غسلة واحدة ) حتي النوع اللي بيستدموه نوع مصري لو تحب اجيب لك اسمه مفيش مشاكل

ادينا اسمه ادينا.