عايزة اعرف تكلفة تصليح الرفرف

[remomemo]

السلام عليكم
انا خبطت العربية فى الرفرف اليمين الخلفى الحمد لله قدر الله وما شاء فعل فعايزة اعرف ممكن تتصلح فى حدود كام عشان مش عايزة حد يخمنى
تانى حاجة العربية متامن عليها لكن انا اللى خبطها فى الحالة دى ممكن استفيد من التامين

[rodyA113]

حبيبتي الف حمد الله علي سلامتك قدر الله وماشاء فعل الحمد الله انك بخير وفداكي اي حاجه في الدنيا ياريمو بصي مدام انتي تحت التامين انا كمان تحت التامين بس لازم في اجرائات واولها انك تعملي بلاغ في القسم ومتقلقيش اي حد تكوني حتي عرفاه هيعملك محضر بالمعاد والمكان اللي حصل فيه الحادثه او الخبطه تمام وبتاخدي المحضر وهما بياخدوا نسخه منه وبتروحي شركه التامين بينزل معاكي واحد معاينه بيصور الخبطه من جميع اماكنها وبياخد رقم الشاسيه علي ورقه بالقلم الرصاص ورقه تامين ضد الحوادث وبيرفع التقرير للشركه الام اللي مامنه عليكي مصر التامين او اين كانت الشركه التابعه للبنك عندك اللي بتقسطي فيه بس وبعدكده بيبعتولك ويحدودو التكلفهتبع التوكيل وساعات بيدفعوها كلها او النص ...وربنا معاكي يارب ومعلش كفايه الخضه بجد وماظنش هتعدي 300 او 500 بالرش لو علي البارد مش هتاخد كتير وفداكي يا قمر ربنا يحفظك يارب

[remomemo]

مافيش محضر انا اللى خبطها فى السور ماخبطش حد

الاهم بالنسبالى التكلفة والوقت انا شم عايزة اروح لحد يعملى شغلانة كبيرة وانا مش فاهمة اى حاجة فى السمكرة لان التكلفة الى اتقالتلى اكبر من كده بكتير وانا مش عارفة

[rodyA113]

يا حبيبتي عادي تعملي محضر انك انتي اللي خبطيها علشان التامين وهما بيبقوا عارفين اجرئات دي علشان كده بقلك ممكن يدفعولك النص بس لازم تثبتي انها اتخبطت ويعملولك معاينه بالصور وتقرير التكلفه لو عملها علي البارد زي الخبطه بتاعتي مش هتاخد كتير ياريمو لكن لو رش اعتقد هتدخل في 500 او اقل لكن مش هتعدي اكتر من كده وياريتلو حد يساعدنا من ورشه نايل موتورز

[hysagm]

هى متكلفش ازيد من 150جنيه عشان هترد على البارد وتتعمل ببولش هتسيب فسه شويه خربيش بس كده احسن لانك لو رشيت الصاج هيقل من تمن العربيه وسيبك من موضوع التامين ومحضر وكده هى مش مستهله وحمدلله على السلامه

[remomemo]

حضرتك متاكد من مبلغ 150 جنيه ده لان منظر الرفرف مؤلم جدا بصراحة انا متخيلة اكتر من كده

[albasem]

ألف حمد لله على السلامه ، إن شاء الله تكون فدت شر كبير وربنا نجاك ، أنا رديت رفرف أمامى يمين على البارد وكان حالته اسوأ من كده كلفنى 70 جنيه ، ولو هيحرق ويرش مش هتزيد التكلفه عن 450:350 جنيه حد أقصى ، لأنه فى الحاله دى هيرش رفرف مع جمب الشنطه اليمين الخلفى من تحت لحد فوق علشان يبقى الرش ميه واحده واللون ما يفرقش .

[rodyA113]

هى متكلفش ازيد من 150جنيه عشان هترد على البارد وتتعمل ببولش هتسيب فسه شويه خربيش بس كده احسن لانك لو رشيت الصاج هيقل من تمن العربيه وسيبك من موضوع التامين ومحضر وكده هى مش مستهله وحمدلله على السلامه

فعلا لو هتاخد المبلغ ده يبقي مش مستهله البهدله بصراحه بس انا من راي تروحي تقدري التكلفه وتحددي هتعملي ايه وربنا معاكي ومش تزعلي الحمد الله

[wwws]

الف سلامه عليكى انا معلوماتى ان التكلفه لو قلت عن الفين جنيه لا يلزم عمل محضر بالشرطه عشان التامين فحضرتك تتصلى بشركه التامين وحتروحى ليهم بالعربيه يعينوها ويقولى ليكى على باقى الاجراءات

[remomemo]

الف سلامه عليكى انا معلوماتى ان التكلفه لو قلت عن الفين جنيه لا يلزم عمل محضر بالشرطه عشان التامين فحضرتك تتصلى بشركه التامين وحتروحى ليهم بالعربيه يعينوها ويقولى ليكى على باقى الاجراءات

الله يسلمك انا بصراحة مش عايزة ادخل فى موضوع التامين ده حساه اجرات طويلة على الفاضى بس خايفة التكلفة تكون كبيرة

[A.Saad]

مفيش نحضر اقل من 5000 فىاغلب السوق

يا ريت تقولى التكلفة اللى اتقالت كام
وقت اد ايه
هتترش بوية ايه
وتحددى انهى عربية
لان اعرف ان اللوجان متعبة فى سمكرتها شوية

[wwws]

نصيحه من اخ طالما انتى بتدفعى قسط تامين استفيدى بيه والحمد لله الخبطه مش جامده يعنى ممكن تمشى بالعربيه لغايه ما الاجراءات تنتهى وكمان الاجراءات مش حطول ده ممكن يعطوا ليكى ورشه تبعهم يصلحوها فى نفس اليوم ولو حضرتك مامنه تبع شركه مصر للتامين انا ممكن اساعدك لانى ليا صديق فيها فى تامين السيارات

[remomemo]

مفيش نحضر اقل من 5000 فىاغلب السوق

يا ريت تقولى التكلفة اللى اتقالت كام
وقت اد ايه
هتترش بوية ايه
وتحددى انهى عربية
لان اعرف ان اللوجان متعبة فى سمكرتها شوية

انا اتقالى فى حدود 800 الى 1000 جنيه بالرش

نصيحه من اخ طالما انتى بتدفعى قسط تامين استفيدى بيه والحمد لله الخبطه مش جامده يعنى ممكن تمشى بالعربيه لغايه ما الاجراءات تنتهى وكمان الاجراءات مش حطول ده ممكن يعطوا ليكى ورشه تبعهم يصلحوها فى نفس اليوم ولو حضرتك مامنه تبع شركه مصر للتامين انا ممكن اساعدك لانى ليا صديق فيها فى تامين السيارات

انا مامنة مع مصر للتامين بس اللى اقصده ان انا الغلطانة ايه ظروف التامين خاصة ان التامين كان هدية على العربية انا مادفعتش حاجة

[A.Saad]

عادى برده التامين يغطى

1000 ايه جنيه
*&*&^%&^%&%$^%$
انا سمكرة ورش باب ورفرف وكانت اوميجا وسكنز ب 700

[wwws]

بصى حتعملى الاتى انتى حتعملى محضر اثبات حاله بانك كنتى راكنه العربيه ولاقيتبها اتخبطتت وحتخدى صوره رسميه من المحضر وتتصلى بشركه مصر للتامين هما حيخلصوا باقى الاجراءات ومش حتصول لان الخبطه بسيط نصيحه اعملى الى بقلك عليه