مش مصدق انى حستلم بكره

[wwws]

بصراحه خايف اكون بحلم انا حاجز اللوجان من شهر من عند الطارق النهارده كلمونى وقالولى تعالى استلم بكره الساعه خمسه حد يقرصنى انا بحلم ولا دى حقيقه ولا اشتغاله من اشتغالات الطارق الى بقالها شهر عموما بكره مش بعيد وحقلوكم استلمت فعلا ولا لا وياريت نصيحه من اللوجانيه القدامى ايه الى بستلمه مع العربيه من ملحقات وورق وايه الى اخلى بالى منه وانا بستلم العربيه وشكررررررررررررررا

[a7madahly]

بص ياباشا انت هتستلم الورق بتاعها المبايعه والتخليص الجمركى وشهادة البيانات.
تستلم بقا كتالوج العربيه وكتالوج الكاسيت وكتالوج الصيانه.
تبص على العربيه كويس من ميع جوانبها وتبص جوا الشنطه وتتاكد من الكوريك والاستبن بنفس نوع الللى راكب فى العربيه.
تجرب كل حاجه فى العربيه وتخليهم يشيلو اللزق اللى عليها عشان ساعات بتبقى مخدوشه من تحت اللزق.
تبص على سوائل العربيه وتشيك على التكييف والكاسيت تشغلو.ولو فى حاجه مش شغاله تثبتها فى الورقه اللى هتستلم بيها العربيه.لانك مش هتستلم ورق العربيه فى نفس اليوم وممكن تنستلمو بععدها بيومين.
دا ل\اللى انا فاكرو ولو حد من الاعضاء يعرف حاجه تانيه ياريت يضيفها والف مبروك مقدما وربنا يباركلك فيها.

[kimooo_4_u]

وخلي بالك من الطارق بالذات وافحص كويس
ده خبر من جريدة المصري اليوم بيتكلم علي الطارق للسيارات
ط§ظ„ظ…طµط±ظ‰ ط§ظ„ظٹظˆظ… | ط§ظ„ظ…طظƒظ…ط© ط§ظ„ط§ظ‚طھطµط§ط¯ظٹط© طھط؛ط±ظ… ط´ط±ظƒط© آ«ط§ظ„ط·ط§ط±ظ‚آ» ظ„ظ„ط³ظٹط§ط±ط§طھ ظˆطھظ„ط²ظ…ظ‡ط§ ط¨ظ€آ«ط§ط³طھط±ط¯ط§ط¯آ» ط³ظٹط§ط±ط© ظ…ط¹ظٹط¨ط©

[Dr.Karim Emam]

ألف مبروك مقدما
و إن شاء الله تستلم بخير

[mosomodo]

الف مبروك مقدما و بقى طمنى.

[Super_Star_h]

وخلي بالك من الطارق بالذات وافحص كويس
ده خبر من جريدة المصري اليوم بيتكلم علي الطارق للسيارات
ط§ظ„ظ…طµط±ظ‰ ط§ظ„ظٹظˆظ… | ط§ظ„ظ…ط.ظƒظ…ط© ط§ظ„ط§ظ‚طھطµط§ط¯ظٹط© طھط؛ط±ظ… ط´ط±ظƒط© آ«ط§ظ„ط·ط§ط±ظ‚آ» ظ„ظ„ط³ظٹط§ط±ط§طھ ظˆطھظ„ط²ظ…ظ‡ط§ ط¨ظ€آ«ط§ط³طھط±ط¯ط§ط¯آ» ط³ظٹط§ط±ط© ظ…ط¹ظٹط¨ط©

غريبه !
مع اني واخد عربيتى من الطارق فى الاسكندريه
بس ناس بصراحه معاملتهم وكل حاجه 10 / 10

بالنسبه لصاحب الموضوع الف مبرووك وتستلمها على خير ان شاء الله

[MOUSTAFA_SAAD]

الف مبروك ياباشا
انت صبرت كتير وربنا يتمم فرحتك بيها يارب

[Xlance2010]

ربنا يكرمك ويتمم لك فرحتك بلوجانتك الجميلة ويرزقك خيرها ويكفيك شرها والف مبروك مقدما ، ولك ارق تحية - المدون / طارق الجيزاوى

[abo_pasem]

1000 الف مبروك عليك
ع فكره وأنا راجع م الشغل النهارده لقيت قدامي عربيتين نقل من اللي هما بيشيلوا عربيات صغيره م المينا كانوا محملين دستتين لوجان سيدان والغريب إني شفت الوان جديده اول مره اشوفها في اللوجان
يعني لقيت لون ابيض ولون رمادي
يارتني كنت استنيت شويه وحجزت دلوقت

[Xlance2010]

ربنا يبارك لنا فيما عندنا ويرزق كل إنسان مايحب فالحمد لله فى الاولى والاخرة وله النعمة والفضل والثناء الحسن

[kimooo_4_u]

فعلا كل المعارض الكبيرة نزلت فيها اللوجان الفول اوبشن بس وب٧١٠٠٠
والهاف اوبشن هاتنزل اخر شهر ٧
بس الميزة بقي ان كل العربيات اللي نازلة موديل ٢٠١٢

[wwws]

فعلا العربيات وصلت المعارض وكلها موديل 2012 وحستلم بكره ان شاء الله لان العربيات وصلت النهارده بليل بس الغريبه ان مفيش فرق خالص بين موديل 2011 وموديل 2012 ولا فى الشكل ولا فى الامكانيات ومبروك لكل الحاجزين

[albasem]

مبروك عليك ، ربنا يجعلها وش الخير عليك إن شاء الله ويرزقك خيرها ويكفيك شرها .