سحب اللوجان و أقصى سرعة؟!!!

[ivanoviskie]

السلام عليكم و رحمة الله و بركاته

كنت عاوز أعرف رأيكم في سحب اللوجان و التسارع بتاعها و الوقت الي بتاخده عشان تسرع العربية و أقصى سرعة وصلتولها إيه و إزاي

أنا بسأل عشان أنا حاسس إن السحب بتاعها بالمقارنة مع عربيات تانية زي السيتروين (أنا سقتها) مش قد كده بالإضافة إني مرة كنت دايس بنزين على الآخر و العداد مش بيتحرك عن 140 كم و آخر حاجة إن دواسة البنزين بترعش بطريقة تنفخ.

حد متفق معايا؟؟

يا ريت كل حد يحط رأيه و تجربته و لو الموضوع محتاج مني إني أروح للتوكيل عشان أعدل حاجة قولولي

شكررررررا

[amrelzawawy]

السياره سحبها ممتاز نظريا 11.5 ثانيه ل100 كيلومتر عمليا 13 ثانيه بمعرفتى....... السحب فى الاول والثانى ضعيف لكن من الثالت قوى جدا وده طبيعى لكن اللى ركب سياره زى الفيرنا بيحس ان الاول والثانى فيها اطول عن اللوجان ده الفرق.... لكن من الثالث جباره فعلا ..... اقصى سرعه هى 180 على طريق القطاميه العين السخنه اعلى تجميع فى السياره من 100 الى 140

[kokofepss]

اقصى سرعة 200 على طريق السخنة والعالمين.. السحب بالنسبالي مقبول وزى عربيات تانية فى نفس المستوى

[hobby10]

موضوع التقل فى الاول والتانى بحسها جدا مع التكيف

[Super_Star_h]

بالإضافة إني مرة كنت دايس بنزين على الآخر و العداد مش بيتحرك عن 140 كم و آخر حاجة إن دواسة البنزين بترعش بطريقة تنفخ.

مره علقت معايا ومرضتش تزيد عن 140 برضو !
كان معايا حموله جامده فى العربيه الحقيقه ساعتهاا 3 احجام قاعدين ورا
وواحد قدام
والشنطه كنت محمل فيهاا حاجات بتاع 150 كيلو تقريبآ
لا وكمان الهوااء كان عالى اوووى اليوم ده وجاي عكسى كمان
ومره تانيه علقت معايا على 160 !
ومره جبت 180 عادي
والله هي حسب الظروف والجو ومتنساش ان العربيه عاليه لازم تتأثر بالهواء
اما من ناحيه السحب والغيارات
التانى والتالت اقوى حاجه عندى بيخلى العربيه تنط
يعنى بالتالت بجيب بيه 120 لما بحرق عليه

[zeekas15]

للاسف موضوع ان قوة العربيه 90 حصان مخليها تقيله فى سحبها
خصوصا على الاولانى بتاعها ضعيف جدا مقارنة بسيارات اخرى
لكنها فى النهايه بتجرى
هى مشكلتها فى التسارع وده راجع للسبب سالف ذكره "الحصنه والعزم بتاع العربيه"

[cementman]

فى عوامل كتير بتأثر على سحب العربية زى اتجاه الريح و نعومة الطريق و هل هو صاعد ام هابط!!!! كمان حالة الاطارات و الأهم البنزين

[mohamed1979]

خلى بالكو يا جماعه سحب العربيه بيتغير للأحسن بعد ال20000 الف
وفى سحب الأول و الثانى بالأخص
و عمرى ما حسيت ان العربيه 90 حصان

[MOUSTAFA_SAAD]

انا شايف ان سحبها مش شديد اوى
كنت بسوق بيجو 405 موديل 2000 بتاعت خالى كانت رهيبه فى السحب مشوفتش عربيه زيها
البيجو فظيع

[AirForces]

انا السحب بيفرق معايا جدااااااا بعد الصيانات .. العربية تاخد الصيانة من هنا وتفوووووق بطريقة غريبة خصوصا على الأول كنت بشتكى انه تقيل فى السحب عن العربيات التانية بس بعد الصيانة بقا الحمدلله كويس جدا

[abo_pasem]

زي ما الكل قال في عوامل بتأثر ع السحب
عندك اول حاجه بتأثر في السحب البنزين
وبعد كده نضافه الفلاتر والعفشه والكاوتش لو كان مريح شويه يخللي العربيه لازقه ف الارض
دا بالنسبه للعربيه نفسها
نييجي بقا للطريق فيه طرق بتبقي العربيه ماتصدق تشم البنزين تلاقيها عايزه تطير من ع الارض طير والطريق ده بيبقي ناعم ومستوي وممكن يبقي نازل شويه

بعد كده الرياح ممكن تكون جايه ف وش العربيه وعماله تعافر معاها
وفيه حاجه تانيه في موضوع الرياح هوا الإزاز بتاع العربيه كل ما يتفتح اكتر كل مايقلل سحب العربيه عشان برضه الهوا بيعافر مع العربيه

كل دي حاجات تزاولك في موضوع السحب
بس لوجي عضمه جامده ولسه قدامه كتيييييير وربنا يكرم