سؤال و نصيحة عن لوجان 2012

[Abdm]

أن شاء الله أنا بفكر أشترى لوجان و دلوقتى أنا سئلت عند محمد ذكى على اللوجان 2012 قال الموجودة دلوقتى 2011 وما عندوش 2012 أو أنها 2012 لسة منزلتش وسعر 2011 قالى 70000 جنية . روحت حاجز اللوجان 2011 من عندة

السؤال المهم دلوقتى لو موديل 2012 موجود فى السوق ب 71000 جنية هو مش بيبيعة لية ولو فرق السعر بينهم ألف جنية حتى لو ما فيش تغيير بينهم بس أكيد 2012 تكسب علشان فرق الموديل

فهل فعلا أكيد أكيد موديل 2012 موجود فى السوق وهو بيقول ما عندوش علشان هعمل مشكلة معاة على فرق السعر

لو 2012 موجود يبقى المفروض 2011 يرخص أكتر من ألف جنية ولا أية رأيكم دام فضلكم

ولا أشترى من عند واحد غيرة . المشكلة أنى حاجزت عندة ب 500 جنية ومش عارف أية العمل

رجاء النصيحة و الآفادة وجزاكم الله خيرا

[mazenelayashy]

غالبا 2011 زى 2012 و لو انت اتأكدت من ده يبقى هات 2011 و خلاص و انت أولى بالفرق عشان انا شايف ان دى كلها اشتغالات

[MOUSTAFA_SAAD]

مفيش تغيير فى الامكانيات هو اثبات الرخصه بس
لو كده حاول تنزل معاه الف كمان ويبقى وفرت الفين جنيه انت اولى بيهم ينفعوك فى المصاريف

[Abdm]

شكرا ليكم يا جماعة على الرد لكن فرق الموديل سنة من سنة يعمل فرق أكتر من2000 : 3000 جنية حتى لو مفيش تغيير فى الموديل صح ولا أية ؟؟؟ ؟؟؟

الشىء المهم والضرورى جدا التأكد والآجابة علية هل فعلا نزل موديلات 2012 وعند مين رجاء لو سمحتم ؟؟؟؟؟

وكيف تنزل موديلات 2012 دلوقتى !!!!!!!

وأذى ما تكونش موجودة عند موزع معتمد ذى محمد ذكى !!!!!!!

وهل محمد ذكى ممكن ينزل أو يشترى لى موديل 2012 ؟؟؟؟؟؟؟

وجزاكم الله خيرا

[hysagm]

لا هى 2012 نزلت فعلا علشان معنا وحد فى المنتدى هنا جابه وكاتب السعر انا مش فاكر كم ارجع فى المواضيع القسم هتلقيه بس لو فرق1000او الفين هات 2012 مش عشان حاجه فى العربيه لا عشان بعد كده اما تيجى تبيع هتفرق فى السعر ولك مطلق الحريه ده رايي

[MOUSTAFA_SAAD]

فى واحد فى المنتدى اشترى 2012 من عند سمير ريان ب 71 الف

[Abdm]

طيب دلوقتى لو لغيت الحجز من عند محمد ذكى أية مصير ال 500 جنية بتوع الحجز اللى دفعتهم
وجزاكم الله خيرا

[raedegypt]

ياعم اركب فيرنا اتوماتيك 78 الف وريح رجلك فى زحمه العربيات يغور المانيوال واللوجان عربيه عاديه حرام تدفع فيها 70 الف وبطيئه فى اعادة البيع يعنى 2010 مستعمل عامله 15 الف مباعه 55 الف ومش اى حد يشتريها كمان

[Abdm]

طيب دلوقتى لو لغيت الحجز من عند محمد ذكى أية مصير ال 500 جنية بتوع الحجز اللى دفعتهم
وجزاكم الله خيرا

وعايز أفهم بس أذاى موزع معتمد ذى محمد ذكى ما عندوش موديلات 2012

وشكرا

[Moh_Ibrahim]

ياعم اركب فيرنا اتوماتيك 78 الف وريح رجلك فى زحمه العربيات يغور المانيوال واللوجان عربيه عاديه حرام تدفع فيها 70 الف وبطيئه فى اعادة البيع يعنى 2010 مستعمل عامله 15 الف مباعه 55 الف ومش اى حد يشتريها كمان

انت ظهرت تانى .... اهلا بيك ..... يا جامد يا بتاع الهيونداى .... يا ريت تخليك فى حالك و فى الفيرنا بتاعتك

[amriar]

ايه اللي جاب سيره الفرنا في الموضوع.. لو ليك تعليق علي الفرنا وعلاقتها باسعار باقي العربيات او غيره من التعليقات الغير مربوطه بالموضوع برجاء فصلها في موضوع اخر لاهتمام باقي الاعضاء بالمتابعه و شكرا لتفهمك

[ivanoviskie]

شوف الوصل الي أنت حجزت بيه غالبا بيبقى مكتوب عليه أنك بتخسر ال 500 جنية في حالة إلغاء العقد زي ما كان حاصل معايا مع أباظة

[city_ct]

أعتقد موديل السيارة سوف يظهر فقط من ورق الإفراج الجمركى و شهادة المنشأ...
أعتقد أيضا أن موديل 2011 لم يطرح فى السوق بعد و أن سمير ريان باع السيارة ب 71000 أى أغلى 1000 جنيه (للسيارة) المغربى لزيادة الطلب عليها و خاصة خلال شهر يونيو 2011 لذا هو العرض و الطلب.

لفد علمت من أحد مندوبى المبيعات فى رينو فلرع مصر الجديدة أن السيارة سوف تشهد تغييرا فى شكلها (خارجى و داخلى ) فى منتصف 2012 أى موديل 2013.

لذا لن يكزن هناك اختلاف جوهرى فى السيارة موديل 2012.

[kimooo_4_u]

لسة شاري لوجان ٢٠١٢ فول اوبشن وشوفت صورة من الافراج الجمركي مكتوب فيها ان العربية ٢٠١٢

[gym1974]

ياعم اركب فيرنا اتوماتيك 78 الف وريح رجلك فى زحمه العربيات يغور المانيوال واللوجان عربيه عاديه حرام تدفع فيها 70 الف وبطيئه فى اعادة البيع يعنى 2010 مستعمل عامله 15 الف مباعه 55 الف ومش اى حد يشتريها كمان

شبشب ايه يا عم قصدى فيرنا ايه اللى انت بتقول عليها كل العربيات الكورى عاملة زى المنفوخ على الفاضى منظر فقط لا غير الرينو ده عربية الباشاوات