ارجو المشورة والافادة ,,,,

[amr_sh]

السلام عليكم ورحمه الله وبركاته ,,,

الاخوة الاعزاء دى اول مشاركة ليا فى هذا المنتدى الرائع بجد ربنا يبارك فيكم , انا عايز رايكم وبكل صراحه فى العربية اللوجان لانى كنت ناوى اتوكل على الله واشتريها خلاص وبعدين ربنا هدانى للمنتدى بس لما لقيت كل المشاكل اللى انتو بتحكو عنها فتيس ودبرياج وتوكيل وقطع غيار ومارشدير وغيره وغيره من اللى قرايته انا بجد قلقت وخوفت احسن الاقى كل المشاكل دى فى العربية , ارجو النصيحة اشتريها ولا اشترى اى حاجة تانية فى نفس المستوى سواء دايو ولا فيرنا انا بجد احترت , وكمان لما رحت التوكيل قللى دى نازله موديل 2012 بس قللى مفيش فرق عن الـ 2011 هى هى , يا ترا حد اشترى فعلا الـ 2012 ولا لأ .

هاستنى الرد ضرورى جدا جدا وشكرااااااااااااااااااااا

اخوكم عمرو

[elshamy79]

وعليكم السلام ورحمة الله وبركاته

ربنا يبارك فيك يا رب. صل صلاة إستخارة لله ثم توكل عليه
أنا إستلمت الإسبوع اللى فات موديل 2012 وميش أى إختلاف عن 2011
ومفيش المشاكل دى والحمد لله.

بص يا سيدى أنا كان معايا لانوس ومفيش وجه مقارنة.
أما الفيرنا لو إنت بتمش على أسفلت بس و عايز فتيس أوتو هاتها
ولو مش فارقة معاك فتيس أوتو وبتمشى فى مصر .. هات لوجان 2012

والله هتتبسط جداً إن شاء الله .. و الله الموفق

[amr_sh]

شكرا اخى على اهتمامك انا فعلا مش فارقه معاى الاوتو وطبعا بامشى فى شوارع مصر , بس الغريبة ان موديل 2012 مفهوش اى تعديلات عن 2011 مع انهم قالوا انهم هيغيروا مكان الكلكس واذرار الابواب .

[MOUSTAFA_SAAD]

هو انت يعنى لو اشتريت عربيه تانيه مش حتلاقى فيها مشاكل

[amr_sh]

لا يا باشا مش موضوع مشاكل انا عجبانى العربية جدا بس لما لقيت ناس بتشتكى خوفت شوية انا عارف ان اى عربية ليها مميزات وعيوب , وبعدين ان طالب منكم المشورة لانكم ادرى الناس بالعربية .

[MOUSTAFA_SAAD]

يبقى من النهايه انت اللى تحكم اقرا كل المواضيع القريبه فى المنتدى واتعب نفسك شويه علشان تشرى الحاجه عن قناعه زى ماانا عملت

وبرده عرفنا احتياجاتك الاساسيه ومتطلباتك من العربيه

اكبر مشكله فى العربيه حتى الان هى قطع الغيار المعمره طويلة الاجل اللى ممكن متتغيرشى غير بعمر العربيه او بحادثه لاقدر الله ودية سعرها غالى فعلا لان العربيه لسه جديده وان شاء الله مع انتشارها ونزول الاستيراد الموضوع حيتظبط

لكن قطع الغيار الاستهلاكيه اللى بتتغير على فترات متقاربه سعرها معقول جدا واليك بعض الامثله

الاسعار من التوكيل بعد اضافة ضريبة المبيعات
تيل فرامل 300
فلتر زيت 40
فلتر هواء 75
طنابير 300
فانوس امامى 635 ولسه شاريه امبارح
فانوس خلفى 245
اكصدام 500 او 600 مش فاكر

بره التوكيل اقل من نص التمن
فانوس امامى تركى 300
تيل تركى 80

وهكذا
يعى معقوله جدا مقارنة بحداثه العربيه وانها اوروبى كمان
فيها بعض العيوب اللى انت عارفها التوكيل بيحلها فى اول صيانه وخلصت القصه

قول بس انت تحب ايه فى عربيتك وانا حاقولك رائى بامانه ومش حادبسك فى حاجه مش حتعجبك زى ماعملت مع اعضاء غيرك بعتولى على الخاص وحسيت ان العربيه مش حتبقى متوافقه معاهم وقولتلهم الحقيقه وفعلا ماشتروهاش وفيه الى كانت جايه على مزاجه وبرده قولتله الحقيقه واشتراها فعلا

[MOUSTAFA_SAAD]

اخيرا لو رجع بيا الزمن كنت حاشتريها برده لانى الحمد لله مقتنع بيها تماما

[abo_pasem]

اخيرا لو رجع بيا الزمن كنت حاشتريها برده لانى الحمد لله مقتنع بيها تماما

يعني لو لم اكن لوجاناويا لوددت ان اكون لوجاناويا

اللون الاحمر مخصص للمداخلات الادارية
برجاء مراجعة قواعد المنتدى

تم تغيير اللون بمعرفتي
مشرف رينو

ب2

[dr_mohamed16]

اخى الكريم
مفيش عربيه فى الدنيا مافيهاش مشاكل
كل عربية معرضه انك تجبها تلاقى فيها مشاكل
حتى لو مرسيدس

[amr_sh]

الاخوة الاعزاء ,,

شكرا على الردود , الاستاذ مصطفى شكرا على اهتمامك بالنصيحة انا فعلا قرأت كتير عن العربية وده اللى عرفنى المنتدى , بص يا باشا انا كل اللى محتاجه فى العربية انها تكون كويسه فى الغيارات يعنى غيارتها سلسه والعفشه تستحمل المطبات والشوارع المكسرة وتكييف جامد ويكون سحبها على الطريق كويس وطبعا قطع الغيار العادية تكون رخيصة ومتوفره وتكون شنطتها كبيرة وتقفيل العربية كويس لان انا معى 128 فطبعا قرفت من صيانتها وتظبيطها كل شوية وطبعا كل شوية تغيير حاجه فطبعا عايز احس انى ركبت عربية جديدة مشلش همها فى الصيانه ولا الاعطال ولا كل شوية الاقى حاجة تعطل مع العلم انى مش خبير فى ميكانيكا السيارات , ولانى فى شغلى مشغول باستمرار ومش هابقى فاضى يعنى من الاخر عايز سيارة اعطالها قليله جدا.

انا هاستنى رايك بصراحه وبموضعية و احييك يا باشا على اعجابك وحبك وتمسكك بالعربية .

[MOUSTAFA_SAAD]

قطع الغيار انا قولتلك عليها

شنطة العربيه 512 لتر اكبر شنطه فى فئتها بمراحل

سحبها كويس بس مش زى الفيرنا طبعا لو انت عاوز العربيه للجرى والشد ابعد عنها

غياراتها سلسه طبعا دى عربيه زيرو وعضة المارشيدير التوكيل بيرفعله الدبرياج شويه او بيركب حاجه اسمها مجموعة الخامس لو ماتحلتش وخلاص

عفشه ممتازه وعاليه عن الارض مش بتحك فى اى مطب

والحمد لله فيه ناس معاها العربيه من سنتين وعملت فوق ال60 الف ومفيش اى مشاكل او اعطال وفيه اللى معدى ال100000 كمان

توكل على الله وهاتها وان شاء الله مش حتندم وحاول برده تجربها وتسوقها من اى حد تعرفه بس انا شايف انها الاختيار الامثل ليك

بس انصحك تامن عليها فى اول سنه على الاقل علشان لو لاقدر الله حصلت حادثه ولا حاجه تقدر تصلحها كويس لانى زى ماقولتلك حاجتها الاستيراد لسه مش موجوده فى السوق بكتره

[ehab_11_22]

بالتوفيق أن شاء الله
أنا زي صاحب الموضوع بالظبط

بس أن شاء الله لسة قدامى 4 شهور على بال ماكمل تمنها ويا عالم هاكملو ولا لا

أنا بقى هاقولك على خلاصة لف حوالى شهر على بعض المنتديات وطبعا أتسحلت فى نايل موتورز لما طلع عينى
توكيل محترم بس للأسف المهندسن الى شغالين فية ضعاف فنيا
والأمان فى العربية (فرامل - ثبات ) بالنسبة لمنافسيها فى الفئة السعرية (لانوس -فيرنا - أية 516) هى الأفضل
الماتور بسيط فى التكنولوجيا وفى مقولة بتقول (أبسط الأشياء أمتعها )
العفشة أدائها جيد ومشوفتش حد قال أنها سيئة والعربية عالية عن الأرض بعض الشىء (عشان مطبات المحروسه)
الشاسية معتمد من نيسان من أفضل الشركات المصممة للشاسيهات
الصاج جيد وأفضل من منافسيها بعض الشىء
التكييف جيد وناس كتير شكرت فى أداؤة
قطع الغيار مرتفعه عن كل منافسيها ولكن بسمع أنها معمرة أكثر من الأخرين
وأخيرا سعر أعادة البيع (( ماعتقدش أن فى واحد يروح يشترى زيرو عشان يروح يبيعها بعد كام شهر ومش عايز يخسر )) ولو أنى قريت فى أكتر من منتدى أن العربية بعد مابدأت تنتشر سعر أعادة البيع مبقاش مشكلة بس لازم ممنكرش أنها مش هتبقى زى منافسيها فى الفئة السعرية مثل الفيرنا والانوس

أعتقد العربية ممكن تنافس الأكسنت والأفيو وأعتقد أنها كمان ممكن تكسب

وأمبارح سألت واحد على المحور (( فى ناس هتقولى المحور طريق سريع .. هو فعلا سريع بس عامل نفسو بطىء )) قالى أنو مأجر العربية بس بيقولى معاه بقاله يومين والعربية زى الفل وأقتصادية فى البنزين

أستخير الله .. وأن شاء الله ربنا يهديك للى فية الخير

ودا لينك أنا كنت عاملو فية بعض العيوب الى سمعت عنها عن العربية والأعضاء هنا ربنا يكرمهم ردو عليا فيها

http://www.nilemotors.net/Nile/231891-a.html

بالتوفيق أن شاء الله

أخوك فى الله ... أيهاب محمد

[Xlance2010]

بالتوفيق أن شاء الله
أنا زي صاحب الموضوع بالظبط

بس أن شاء الله لسة قدامى 4 شهور على بال ماكمل تمنها ويا عالم هاكملو ولا لا

أنا بقى هاقولك على خلاصة لف حوالى شهر على بعض المنتديات وطبعا أتسحلت فى نايل موتورز لما طلع عينى
توكيل محترم بس للأسف المهندسن الى شغالين فية ضعاف فنيا
والأمان فى العربية (فرامل - ثبات ) بالنسبة لمنافسيها فى الفئة السعرية (لانوس -فيرنا - أية 516) هى الأفضل
الماتور بسيط فى التكنولوجيا وفى مقولة بتقول (أبسط الأشياء أمتعها )
العفشة أدائها جيد ومشوفتش حد قال أنها سيئة والعربية عالية عن الأرض بعض الشىء (عشان مطبات المحروسه)
الشاسية معتمد من نيسان من أفضل الشركات المصممة للشاسيهات
الصاج جيد وأفضل من منافسيها بعض الشىء
التكييف جيد وناس كتير شكرت فى أداؤة
قطع الغيار مرتفعه عن كل منافسيها ولكن بسمع أنها معمرة أكثر من الأخرين
وأخيرا سعر أعادة البيع (( ماعتقدش أن فى واحد يروح يشترى زيرو عشان يروح يبيعها بعد كام شهر ومش عايز يخسر )) ولو أنى قريت فى أكتر من منتدى أن العربية بعد مابدأت تنتشر سعر أعادة البيع مبقاش مشكلة بس لازم ممنكرش أنها مش هتبقى زى منافسيها فى الفئة السعرية مثل الفيرنا والانوس

أعتقد العربية ممكن تنافس الأكسنت والأفيو وأعتقد أنها كمان ممكن تكسب

وأمبارح سألت واحد على المحور (( فى ناس هتقولى المحور طريق سريع .. هو فعلا سريع بس عامل نفسو بطىء )) قالى أنو مأجر العربية بس بيقولى معاه بقاله يومين والعربية زى الفل وأقتصادية فى البنزين

أستخير الله .. وأن شاء الله ربنا يهديك للى فية الخير

ودا لينك أنا كنت عاملو فية بعض العيوب الى سمعت عنها عن العربية والأعضاء هنا ربنا يكرمهم ردو عليا فيها

http://www.nilemotors.net/nile/231891-a.html

بالتوفيق أن شاء الله

أخوك فى الله ... أيهاب محمد

اخى / ايهاب محمد: موضوعك اكثر من رائع فجزاك الله خيرا لافادتكم وموضوعيتكم فى عرض الأمر

[ehab_11_22]

اخى / ايهاب محمد: موضوعك اكثر من رائع فجزاك الله خيرا لافادتكم وموضوعيتكم فى عرض الأمر

ربنا يخليك

فعلا موضوع شراء سيارة زيرو دا أنا بشبهو بالجواز بالظبط

وأن شاء الله صاحب الموضوع ربنا يهدية للى فية الخير

بس لما يرسى على حاجة مايسبناش يقولنا بردو عمل أية

[Ahmed A Rahman]

مشاركة لي من حوالي سنتين ولسه مغيرتش رأيي في اللوجان