تجربتى مع بنزين 80 ونتائجها

[Xlance2010]

[justify]قرأت كثيرا حول انواع الوقود من حيث رقم الاوكتين ومدى ملائمة الوقود حسب نوع المحرك ونسبة الانضغاط ووجدت جدلا كثيرا حول الموضوع وقررت ان التجربة خير برهان ، فانتظرت لحين وصول مستوى الوقود لشرطتين وقمت بتفويل السيارة ببنزين 80 وكان ذلك صباح امس الثلاثاء وانتظرت النتيجة فوجدت مايلى :

1- ارتفاع صوت المحرك قليلا
2- تأثر السحب ولكن ليس بالصورة المؤثرة على كفاءة السيارة
3- عدم تأثر المحرك صباحا اثناء التشغيل - توقعت ان السيارة تغيب فى التشغيل صباحا - ودورانها بصورة طبيعية
4- عدم وجود اى تصفيق فى المحرك كما هو مكتوب فى التحذيرات من وضع بنزين 80 بدلا من بنزين 90 او 92
5- لا اعرف هل هذا حقيقى ام لا ولكنى شممت رائحة مزعجة من الجكمان بمجرد وضع البنزين فلا اعرف صحة ذلك
6- فى السرعة العالية لاتحس باى فرق ولكن الفرق فى التحرك على السرعة الاولى فقط


وانتظروا معى لنهاية التجربة وتقييم نتيجتها كلها

ولكم جميعا ارق تحياتى واطيب امنياتى


اسمى اسفل مشاركتى[/justify]

[dieseltrucker]

متابع

[a_nbm]

mtab3

[fineart607]

انا بمون 80 بقالى سنة والحمد لله زى الفل موفر معى المفجاة عربيات تيوتا 2003 و2004
شفت مره رينو ميجان وكروز ولانوس وفيرنا اوبل 98
هيونداى اكسيل اسبرانزا 516 113 سيفيك 94
وموديلات والله كتير


هو بس بيسقف الماتور بس عودت رجلى فالتسقيف خف ومع التكييف اكيد بيسقف خاصة المشى ببطء ولكن على الطرق السريعة زى الفل

ومتابع

[MOUSTAFA_SAAD]

هو لسه فيه 80
ده شبه معدوم

[Xlance2010]

هو لسه فيه 80
ده شبه معدوم

والله يا اخى لقيت محطة فاضية وفيها بنزين 80 سبحان ميسر الامور

[Xlance2010]

انا بمون 80 بقالى سنة والحمد لله زى الفل موفر معى المفجاة عربيات تيوتا 2003 و2004
شفت مره رينو ميجان وكروز ولانوس وفيرنا اوبل 98
هيونداى اكسيل اسبرانزا 516 113 سيفيك 94
وموديلات والله كتير


هو بس بيسقف الماتور بس عودت رجلى فالتسقيف خف ومع التكييف اكيد بيسقف خاصة المشى ببطء ولكن على الطرق السريعة زى الفل

ومتابع

عزيزى حتى الان لم يحدث فرق يذكر سوى ماذكرته فى مشاركتى أعلاه ومنتظر النتيجة النهائية

[MOUSTAFA_SAAD]

والله يا اخى لقيت محطة فاضية وفيها بنزين 80 سبحان ميسر الامور

هى فين المحطه دية
انا ممكن كل 4 تفويلات احط مره 80 وخصوصا لو مسافر مشوار طويل

[albasem]

يا طارق باشا مفيش عربيه تقدر تسقف مع حضرتك ولا لوجان ولا حتى هامر لو حتى فولتها جاز ، كل الحكايه إحنا خايفين بس عمر الموتور يتأثر على المدى البعيد ، لكن أى عربيه ممكن تتفول بنزين 80 وتمشى وماتقولش لأ ، خصوصاً إن عربيتك لسه جديده يعنى ما شاء الله الموتور عفى وبحالته ، اللوجان كلها لسه جديده فى مصر نادر لو لقيت لوجان عملت 100,000 كيلو ، ربنا يملاهالك بركه وتستخدمها دايما فى كل خير .

[amriar]

سؤال من مبتدأ .. يعني ايه الموتور بيسقف ؟؟

[Xlance2010]

هى فين المحطه دية
انا ممكن كل 4 تفويلات احط مره 80 وخصوصا لو مسافر مشوار طويل

محطة موبيل الابراهيمية على شارع ابو قير امام قسم شرطة الابراهيمية ، غالبا بيكون فيها بنزين 80 وبتكون مش زحمة

[Xlance2010]

يا طارق باشا مفيش عربيه تقدر تسقف مع حضرتك ولا لوجان ولا حتى هامر لو حتى فولتها جاز ، كل الحكايه إحنا خايفين بس عمر الموتور يتأثر على المدى البعيد ، لكن أى عربيه ممكن تتفول بنزين 80 وتمشى وماتقولش لأ ، خصوصاً إن عربيتك لسه جديده يعنى ما شاء الله الموتور عفى وبحالته ، اللوجان كلها لسه جديده فى مصر نادر لو لقيت لوجان عملت 100,000 كيلو ، ربنا يملاهالك بركه وتستخدمها دايما فى كل خير .

اولا اشكر حضرتك كل الشكر لمجاملتك ، ثانيا انا لا احب الجرى - كنت باجرى كتير بس الكلام ده من 25 سنة فاتت - لذلك فموضوع السحب والشد لايقلقنى وانا متابع وحريص على اداء المحرك وصوته وإن شاء الله لو قابلت سلبيات اخرى سأخبر حضراتكم فور حدوثها وفعلا الموتور جديد وبحالته واعتقد لو عودته على بنزين 80 سيأقلم نفسه وتؤقلم رجلك على معدل معين من السحب والضغط على دواسة الوقود بما لايؤثر على اداء المحرك وكذلك عمره الافتراضى ، ونسأل الله ان يرينا الحق حقا ويرزقنا اتباعه وان يرينا الباطل باطلا وان يرزقنا اجتنابه .

ودمتم بود
اسمى اسف مشاركتى

[kar!m]

سؤال من مبتدأ .. يعني ايه الموتور بيسقف ؟؟

بيسقف يعنى بيعمل صوت تخبيط زى صوت صاج فى بعضه كده

"ظاهرة التسقيف او الصفع (detonation or rattle) ظاهرة غير صحية تحدث فى المحرك لو حدث داخل غرف احتراق المحرك ما يسمى موجة ارتدادية(بمعنى ان احتراق مخلوط الوقود والهواء الذى بيدأ من البوجية ويستمر حتى يصل الى جدران المكبس يجد الفرصة بعد ذلك للإرتداد ثانية ، يشبه ذلك الموجة التى نراها فى وعاء مائى حين نلقى حجر فى منتصفه)، فنسمع ذلك الصوت الذى يشبة خبط زلطتين ببعض بشكل متتالى وسريع والذى يمكن ان تسمعه فى اول النقلة لو انت نقلت الفتيس على سرعة اقل من السرعة المعقولة للنقلة

هذة الظاهرة برغم انها لا تضايق السائق، لكن استمراراها وكثرتها يقصف عمر المحرك ولذلك ينصح دائما بعدم السكوت عليها

هذة الظاهرة لها العديد من اللأسباب، منها تصميم المحرك ونوع الوقود وشوائب الوقود وطريقة القيادة وحمل السيارة ودرجة الحراراة وزاوية الإشعال (الأفانس) وحالة الزيت وحالة نظام التبريد بالسيارة وعمر المحرك.

تسبب ظاهرة الصفع اجهادات حرارية وميكانيكة على اجزاء المحرك نتيجة لموجات الصدمة التي تسببها , وفقد فى الباور المتولد نتيجة عملية الاحتراق وقد تصل لعملية تدمير المحرك بتقليل عمره الافتراضي .

طرق تجنب حدوث ظاهرة الصفع :
1- استخدام وقود ذو رقم اوكتان اكبر octane number
2- اذا كان المحرك قديم يراعى عدم اجهاده فى السرعات العالية لانه اكثر قابلية لحدوث الصفع به .
3- التأكد من دورة تبريد المحرك لان الصفع من اهم اسبابه وجود نقاط ساخنة على المحرك .
4- مراجعة حالة زيت التبريد وملائمته لدرجة الحرارة الحالية واللزوجة المطلوبة للمحرك لان له دور كبير فى عملية التبريد .
5- تنظيف غرفة الاحتراق , فأن وجود بعض شوائب الكربون بها سبب اساسي من اسباب حدوث الصفع .

منقول من مهندس خالد عمر (سبعاوى) و م.أحمد

[Xlance2010]

بيسقف يعنى بيعمل صوت تخبيط زى صوت صاج فى بعضه كده






منقول من مهندس خالد عمر (سبعاوى) و م.أحمد

اشكرك شكرا جزيلا لاجابتك ونقلك فالموضوع مفيد جدا جدا والشرح فوق الممتاز

ودمتم بود
اسمى اسفل مشاركتى

[hobby10]

اكيد متابعة :)