خبطة مش كبيرة

[timaaa84]

السلام عليكم!
معايا لوجان 2011 فول اوبشنز، كنت راكن و واحد الله يسامحه خبطهالى و العربية واقفة فى الرفرف الامامى يمين (خبطه مش جامدة 10 سم طول فى 4 سم عمق) و كسرلى القاعدة بتاعة المراية اليمين (المراية مدلدلة بس الكهربة شغالة)، الحمدلله على كل شىء، هو تقريبا عربية نقل حكت فى عربيتى! المهم، المرايا رجعتها مكانها و ثابتة الى حد ما، فى التوكيل تقريبا تصليح الخبطة دى يكلف 2000 جنيه،مراية 770ج + تركيبها و رشها، و الرفرف اما يسمكروه او يغيروه، انا مأمن مع مصر للتامين، و دى اول سنة، انا معملتش محضر بالخبطة، فى واحد قاللى متكلمش التامين اول سنة عشان ميعليش عليك شريحة لانك هتبقى عميل مهمل، لو حد عنده خبرة ممكن يرشدنى افضل حل ايه؟

[MOUSTAFA_SAAD]

لو المرايا سليمه
يبقى اعمل الخبطه على البارد عند اى سمكرى وخلاص ومش حتكلفك حاجه وفعلا كلام صاحبك صح

[gamela]

بلغ التامين بينزل مع التوكيل فى المقايسة انا مجربة التوكيل كان عامل مقايسة مبدئية 8000 التامين نزل الى 3900 وعلى فكرة حضرتك مش محتاج محضر لان المبلغ ماحصلش 5000 جنيه وحضرتك مش حاتدفع غير مصاريف معاينة العربية فى التوكيل وطبعا التصليح فى التوكيل مفيش احسن منه

[amriar]

اللي انا اعرفه ان الفرق بين التوكيل و الصيانه في اي مكان تانى انه بيغير قطعه االي فيها مشكله يعنى مش ها يسمكر و لا يرش يعني ها يخلع الرفرف و يركب جديد و دا اللي بيغلي قيمه العربيه لما تكون معمول لها صيانه ف التوكيل .. يعني مش ها تكون راشش برا ولا جوه .. ياريت حد يصححلي لو انا غلطان لان ما فيش مبرر لأرقام التوكيل الهلاميه لو ها يصلح بنفس الطريقه اللي برا..

[nour_nrc]

اتوكل علي الله و اعملها في التوكيل ........... التوكيل افضل مكان بس كدا هتسيب العربية شوية عندهم

سؤال ........... يعني ايه شركة التأمين تعلي عليك الشريحة و عميل مهمل ؟

طلب بقي ...... هتلاقي عربيتي في التوكيل المقطم سلملي عليها وقولها متبهدل في الموصلات والحر من غيرها

[timaaa84]

شكرا ليكم على الردود، ان شاء الله لما انزل القاهرة هبقى اصلحها فى المقطم، و اعتقد انك حتكون استلمت عربيتك يا استاذ نور، بس لو شفتها هبقى اوصلها الرسالة )))

[neemmohamed]

قدر الله و ما شاء فعل
الحمد لله على كل حال مش مهم الحديد
ربنا ييسر لك الخير و سلامتك يا لوجى