حد اشتري من التوكيل ؟؟

[amriar]

السلام عليكم..

هل في حد اشتري من رينو نفسهم بالتقسيط قبل كدا او كاش و هل حقيقي انهم بيتأخروا جدا .. وا يه المزايا و العيوب من الشراء من التوكيل نفسه لانى شايف انه احسن من اي معرض ونفس طريقه الشراء و الدفع و يمكن اسهل

شكر و اسف علي الاطاله

[zeekas15]

التوكيل كويس وتقسيطه كويس
بس المشكله انك بتدفع 10000 جنيه تحجز بيهم العربيه

[ahmednm21]

حجز من التوكيل

بتحجز من التوكيل بمقدم 10000 جنيه والاستلام خلال 3 شهور ... وانا عن نفسى حجزت منه وقلت مش مشكله استنى شوية يمكن وسوسة منى علشان القلق الى الواحد بيسمعه من المعارض ...

[Xlance2010]

انا عن نفسى اشتريت من التوكيل وتقسيطهم ممتاز وأمناء جدا ومحترمين فى التسليم خاصة ان العربية عندهم لو حصل فيها مشكلة بتروح الصيانة بتاعتهم وتتعمل وترجع تانى بخلاف المعارض والموزعين فلو حصلت حاجة بيلمها اى كلام ويلبسها للزبون وياويله لو وقع فى عربية فيها مشكلة وحب يتكلم معاهم فيها .. وربنا يسلم ويبارك لنا جميعا

[Abdm]

طيب يا جماعة يا ريت تفاصيل التقسيط عامل أية : يعنى مثلا .

كام الفائدة
أية الآوراق المطلوبة
هل فى تأمين أو حظر بيع
هل مطلوب ضامن
برجاء التفاصيل لكل ما ذكرت وما لم أذكر
وجزاكم الله خيرا

[Ahmed A Rahman]

انا عن نفسي استلمت رينو لوجان ورينو داستر

الاثنين من التوكيل

بحب التوكيل عشان:

1. العربية متجابة على كساحة مش متساقة عن طريق مندوبين في البلد

2. استلمت العربيتين واحدة عامله 9 كيلو والثانية عاملة 11 كيلو متر

3. العربية بتاعتهم والمبايعة مرة واحدة بيني وبينهم مش بيني وبين الموزع اللي شاري منهم

4. احترام وعدم وجود تلاعب المعارض

انا كنت اول او ثاني دفعة في اللوجان موديل 2010

حجزت شهر 4 2010 استلمت شهر 10 2010

اعرف دلوقتي انها اسرع من كده


لو عايز معرض زي التوكيل في احترامه واسرع من التوكيل في تسيمه العربية يبقى محمد زكي فرع القطامية

[Abdm]

انا عن نفسي استلمت رينو لوجان ورينو داستر

الاثنين من التوكيل

بحب التوكيل عشان:

1. العربية متجابة على كساحة مش متساقة عن طريق مندوبين في البلد

2. استلمت العربيتين واحدة عامله 9 كيلو والثانية عاملة 11 كيلو متر

3. العربية بتاعتهم والمبايعة مرة واحدة بيني وبينهم مش بيني وبين الموزع اللي شاري منهم

4. احترام وعدم وجود تلاعب المعارض

انا كنت اول او ثاني دفعة في اللوجان موديل 2010

حجزت شهر 4 2010 استلمت شهر 10 2010

اعرف دلوقتي انها اسرع من كده


لو عايز معرض زي التوكيل في احترامه واسرع من التوكيل في تسيمه العربية يبقى محمد زكي فرع القطامية

يا باشا فين الآجابة على الآسئلة اللى سئلتها
وشكرا

[amriar]

طيب يا جماعة يا ريت تفاصيل التقسيط عامل أية : يعنى مثلا .

كام الفائدة
أية الآوراق المطلوبة
هل فى تأمين أو حظر بيع
هل مطلوب ضامن
برجاء التفاصيل لكل ما ذكرت وما لم أذكر
وجزاكم الله خيرا

الفايده 9.4 سنويا

الاوراق : صوره بطاقه و وصل نور او غاز حديث .. و مفردات مرتب

في حظر بيع و توكيل كمان بالعربيه

المقدم 25% علي الاقل

مش بيحتفظ بنسخة من المفتاح

الدفع عن طريق فتح حساب في بنك cib او المصرف المتحد و عمل تفويض لسحب الفلوس مع غرامه تأخير 1% من قيمه القسط الشهرى اللي بتختار يكون يوم 1 في الشهر او 15

مصاريف إداريه 1.5% من المتبقي بعد المقدم

التأمين 3.5 % مصر للتأمين وممكن تختار شركه تانيه

ما عنديش فكره عن الضامن دي لسه لاني انا لسه بشوف و بختاربينه و بنين كوناكت كار و بنك النتميه الاسلامى

انا محتار جدا و ربنا يهدينى للصواب دعواتكم

[Abdm]

كدة ما فيش أى مميزات خالص عن أى مكان أخر الآفضل للجميع هو :

شركة عبد اللطيف أو ديهاتسو تقسيط مباشر أسلامى بدون توكيل ولا غرامات (ولا تأمين لو دفعت أكتر من 50%)أو بنك التنمية الوطنى بالتعاون مع بنك أبو ظبى الآسلامى بنظام المرابحة

وربنا يباعد بيننا وبين الربا والشبهات وييسر لنا الحلال والله الموفق والمستعان

[amriar]

كدة ما فيش أى مميزات خالص عن أى مكان أخر الآفضل للجميع هو :

شركة عبد اللطيف أو ديهاتسو تقسيط مباشر أسلامى بدون توكيل ولا غرامات (ولا تأمين لو دفعت أكتر من 50%)أو بنك التنمية الوطنى بالتعاون مع بنك أبو ظبى الآسلامى بنظام المرابحة

وربنا يباعد بيننا وبين الربا والشبهات وييسر لنا الحلال والله الموفق والمستعان

انا ما ااعرفش عن شركه عبد اللطيف دي ممكن تليفونهم ؟ وهل يقدروا يقسطوالي لوجان ؟؟

كمان البنك الوطنى دا عليه كلام في موضوع التورق بتاعه دا لانى كنت متابع معاهم بقالي فتره و كنت ها اجيب منهم بس بقيت مقلق جدا جدا ..

انا نفسي اشتري بطريقه اسلاميه و بسعر مناسب ومش عارف اعمل ايه يا ريت اللي عنده حل ا و اشتري قبل كدا يقولي

[ayman1204]

اشتريتها من التوكيل والاستلام كان فى خلال 20 يوم
من اللى موجود فى مصر الجديدة قدام المحكمة

[deedoinlove]

انا لسة مكلم معرض رينو اللي في سان ستيفانو - اسكندرية - دلوقتي , بصراحة الناس محترمة جدا و قاللي ان سعر العربية كالتالي:
1- هاف اوبشن مغربي 2011 ---------------------> 66,000
2- فول اوبشن مغربي 2011 ----------------------> 70,000
3- هاف اوبشن مغربي 2012 ---------------------> 66,500
4- فول اوبشن مغربي 2012 ----------------------> 70,500
5- بلاك لاين مغربي2012 ------------------------> 71,000 ( هاتيجي كمان شهر )
6 -هاف اوبشن روماني 2011 ---------------------> 73,000 ( مش موجودة)
7- فول اوبشن روماني 2011 ---------------------> 77,000 ( مش موجودة)

و لما سألته عن التقسيط قاللي انهم عاملين شركة مع "كونتكت" اسمها المصرية لتقسيط السيارات و عندهم نفس الاربع انظمة بتوع كونتكت - لانهم نفس الشركة - بس لازم تحجز قبلها و هو قاللي ممكن ب 2,000 جنيه بس تحجز و الأستلام خلال شهرين بالكتير و لما العربية توصل تبتدي اجرائات التقسيط

ملحوظة: هو قاللي ان كل اللي عندهم الفترة اللي جاية موديل 2012 بس

[Xlance2010]

انا لسة مكلم معرض رينو اللي في سان ستيفانو - اسكندرية - دلوقتي , بصراحة الناس محترمة جدا و قاللي ان سعر العربية كالتالي:
1- هاف اوبشن مغربي 2011 ---------------------> 66,000
2- فول اوبشن مغربي 2011 ----------------------> 70,000
3- هاف اوبشن مغربي 2012 ---------------------> 66,500
4- فول اوبشن مغربي 2012 ----------------------> 70,500
5- بلاك لاين مغربي2012 ------------------------> 71,000 ( هاتيجي كمان شهر )
6 -هاف اوبشن روماني 2011 ---------------------> 73,000 ( مش موجودة)
7- فول اوبشن روماني 2011 ---------------------> 77,000 ( مش موجودة)

و لما سألته عن التقسيط قاللي انهم عاملين شركة مع "كونتكت" اسمها المصرية لتقسيط السيارات و عندهم نفس الاربع انظمة بتوع كونتكت - لانهم نفس الشركة - بس لازم تحجز قبلها و هو قاللي ممكن ب 2,000 جنيه بس تحجز و الأستلام خلال شهرين بالكتير و لما العربية توصل تبتدي اجرائات التقسيط

ملحوظة: هو قاللي ان كل اللي عندهم الفترة اللي جاية موديل 2012 بس

اشتريت منهم سيارتى فى يونيو الماضى وهم ناس فى منتهى الاحترام والاخلاق والالتزام والجدية فى التسليم وخاصة مسئول التسويق الاستاذ / ياسر علام شخصية محترمة جدا فى منتهى الادب ومتعاون لاقصى درجة
مع ارق تحياتى واطيب امنياتى
اسمى اسفل مشاركتى

[amriar]

جزاكم الله كل خير و شكرا علي الردود ..
انا إن شاء الله ها اروح لهم فعلا احجز وامشى في الاجراءات عشان حاجه تانيه كمان مهمه جدا انهم يعتبروا احسن نظام اسلامى لانهم ليهم شراكه مع كونتاكت كار و هم ملاك السياره يعني محلول عندهم كل مشاكلي والحمد لله لغايه دلوقتى

إن شاء الله ها اعرفكم بالتفاصيل اول بأول

[miromido75]

هى اية البلاك لاين المغربى دية ؟
اول مرة اسمع عنها