موديل اللوجان الجديد

[amr_sh]

السلام عليكم ,,

الاخوة الاعزاء فى حد سمع عن موديل اللوجان الجديد , انا كنت حاجز لوجان 2012 الفول بـ 7000 من توكيل اسيوط وبعدين قلت اعدى اسأل لقيته بيقى فى موديل جديد اسمه باك لاين ب71000 , طيب اية الزيادة فيه قالى الفرش مخملى بدل القماش والطارة جلد طبيعى والكاسيت بقى ام بى ثرى بدل الاديو . اية رايكم الحاجات دى تستاهل الـ 1000 جنيه ولا لأ وهل فى حد سمع الكلام ده فى اى توكيل تانى.

[MOUSTAFA_SAAD]

اول مره اسمع عن الباك لاين ده
دى باك ورد مش باك لاين
يمكن حاجه جديده نشوفها والفرق يستاهل

[amriar]

ايوه دا حقيقي ..
اسمها بلاك لاين black Line
عشان الفرش اسود و المفروض التابلوه فيه جزء اسود والتانى افتح شويه و الفرش اسود و التاره جلد اسود وعلي فكره التاره كمان ها تكون مالتى فاتكشن زي التاره بتاعه ال سكالا كدا

الموديل دا نزل برا بس مش لاقي ليه صوره غير للسيارات اللي لونها اسود من الخارج ها تنزل قريب إن شاء الله بس سعرها 71 الف والعاديه كدا كدا غليت بقت ب 70500

الكلام دا من التوكيل في مصر الجديده و من محمد زكى

[ayman1204]

جميل لو الكاسيت ام بي ثرى ومالتى فنكشن طبعا يستاهل وطارة جلد

[MOUSTAFA_SAAD]

اتوكل على الله وهاتها

[a_nbm]

اكيد يستاهل طبعا

[gebreel]

ده بجد؟!!

[amr_sh]

ان شاء الله انا نويت اجيبها بالمرة بس انا مستنى لما تنزل الاول واتفرج عليها

[ahmedbakr50]

بس المفروض كانو يجيبو سيرتها فى صفحتهم على الفيس بوك

[tawfic]

السلام عليكم ,,

الاخوة الاعزاء فى حد سمع عن موديل اللوجان الجديد , انا كنت حاجز لوجان 2012 الفول بـ 7000 من توكيل اسيوط وبعدين قلت اعدى اسأل لقيته بيقى فى موديل جديد اسمه باك لاين ب71000 , طيب اية الزيادة فيه قالى الفرش مخملى بدل القماش والطارة جلد طبيعى والكاسيت بقى ام بى ثرى بدل الاديو . اية رايكم الحاجات دى تستاهل الـ 1000 جنيه ولا لأ وهل فى حد سمع الكلام ده فى اى توكيل تانى.

بصراحه انا شاريها من شهر ونصف موديل 2012 من محمد زكى وب 71000 الف جنيه ومن غير كل ده واول مره اسمع عن الباك لاين
انا رائى انه استعباط علشان ال1000 الزياده
لو منك وافق علشان كده كده هاتدفه ال1000 جنيه الزياده علشان العربيه زادت فى الموديل الجديد 2012 بس من غير مايعلنو عن كده
بس الاهم انهم يكتبولك فى وصل الاستلام كل الكمليات دى
ويارب تكون كده فعلا
وياريت تقولنا ايه التطورات

[albasha37]

اذا كان كده اشتريها فورا ال1000 جنيه هيتصرف في لحظة لكن السيارة هتفضل معاك وأي امكانية زيادة هتريحك بعد كده بس انا ماسمعتش ولا شفت الكلام ده بس خليك معاهم وشوف اخرتها معاهم ايه وربنا يوفقك

[akramtiti]

بس انا حاسس انها اشتغاله لان علي الاقل يصلح عيوب العربيه من زراير الزجاج والكلاكس مش يحط التاره مالتي فاكشن وعلي العموم ياريت يكون صح واحنا حنحاول نسأل على صفحتهم علي الفيس بوك وياريت اللي يعرف حاجه يقول

[Egyzizo]

بس انا حاسس انها اشتغاله لان علي الاقل يصلح عيوب العربيه من زراير الزجاج والكلاكس مش يحط التاره مالتي فاكشن وعلي العموم ياريت يكون صح واحنا حنحاول نسأل على صفحتهم علي الفيس بوك وياريت اللي يعرف حاجه يقول

ناس كتير وأنا منهم مش معتبرين الحاجات دى عيوب

[tawfic]

بس انا حاسس انها اشتغاله لان علي الاقل يصلح عيوب العربيه من زراير الزجاج والكلاكس مش يحط التاره مالتي فاكشن وعلي العموم ياريت يكون صح واحنا حنحاول نسأل على صفحتهم علي الفيس بوك وياريت اللي يعرف حاجه يقول

سيدى قد تكون لاتستطيع ان تتعامل مع اسلوب زراير الزجاج او موقع الكلاكس
ولكن ان ترها عيب بالسياره فلا اعتقد انها عيوب

[amriar]

تم تأكيد البيانات دي في صفحتهم علي الفيس بوك فعلا في رد علي احد السائلين عن الموديل الجديد