مشكلة فى مساعدى اللوجان

[zkralla]

عندى المساعد الامامى اليمن طرى والشمال ناشف (ده لما اضغط على المساعد بأيدى بقوة )
مش عارف كده يبقى انهى مساعد هو الى بايظ
يعنى اليمين الى بقى طرى وخف
ولا الشمال الى نشف (حجر )
كمان باسمع تكه جاية من ناحية المساعد اليمين ( صوت التكة مش مستمر بيظهر كل فترة - كل كام دقيقة مرة )
ايه رايكم
هل فى حد بتاع عفشه كويسة ناحية المعادى او بعد كده وانت رايح على حلوان يكون فاهم ويا حبذا لو مركز صيانه ومش مهم لو غالى شويه
التوكيل حجز لعشرة ايام او اكتر وليله طويلة وانا مش عاوز استنى كتير


ديه شوية معلومات قلت اقولكم عليها من باب العلم بالشىء
ساءلت فى التوكيل على سعر المساعد الامامى لقيته ب 390 جنيه والخلفى ب 410 يضاف 10% ضريبة مبيعات
تركيب المساعد فى التوكيل 150 جنيه شاملة الضريبة
سعر طقم المساعدين (يمين وشمال )الامامى عند جمال البدرى 550 فرنساوى وفيه مغربى برضه بنفس السعر ... ومبيبعش واحد لوحده لازم الطقم على بعضه
سعر الطقم عند رينو هوم (ميشيل حليم ) 750 جينه للطقم الامامى (يمين وشمال ) وبرضه مبيبعش واحد لوحده لازم الطقم على بعضه
قلت لبتاع رينو هوم كده غالى جدا لانه تقريبا نفس سعر التوكيل فقالى تعالى ونتفاهم - كنت باتكلم فى التليفون
ضمان المساعد فى التوكيل 3 شهور او 10000 كيلو ايهما اقرب

انا مش عارف اكشف عليهم فين وأتأكد هل فعلا المساعد بايظ وانهى واحد بالظبط هو الى بايظ

[a7madahly]

ياباشا اليمين هوااللى بايظ.ومدام طرى معاك اوى كدا يبقى هوا اللى تعبان.
المهم انك برضو تروح لعفشجى يشوفهولك ويطمن عليه.ممكن يكنون حاجه عايزه تتربط.
ونصيحه منى ليك لو لاقدر الله المياعد عايز يتغير .من الاسعار اللى موجوده فى السوق يبقى الافضل تبع التوكيل .معتقدش انك هتعمل حاجه بالمساعد التانى.بس قولنا بس انت عامل كام بالعربيه وبقالها معاك اد ايه؟؟

[zkralla]

ياباشا اليمين هوااللى بايظ.ومدام طرى معاك اوى كدا يبقى هوا اللى تعبان.
المهم انك برضو تروح لعفشجى يشوفهولك ويطمن عليه.ممكن يكنون حاجه عايزه تتربط.
ونصيحه منى ليك لو لاقدر الله المياعد عايز يتغير .من الاسعار اللى موجوده فى السوق يبقى الافضل تبع التوكيل .معتقدش انك هتعمل حاجه بالمساعد التانى.بس قولنا بس انت عامل كام بالعربيه وبقالها معاك اد ايه؟؟

شكرا يا باشا الرد
العربية بقالها معايا سنتين وعامل تقريبا 15000
انا كنت اخدت مطبين جامدين قوى واكيد المساعد باظ فى واحد منهم

[MOUSTAFA_SAAD]

اليمين اللى بايظ وممكن تسيبه شغال عادى
اعتقد انه مش حيضر فى حاجه جامده بس حتتعب من المطبات زياده

[zkralla]

اليمين اللى بايظ وممكن تسيبه شغال عادى
اعتقد انه مش حيضر فى حاجه جامده بس حتتعب من المطبات زياده

انا حاسس بالعكس
حاسس أن الشمال هو الى حجر وبقى ناشف
على فكرة انا لما بقو اليمين خفيف باتكلم بمقارنته بالشمال مش باقصد انه خفيف بصفه عامة
طيب مفيش بتاع عفشه كويس يفصل فى الحكاية ديه ولا اروح التوكيل وخلاص

[MOUSTAFA_SAAD]

انا حاسس بالعكس
حاسس أن الشمال هو الى حجر وبقى ناشف
على فكرة انا لما بقو اليمين خفيف باتكلم بمقارنته بالشمال مش باقصد انه خفيف بصفه عامة
طيب مفيش بتاع عفشه كويس يفصل فى الحكاية ديه ولا اروح التوكيل وخلاص

المساعد لما بيبقى تعبان تلاقى العربيه بتزل وتطلع لما تضغط عليها من فوق ده اللى اعرفه

[faresattar]

خلي عفشجي كويس يشوفها الأول ..
بس قولي !!
العربية عامله 15000 كيلو بس في السنتين .. هو انت راكنها ولا ايه ؟

[zkralla]

خلي عفشجي كويس يشوفها الأول ..
بس قولي !!
العربية عامله 15000 كيلو بس في السنتين .. هو انت راكنها ولا ايه ؟

شكرا على ردك
فعلا انا استعمالى للعربية قليل

[mohamed1979]

روح لخالد الزينى فرنش موتورز حيجب معاك من الأخر و عندو عفشجى كويس و قطع الغيار اصليه زى التوكيل و حتكون ارخص

[zkralla]

ساءلت على مساعدين مونرو فى توكيل منرو (غبور ) قالى اللوجان لسه ما نزلهاش
وكمان ساءلت على مساعدين kyb برضه لسه ما نزلش

[zkralla]

الف شكر ليكم يا جماعه على الاهتمام
رحت لبتاع عفشه وقالى المساعد اليمين هو الى بايظ فعلا زى ما حضراتكم قلتم

[Super_Star_h]

الف شكر ليكم يا جماعه على الاهتمام
رحت لبتاع عفشه وقالى المساعد اليمين هو الى بايظ فعلا زى ما حضراتكم قلتم

فعلآ اليمين هو اللى بايظ مدام بقى طري اوى كده
يبقى ضرب زيت
المفروض اما يبقى المساعد سليم تضغط عليه لتحت يطلع ثابت فى مكانه
مش يقعد يتمرجح
يلا الحمد لله وقدر الله وما شاء فعل

[ahmedbakr50]

اليمين اللى بايظ وممكن تسيبه شغال عادى
اعتقد انه مش حيضر فى حاجه جامده بس حتتعب من المطبات زياده

لأ طبعا هيضر عشان المهمة الرئيسية للمساعد هيه إمتصاص الصدمات وعدم نقلها إلى باقى أجزاء العفشة والشاسيه