الوافى فى شرح لوجى

[amrelzawawy]

اكبر كميه تعليقات ومواضيع فى المنتدى لعربيه وموديل واحد بلا منازع هيه لوجى وده كان سلاح ذو حدين .............ساهم فى التعريف بيها بدرجه رهيبه واظهار مميزاتها وعيوبها.......الثانى ان العربيه يعينى اتنتفت ريشها واى هوا فيها اتناقشنا فيه هنا من صوت تزييقه حصلت لغايه ما ريحت على العربيه اللى جمبها ...يعنى الكبيره والصغيره والهايفه خلت بعض الناس اللى تخش المنتدى يفتكر لنه فيه بلاوى فيها ........خلاصه العربيه دى بالنسبالى عربيه ممتازه بسعرها مع امكانيتها وكل اللى اتناقشنا فيه هيه مشاكل تقفيل ودى بصراحه حقيقه .......لمبه بتنور... سخونيه فى الدواسه ...صفاره بعد ال بسبب الكبوت120.ومشاكل التسليم زى فريون التكييف يتضبط ...العفشه عايزه تتربط بتعمل صوت...التكييف فيه صوت ..... فرامل فيه بوش ..الخ...مش عايزه اقلكم ان معظم الحاجات دى كانت فى عربيتى وضيفوا عليها كمان انهم نسيوا يوصلوا السنتر لوك للشنطه ......لكن اللى مسح كل ده فعلا ان كله اتضبط واتعمل فى التوكيل مع الصيانه يمكن بس السنتر لوك اللى باتت فيه يوم واحد ... لكن لحمدوا لله عيب ميكانيكا ولا عفشه مفيش وربنا يديمها نعمه وعربيه فوق الممتازه فى وسعها وعلوها واستهلاكها للبنزين وممتازه فى السحب ما عدا الاولانى وممتازه فى التوكيل... ممتازه فى الثبات ..ممتازه فى عزل الصوت.... جيده جدا فى التكييف ونعومه الدركسيون وعفشتها...جيده فى خامات التقفيل فى التابلوه ....جيده فى اسعار قطع غيارها اللى بتنتشر مع انتشار السياره وبتقل يوم عن التانى........ضعيفه فى الصاج فى الجزء الخلفى منها رفارف و شنطه لكن بيخفف من الموضوع علوها من الخلف ..الرفرف الخلفى اشبه بعربيات بالضبط ...لشاهين.. والاوبتر..والتيدا..لكن الجزء الامامى والابواب زى كل العربيات الجديده سياسه تخفيف الوزن لتقويه الموتور و تقليل التكلفه .... فى النهايه عربيه عائليه مائه فى المائه الحمدوا لله وربنا يكفينا شر الحاسدين

[shabaka]

والله تسلم ايدك على هذا التقرير الجميل لعربية جميلة جدا فيها مواصفات حلوة
وكل العربيات فيها مزايا وعيوب مهما غلى سعرها .................... وشكرا

[walloo1978]

ماشاء الله عليك
إنت كدة جبت من الأخر


فعلاً العربية صفقة ممتازة
ربنا يدينا خيرها و يكفينا شرها
و يديم علينا نعمته







وائل الشيشيني

[Ahmed A Rahman]

فعلا لكن الناس اللي معاها لوجي فعلا عندهم ضمير جامد

لو دبانة وقفت على العربية بنقول عليها

[mostafamndy]

تسلم ايدك يا مان اوجزت فأوفيت ...

[amriar]

شكرا .. انا عتقد الناس بتشارك بكثره عشان هم حبوا العربيه دي في نفس الفئه اللي فيها لانوس و فيرنا و يمكن فيهم حاجات كتير مش محببه للناس زي لوجان و عشان كدا الناس بتشارك و نفسها انها تنتشر وعليه اللي بيشوف المشاركات وبيشتري بيكون عنده توقعات اعلي بكتير بس هو لازم يعمل مقارنه بسيطه

السعر و المواصفات و القياده الفعليه و فى رأىى المتواضع.. اللوجان اقل سعر مع اعلي مواصفات و اسهل و اجمل سواقه من الفيرنا و اللانوس لانى سوقت التلات عربيات

و اسف علي الاطاله

[gazzar91]

بصراحة من اللوجان الكتير اللي عدت عليا..... بحس إن العربية دي حظوظ..... واحد يستلمها مسطرة مافيهاش غلطة....و واحد يستلمها مش قادرة تمسك سلانسيه

ربنا يديكم خيرها و يكفيكم شرها و يديمها عليكم نعمة و يوفقكم للي أحسن منها إن شاء الله

في رعاية الله

[amrelzawawy]

شكرا ليكم جميعا ولذوقكم فى الردود

[MOUSTAFA_SAAD]

ياجماعه اللوجن بتواجه مشكلتين
اولا ان العربيه لسه جديده والناس عاوزه تفهمها
ثانيا عدد كبير من ملاكها بيسوقوا جديد او دى اول عربيه بيمتلكوها فتلاقيهم بيشتكوا شكاوى غريبه وعجيبه وكلها حاجات عاديه فى اى عربيه بس علشان هو لسه جديد فى السواقه الموضوع صعب عليه

[Mzeid]

ياجماعه اللوجن بتواجه مشكلتين
اولا ان العربيه لسه جديده والناس عاوزه تفهمها
ثانيا عدد كبير من ملاكها بيسوقوا جديد او دى اول عربيه بيمتلكوها فتلاقيهم بيشتكوا شكاوى غريبه وعجيبه وكلها حاجات عاديه فى اى عربيه بس علشان هو لسه جديد فى السواقه الموضوع صعب عليه

طيب أنا عندي التعليق ورا شمال بيطرقع : ) بجد

[zkralla]

ياجماعه اللوجن بتواجه مشكلتين
اولا ان العربيه لسه جديده والناس عاوزه تفهمها
ثانيا عدد كبير من ملاكها بيسوقوا جديد او دى اول عربيه بيمتلكوها فتلاقيهم بيشتكوا شكاوى غريبه وعجيبه وكلها حاجات عاديه فى اى عربيه بس علشان هو لسه جديد فى السواقه الموضوع صعب عليه

+11111111111111

[mosomodo]

احلى حاجه فينا اننا بنتناقش فى كل حاجه و ده حاجه مفيده و جميله.

الحاجه اللى مبحبهاش هى الموضوعات و الردود اللى بتهاجم و خلاص و الحمد لله بقت قليله فى الفتره الاخيره.

رسالة حب و اعزاز لكل عضو فى منتدى اللوجان.

[ayman1204]

طيب أنا عندي التعليق ورا شمال بيطرقع : ) بجد

ايوة بس الكلام دا كان فى الاول الكلام دا كان عندى وكان بيخدنى اوى

[mahmoud_979]

انا بس عايز اقول حاجة برغم ان دي اول مشاركة لي ولسة مستلم اللوجان من عشرة ايام بس بصراحة استفدت من موضوع جميل اوي بتاع نور لصلون وازاي نحل المشكلة دي واشكر جدا الاستاذ صاحب الموضوع ده وسف لاني نسيت اسمه ... لكن ارجع واقول انا بقالي حولي 11 سنة باركب عربيات بس بصراحة انا مستريح جدا للعربية دي واكتر حاجة عجبتني فيها انها بمجرد ما اقفل الزجاج بتعزلني كاني عايش لوحدي

[estacoza]

انا عايز اعرف ايه الفروق بالضبط بين اللوجان هاف اوبشن والفل اوبشن عشان انا مقبل على شراء العربيه انشاء الله