لوجان 2011 ومصر للتأمين

[baset]

السلام عليكم ورحمة الله وبركاته

دي إستشارة يا جماعة مش شكوى

أنا إشتريت لوجان آخر السنة اللي فاتت وأمنت عليها تبع مصر للتأمين

دلوقتي مدة التأمين (سنة) قربت تخلص وجاي ميعاد تجديد البوليصة - أنا (الحمد لله) ماعنديش خبطات كبيرة ولا حاجة مهمة تتعمل في العربية بس القصة إن السنة قربت تخلص وأنا ماستفدتش من قيمة التأمين - كمان عندي مجموعة خرابيش بسيطة وشوية نقرات برضه بس مش كبيرة فعايز أعرف أعمل إيه

أتصل بمندوب التأمين وأقوله على الحاجات البسيطة دي وأطلب إنها تتعمل على حسابهم وهل هيرضى ولا هيرفض ويعتبرها كلام فارغ

برضه أنا سألت وعرفت إني لما آجي أجدد بوليصة التأمين على العربية بيبعته مندوب يعاينها وعرفت إنها بهذه الحالة مش هتتقيم كويس بمعنى إن المندوب هيكتب في تقرييره كل هذه الخربشات والنقرات ودة هيقلل في تقييم سعر السيارة

بصراحة محتار ومش عارف أعمل إيه - ياريت حد يشور عليا

[ayman1204]

صلحها على حسابهم وشوفهم هيقولوا اية ...........

[wassim_nasser]

الاستفادة الحقيقية من التأمين بتكون ف حالات الحريق او السرقه او الحوادث الجامدة لا قدر الله طبعا عشان الخسارة بتكون جامدة والتوكيل مابيرحمش .. اما بالنسبه للحاجات البسيطه زي الخدوش و الحكات فهى حاجات سهله بتتعمل ف اي ورشه .. لكن ف كل الحالات من حقك تطلب من التأمين يصلحهالك .. اول حاجه تطلع ع الفرع اللي انت مأمن فيه وتطلب مهندس يعاين الخدوش و يصورها عشان يتأكد ان فيه حاجه هاتتصلح وبعد كده هاتطلع ع التوكيل و هايروح معاك او يروح لوحده عشان يشوف التكاليف و يفاصل مع الناس ال ف التوكيل واما يتفقوا يبتدوا يصلحوا العربية وانت تحاسب وتاخد الفواتير وترجع للتأمين عشان يطلعولك شيك بقيمتهم .. اما لو هاتصلحها ف ورشه مش هايقولك حاجه بس هايطلب منك تصلح براحتك وبرضه ترجعله بالفواتير عشان يطلعلك شيك بقيمتهم .. حاول بس ماتطلعش الغلطه غلطتك عشان مايقولكش سوء استعمال ومالناش دعوة وكده .. بالنسبه للسنة الجاية قيمه القسط هاتزيد بس حاجه بسيطه عشان عملت حاجه ع حسابهم لكن لو مش عايز تجدد براحتك

[Abdm]

حضرتك مقولتش دة تأمين أجبارى علشان أنت مقسط ولا دة تأمين بمزاجك .

لو تأمين علشان أنت مقسط يعنى تأمين غصب عنك ولسة التقسيط ما خلصش يبقى سيب العربية ذى ما هية ومع الوقت ممكن تعمل كذا حاجة مع بعضها
أمل لو ما فيش تقسيط أو خلص أحسنلك ألغى التأمين وأنت أولى بالفرق المبلغ اللى بتدفعة للتأمين وهينفعك لو حبيت تعمل أى حاجة فى العربية بعد كدة

أخيرا لا يفضل أنك تدهن العربية طالما حاجات بسيطة وسيبها ببوية الفبريكة علشان ما يتقلش بعد كدة أنك رشتها نظافة .... خلى كل حاجة ذى ما هية دلوقتى وما تلعبش فى حاجة أفضل ..
والله الموفق والمستعان

[hragheb007]

متابع لأن نفس الموضوع ده عندي بالظبط مشتريها أول 2011 قسط و مأمن عليها في مصر للتأمين برضه و ميعاد التجديد قرب

[baset]

الاستفادة الحقيقية من التأمين بتكون ف حالات الحريق او السرقه او الحوادث الجامدة لا قدر الله طبعا عشان الخسارة بتكون جامدة والتوكيل مابيرحمش .. اما بالنسبه للحاجات البسيطه زي الخدوش و الحكات فهى حاجات سهله بتتعمل ف اي ورشه .. لكن ف كل الحالات من حقك تطلب من التأمين يصلحهالك .. اول حاجه تطلع ع الفرع اللي انت مأمن فيه وتطلب مهندس يعاين الخدوش و يصورها عشان يتأكد ان فيه حاجه هاتتصلح وبعد كده هاتطلع ع التوكيل و هايروح معاك او يروح لوحده عشان يشوف التكاليف و يفاصل مع الناس ال ف التوكيل واما يتفقوا يبتدوا يصلحوا العربية وانت تحاسب وتاخد الفواتير وترجع للتأمين عشان يطلعولك شيك بقيمتهم .. اما لو هاتصلحها ف ورشه مش هايقولك حاجه بس هايطلب منك تصلح براحتك وبرضه ترجعله بالفواتير عشان يطلعلك شيك بقيمتهم .. حاول بس ماتطلعش الغلطه غلطتك عشان مايقولكش سوء استعمال ومالناش دعوة وكده .. بالنسبه للسنة الجاية قيمه القسط هاتزيد بس حاجه بسيطه عشان عملت حاجه ع حسابهم لكن لو مش عايز تجدد براحتك

أولاً: شكراً لحضرتك على الرد بس ليا شوية أسئلة:

- المهندس اللي هيعاين هيرضى إنها تتعمل ولا هيقولي لأ عشان ماتستاهلشي
- لو صلحتها في التوكيل مثلا هسيب العربية كذا يوم ولا عشان دي حاجات صغيرة هاخدها في نفس اليوم
- لما أحاسب الأول وأرجع لشركة التأمين هاخد كل اللي دفعته ولا هينقص منه حاجة مع العلم إن البوليصة بتاعتي شاملة نسبة ال 10% زيادة للتصليح تبع التوكيل
- إيه الفرق بين التصليح في التوكيل وأي ورشة برة
- يعني إيه سوء إستعمال مني مش المفروض هما ملزمين بأي ضرر يصيب السيارة
- في التجديد السنة اللي جاية هيقيمه سعر السيارة بكام

آسف على الإطالة

[baset]

حضرتك مقولتش دة تأمين أجبارى علشان أنت مقسط ولا دة تأمين بمزاجك .

لو تأمين علشان أنت مقسط يعنى تأمين غصب عنك ولسة التقسيط ما خلصش يبقى سيب العربية ذى ما هية ومع الوقت ممكن تعمل كذا حاجة مع بعضها
أمل لو ما فيش تقسيط أو خلص أحسنلك ألغى التأمين وأنت أولى بالفرق المبلغ اللى بتدفعة للتأمين وهينفعك لو حبيت تعمل أى حاجة فى العربية بعد كدة

أخيرا لا يفضل أنك تدهن العربية طالما حاجات بسيطة وسيبها ببوية الفبريكة علشان ما يتقلش بعد كدة أنك رشتها نظافة .... خلى كل حاجة ذى ما هية دلوقتى وما تلعبش فى حاجة أفضل ..
والله الموفق والمستعان

شكراً لرد حضرتك

- أنا مأمن إختياري لأن العربية ولله الحمد جبتها كاش بتحويشة العمر

- أنا فكرت كتير ألغي التأمين بس والله خفت - فعلاً السنة دي ماستفدتش بكل اللي دفعته بس إفرض لا قدر الله السنة اللي جاية حصل حاجة وأنا معنديش قدرة إني أشتري عربية تانية أو أجدد عربية بمبلغ كبير حصلها حاجة

- طيب أنا لو سيبت العربية ببوية الفابريكة يبقى كدة أنا ماستفدتش بالتأمين وبرضه دة بيتهيألي هيأثر لما آجي أأمن تاني

شكراً

[e_amrawad]

سيادتك لو هتأمن في نفس الشركة مش هيبقي فية معاينة ودة طبيعي عشان هو هيفضل مسئول عن الحوادث في السنتين.
تقريباً المبلغ التأميني (سعر السيارة) بيقل في أول سنة من 10 الي 20% من قيمة العربية يعني لو انت مأمن السنة اللي فاتت علي العربية ب 70 ألف, السنة دي هتقل 10% يعني 63 ألف.

ولكن لو هتأمن في شركة تانية هتعمل معاينة وغالباً في المعاينة مبتفرقش الخدوش البسيطة.

[wassim_nasser]

هارد عليك بإختصار .. معظم أسئلتك اجاباتها نسبية وبتبقى حسب الظروف يعنى المهندس يقول تتصلح أو لأ دي حاجه هو بيقررها لما يشوف الخدوش .. كمان موضوع تقعد ف التوكيل يوم أو عشرة ده علي حسب ظروف شغلهم هناك .. كل اللي اقدر اقولهولك ان التأمين بيدقق ف الحوادث الجامدة اللي بتحتاج محاضر شرطه يعنى اتخبطت ف نقل او شجرة (لاقدر الله طبعا) لكن الخدوش والحكات بتتعمل عادي .. بالنسبه للشغل جوة التوكيل او ف ورشة ده يرجع لشطارة الصنايعي يعنى لو هو كويس وفاهم هايطلع شغل نضيف وياما ناس راحت التوكيل واشتكت من السمكرة .. و يستحسن الحاجات الصغيرة تبقى بره التوكيل لأنك هاتدفع بره تلت او ربع ال هاتدفعه ف التوكيل ده غير ان التأمين مش بيفاصل ف شغل الورش لكن بيفاصل التوكيل وده موال رذل .. يعنى من الاخر ماتروحش التوكيل ف سمكره الا وانت مبهدل العربية .. نيجي لحته الشيكات انت كده كده هاتحاسب الورشة أو التوكيل وبعدين تروح التامين بالفواتير ويطلعولك الشيكات وبيحملوك 10% اجباري من تمن التصليح ..

[hobby10]

بص يافندم انا تجربتى الشخصية ان العربية بقالها معايا سنتين ونص من اول سنة والعربية فيها شغل للاسف من الجراج اللى كنت فيه او من الشارع المهم انا لسه اليومين دول وحاليا تحديدا هى بتتعمل فى مركز اصلاح وخلال المدة دى كنت سايباها بحالتها -مش قصدى ان حضرتك تعمل كده بس انا عن نفسى ده اللى حصل بس عموما مبنصحش بكتر عمل شغل تبع التأمين علشان القسط وطبعا وبالذات مصر للتأمين بيغلسوا جامد فى قبول او الاقتناع بالشغل اللى حضرتك عاوز تعمله- المهم العربية بتتعمل دلوقتى بس لما شفت المقايسة لاقيت الخبير نازل بكل الاسعار فى الارض وطبعا لو فى كذا حاجة حتتعمل هو بيعمل اللى بيبان فى التصوير على حد تعبيرهم ومش شرط خالص انه يوافق على كل الشغل وممكن حضرتك تضطر تتحمل بعض التكلفة او تكلفة جزء من الشغل اللى حيتعمل من الاخر بتوع مصر للتأمين بالذات مقرفين

حضرتك متفكرش انك تعمل العربية لمجرد انك تستفيد من القسط حضرتك اعملها لو شايفها محتاجة لده بس ممكن تصبر عليها حتى علشان تاخد العين

بالنسبة بقى انها حتبقى رشة لو حضرتك مش ناوى تبيع قريب يبقى فى جميع الاحوال فى مصر حضرتك قبل ما تيجى تبيعها فى يوم من الايام غالبا حترشها اللى بيسموها رشة نضافة اهم حاجة حضرتك مترشش كبوت ولا شنطة ولا سقف غير كده عادى

متهيقلى فى جميع الاحوال حضرتك بتتحمل 10% من التكلفة بيفرق بقى المبلغ بين الورشة والتوكيل

ربنا يوفقك وتحت امرك فى اى حاجة

[ahmedeg1]

نصيحه من أخ بلاش رش و ممكن توديها عند حد يلمعهالك بكومبوند و لو فى خبطات رد على البارد و لو منفعش خليها كده و بلاش ترش حتى نضافه لكن لو هتأقنيها يبقى أعمل اللى انتا عاوزه

[baset]

سيادتك لو هتأمن في نفس الشركة مش هيبقي فية معاينة ودة طبيعي عشان هو هيفضل مسئول عن الحوادث في السنتين.
تقريباً المبلغ التأميني (سعر السيارة) بيقل في أول سنة من 10 الي 20% من قيمة العربية يعني لو انت مأمن السنة اللي فاتت علي العربية ب 70 ألف, السنة دي هتقل 10% يعني 63 ألف.

ولكن لو هتأمن في شركة تانية هتعمل معاينة وغالباً في المعاينة مبتفرقش الخدوش البسيطة.

طيب حضرتك متأكد فعلاً إني لو هأمن تبع نفس الشركة أكيد مفيش معاينة - أصل أنا إتقالي إن لما آجي أجدد هييجي مندوب من الشركة ويعاين برضه ولما يشوف الخدوش والنقرات دي هيثبتها إن دي كانت حالة العربية لما إتعاقدوه معايا فاملهومشي دعوة بيها.

[baset]

هارد عليك بإختصار .. معظم أسئلتك اجاباتها نسبية وبتبقى حسب الظروف يعنى المهندس يقول تتصلح أو لأ دي حاجه هو بيقررها لما يشوف الخدوش .. كمان موضوع تقعد ف التوكيل يوم أو عشرة ده علي حسب ظروف شغلهم هناك .. كل اللي اقدر اقولهولك ان التأمين بيدقق ف الحوادث الجامدة اللي بتحتاج محاضر شرطه يعنى اتخبطت ف نقل او شجرة (لاقدر الله طبعا) لكن الخدوش والحكات بتتعمل عادي .. بالنسبه للشغل جوة التوكيل او ف ورشة ده يرجع لشطارة الصنايعي يعنى لو هو كويس وفاهم هايطلع شغل نضيف وياما ناس راحت التوكيل واشتكت من السمكرة .. و يستحسن الحاجات الصغيرة تبقى بره التوكيل لأنك هاتدفع بره تلت او ربع ال هاتدفعه ف التوكيل ده غير ان التأمين مش بيفاصل ف شغل الورش لكن بيفاصل التوكيل وده موال رذل .. يعنى من الاخر ماتروحش التوكيل ف سمكره الا وانت مبهدل العربية .. نيجي لحته الشيكات انت كده كده هاتحاسب الورشة أو التوكيل وبعدين تروح التامين بالفواتير ويطلعولك الشيكات وبيحملوك 10% اجباري من تمن التصليح ..

طيب والورش اللي ممكن أتعامل معاها برة دي هما بيبعتوني ليها ولا أنا أختار من عندي؟
ونسبة الـ 10% دي برضة هدفعها رغم إني دافع تمن أعلى بوليصة بزيادة 10% للتصليح في التوكيل؟

[baset]

بص يافندم انا تجربتى الشخصية ان العربية بقالها معايا سنتين ونص من اول سنة والعربية فيها شغل للاسف من الجراج اللى كنت فيه او من الشارع المهم انا لسه اليومين دول وحاليا تحديدا هى بتتعمل فى مركز اصلاح وخلال المدة دى كنت سايباها بحالتها -مش قصدى ان حضرتك تعمل كده بس انا عن نفسى ده اللى حصل بس عموما مبنصحش بكتر عمل شغل تبع التأمين علشان القسط وطبعا وبالذات مصر للتأمين بيغلسوا جامد فى قبول او الاقتناع بالشغل اللى حضرتك عاوز تعمله- المهم العربية بتتعمل دلوقتى بس لما شفت المقايسة لاقيت الخبير نازل بكل الاسعار فى الارض وطبعا لو فى كذا حاجة حتتعمل هو بيعمل اللى بيبان فى التصوير على حد تعبيرهم ومش شرط خالص انه يوافق على كل الشغل وممكن حضرتك تضطر تتحمل بعض التكلفة او تكلفة جزء من الشغل اللى حيتعمل من الاخر بتوع مصر للتأمين بالذات مقرفين

حضرتك متفكرش انك تعمل العربية لمجرد انك تستفيد من القسط حضرتك اعملها لو شايفها محتاجة لده بس ممكن تصبر عليها حتى علشان تاخد العين

بالنسبة بقى انها حتبقى رشة لو حضرتك مش ناوى تبيع قريب يبقى فى جميع الاحوال فى مصر حضرتك قبل ما تيجى تبيعها فى يوم من الايام غالبا حترشها اللى بيسموها رشة نضافة اهم حاجة حضرتك مترشش كبوت ولا شنطة ولا سقف غير كده عادى

متهيقلى فى جميع الاحوال حضرتك بتتحمل 10% من التكلفة بيفرق بقى المبلغ بين الورشة والتوكيل

ربنا يوفقك وتحت امرك فى اى حاجة

متشكر جداً لرد حضرتك وذوقك في الحديث

- أفهم من كلام حضرتك إني ممكن أحوش شوية شغل وأعملهم كلهم آخر السنة ولا التأمين مش هيرضى ويقولي دي حوادث متعددة

- وهل كتر عمل شغل بيأثر في قيمة القسط؟

- هل في شركة مش بتغلس في المواضيع دي ويكون التعامل معاها أيسر؟

شكراً

[baset]

نصيحه من أخ بلاش رش و ممكن توديها عند حد يلمعهالك بكومبوند و لو فى خبطات رد على البارد و لو منفعش خليها كده و بلاش ترش حتى نضافه لكن لو هتأقنيها يبقى أعمل اللى انتا عاوزه

ممكن حضرتك تشرحلي يعني إيه تلميع بكومبوند ده وهل دة ينفع في حالة الخدوش في جسم السيارة والإكصدامات وياريت كمان أعرف تكلفته كام؟