اعمل صيانة ال 5000 و لا بلاش

[fzng2005]

السلام عليكم يا شباب. عندى استفسار هو انى معايا لوجان 2010 ليها سنه و نص و الحمد لله العربيه زى الفلو تمام التمام عدل كام خبطه كده ربنا ييسر و نبقى نصلحهم. المهم: انا ما عملتش غير 7700 كيلو نظرا لسفرى المتكرر خارج البلاد و انشغالى فى العمل. و انا لسه ماغيرتش اى حاجه فى العربيه ياترى اروح اعمل صيانة ال5000 و لا اغير الزيت بره و استنى ال10000 بالمره, خصوصا انى معرفش ايه اخبار مركز الصيانه بتاع اسيوط و خايف يلعبوا فى حاجه يبوظوها خاصة انى مفيش فيها اى مشكله بتاتا. و لو غيرت الزيت بره دا يخرجها من الضمان واغيره باي نوع ؟ ارجو المساعده

[ayman1204]

لا مش بيغيروا حاجة
دول بيكشفوا على العربية - يزودوا مياه
ينفخوا العجل يربطوا العفشة - وحجات تانية ( وببلاش ) لية ما تروحش

[badawy2]

روح طبعا انا روحت صيانة ال 5000 العربية فعلا فرقت معايا وزودا المية والزيت وحلولي مشكلة زنة الفتيس
وخلي بالك لو مروحتش ممكن تخرج من الضمان نهائيا

[elshaky]

روح واعتبره اختبار للتوكيل وتشوف المعامله هناك وكده ومش هتدفع ولا مليم احمر ولو انت قريب من الميكانيكون العرب توكل على الله بجد ناس فى قمه الزوق والادب والشياكه

وبيعملوا شغلهم بضمير انا عملت صيانه ال 5000 وال 10000 هناك بجد مركز شيك جدا

صيانه العشره بالمره كانت ب 446 بالظبط

[hragheb007]

طبعاً تروح

و لو أن المدة اللي قعدتها طويلة عشان تعمل اول صيانة ، بس لازم تروح إن شاء الله على الأقل عشان لو في حاجه مش مظبوطة يظبوطها ، ولو عندك ملاحظات قولهالهم

[fzng2005]

حجزت الحمد لله على يوم الاحد الساعه 3 العصر. ان شاء الله ابقى اقولكم الاخبار

[wassim_nasser]

اه انا بالذات تهمنى اخبار توكيل اسيوط عشان اقرب فرع ليا

[SheNo0o]

نصيحه من اخ مجرب
كل 5 الاف كيلو اربط عفشه جواه التوكيل برة التوكيل مش هتفرق بالنسبه لي المهم تربيط العفشه
وكل 10 تربيط برضه انا بعمل كده من اول ما جبت العربيه ولما اهملت ومربطش ف ال 35 الف العربيه بدات تهبد وكده ودي اهم حاجه علشان تحافظ علي العفشه من البلد والمطبات والدغدغه

[Xlance2010]

بانتظار رأيك فى التوكيل خاصة ان اليوم الاحد .....

اسمى اسفل مشاركتى

[fzng2005]

السلام عليكم . الحمد لله رحت النهارده عملت صيانة ال 5000
اولا انا كنت اخدت معاد الساعه تلاته العصر بس ربنا يسر و وصلت هناك الساعه 2,30
اولا مكان ورشة الصيانه للى مهتم و ما يعرفش : امام المنطقه الجنوبيه العسكريه بمنقباد او ما يعرف بصالة البولينج التابعه للمنطقه العسكريه. المشوار حوالى 20- 30 من قلب مدينة اسيوط . المشكله بس ان مدخل الورشه مش باين على الطريق و موجود فى شارع جانبى ضيق و الصراحه خفت اكابر و احاول ادخلها تتخبط منى. بس لقيت احد الموجديين هناك قالى انا ادخلها احنا متعوديين و عارفين ندخلها ازاى. المهم الحمد لله دخلت بسلام.
استقبلنى احد الموظفيين هناك بكل ادب و زوق و عرف منى اللى انا عايزه من تغيير زيت و فلتر و تربيط عفشه , قلتله على الزنه اللى فى دراع الفتيس اللى بتزيد مع دوسة البنزيين.
قالى كده الحساب حايكون ان شاء الله 219 جنيه. ان لما روحت كان فى عربيتين هناك قبلى بعد خلصوهم بدؤا فى عربيتى و ما اخدوش فيها وقت الصراحه حوالى 15-20 دقيقه بس
و سلموهالى و قالولى كل حاجه تمام.
اول ما ركبت العربيه حسيت بنعومه غير عاديه فى العربيه و صوت الموتور هدى و بقى زى اى عربيه يابانى
الصراحه فرع صيانه محترم بس محتاج مكان احسن شويه و يارب يكملوا فيه باقى الخدمات زى السمكره
ولو فى حد عايز يسئل على حاجه ربنا يسهل و اقدر اساعده و ارد عليه

[Moustafa.yonis]

مش المفروض ببلاش زي ما الناس قالت ، امال ايه الفلوس اللي انت دفعتها دي هل حاجه خاصة ؟

[Xlance2010]

السلام عليكم . الحمد لله رحت النهارده عملت صيانة ال 5000
اولا انا كنت اخدت معاد الساعه تلاته العصر بس ربنا يسر و وصلت هناك الساعه 2,30
اولا مكان ورشة الصيانه للى مهتم و ما يعرفش : امام المنطقه الجنوبيه العسكريه بمنقباد او ما يعرف بصالة البولينج التابعه للمنطقه العسكريه. المشوار حوالى 20- 30 من قلب مدينة اسيوط . المشكله بس ان مدخل الورشه مش باين على الطريق و موجود فى شارع جانبى ضيق و الصراحه خفت اكابر و احاول ادخلها تتخبط منى. بس لقيت احد الموجديين هناك قالى انا ادخلها احنا متعوديين و عارفين ندخلها ازاى. المهم الحمد لله دخلت بسلام.
استقبلنى احد الموظفيين هناك بكل ادب و زوق و عرف منى اللى انا عايزه من تغيير زيت و فلتر و تربيط عفشه , قلتله على الزنه اللى فى دراع الفتيس اللى بتزيد مع دوسة البنزيين.
قالى كده الحساب حايكون ان شاء الله 219 جنيه. ان لما روحت كان فى عربيتين هناك قبلى بعد خلصوهم بدؤا فى عربيتى و ما اخدوش فيها وقت الصراحه حوالى 15-20 دقيقه بس
و سلموهالى و قالولى كل حاجه تمام.
اول ما ركبت العربيه حسيت بنعومه غير عاديه فى العربيه و صوت الموتور هدى و بقى زى اى عربيه يابانى
الصراحه فرع صيانه محترم بس محتاج مكان احسن شويه و يارب يكملوا فيه باقى الخدمات زى السمكره
ولو فى حد عايز يسئل على حاجه ربنا يسهل و اقدر اساعده و ارد عليه

الف مبروك وعقبال صيانة الخمسين ألف :b4_388:

[fzng2005]

الفلوس دى تمن الزيت و الفلتر و تقريبا ضريبة المبيعات