نور السيارة اللوجان

[ahmzayed]

السادة اللوجاتية جميعا برجاء الرد الفورى بدون تأخير اللة يكرمكم فوجئت اليوم عند استعمال النور فى السيارة وانا ماشى بالسيارة لايوجد مشكلة ولكن عند ابطال السيارة وانا لم اقفل النور من ذراع النور ان التابلوة ظل مضىء والكمبيوتر يعطى صفارة احساس بأن هناك شىء خطاء فى السيارة وعندما نظرت المفتاح النور وجدت انة لم يفصل مع اغلاق الكونتاكت وسحب المفتاح من الكونتاكت مثل جميع السيارات الاخرى فهل هذا شىء طبيعى فى السيارة اللوجان ام ماذا ارجو الافادة اللة يكرمكم والرد السريع ويظهر ان الواحد اخذ مقلب فى هذة السيارة واصبحت كل يوم فى مشكلة وربنا يستر من رينو والصيانة الخاصة بها

[nodey]

شوف حضرتك الوضع ده خاص بالرينو او تقريبا في اللثلاثي الاوربي
الرينو البيجو السيتروين
ودي عادي مش مشكلة
يمكن بس حضرتك متعود علي الياباني او اي ماركة اخري بتموت العربية بمجرد فصل الكونتاكت

[MOUSTAFA_SAAD]

اى عربيه كده اساسا مش الرينو بس

مقلب ايه اللى انت خدته بس

[abdo_2812]

يافندم أنا في حياتي ماشفتش عربية كل حاجة فيها متشعلقة في الكونتاكت من بعد الفيات 131

طبيعي جدا الكلام ده، ماتقلقش :)

[shabaka]

هذا اوبشنز بالسياره والصوت الذي سمعته هو تنبيه انك نسيت تطفي نور السيارة
ودي ميزه حلوه لكي لاننسى نور السياره مفتوح ................................ وشكرا

[akerima]

دا شئ طبيعي جدا وفي عربيات كتير جدا كمان - يعني اللوجان مش الوحيدة اللي فيها الكلام دا انا بجد مستغرب من كلامك جدا هو انت كنت راكب اية قبل كده؟؟؟؟؟

[ramy_gamal]

ويظهر ان الواحد اخذ مقلب فى هذة السيارة واصبحت كل يوم فى مشكلة وربنا يستر من رينو والصيانة الخاصة بها

اول مرة اشوف ان العربيه مقلب عشان النور مش مع الكونتاكت جديدة

اى عربيه كده اساسا مش الرينو بس

مش كل العربيات اوى بس هى رينو وستروين فعلا كدة كان معايا ستروين قبل كدة وكان النور مش مع الكونتاكت بس بردة كان فى زنان لو فتحت باب العربيه وانا ناسى النور على طول يشتغل

[Egyzizo]

معلش يا جماعة اللى زى حالاتنا وطالعين من الـ 28 وعائلتها بيبقى الموضوع ده جديد علينا ..

[hassaan]

لما بتقفل الكونتاكت و دراع النور متقفلش بتديك صوت 3 مرات والصوت بينتهي تنبية انت كدة مقفلتش النور بتاع التابلون من دراع الاشارة وانزل اتاكد علشان البطارية متكونش شغالة عالفاضي

[ModySheta]

معلش يا جماعة بالراحة! برضه لسه جديد و الواحد اتعلم حاجات كتير من القسم ده!
أنا حسيت إني خبير باللوجان و أي حد يسألني عليها أقوله عليك و على قسم اللوجان في نايل موتورز:)
الناس فكروني بعمل دعاية للموقع أو باخد نسبة :) :)
ربنا يبارك فيه و في كل المشتركين فيه و في الموقع كمان!
عموماً الفيات الجديد مثلاً كله بيفصل مع الكونتاكت بس عيبه إنك الصبح ممكن تفضل ماشي طول النهار مشغل النور العالي من غير ما تاخد بالك!
حبيت أضيف أي حاجة جنب وحوش اللوجان :)

[Xlance2010]

على فكرة كل السيارات الحديثة النور خارج دائرة الكونتاكت حيث انك لو حدث عطل بالطريق لاقدر الله وحبيت تفصل الموتور وتضىء انوار السيارة لتنبيه مستخدمى الطريق تكون فى امان ، واذا تركت الانوار مضاءة تعطيك تنبيه زى البى ام والمرسيدس والفولفو وكل السيارات العالية يعنى الرينو مش شنعة ولا حاجة
وربنا يبارك لنا فيها

اسمى اسفل مشاركتى