استلام اللوجان

[akramtiti]

السلام عليكم يا احلي منتدي
انا ان شاء الله هستلم بكره العربيه من الطارق في الاسكندريه البلاك لين بس ليه كام ملحوظه
هل الكاسيت بيكون مكتوب عليه ان mp3 ولا لازم احط اسطوانه ام بي 3؟
وانا بكلم المعرض قال هتلاقيها جهزه ومغسوله ومستنياك ايه حكايه مغسوله دي عادي؟
وهو كان قال ان لازم يسجلها في مرور ابيس وبعدين انا اخدها ارخصها عندنا في البلد ليه يسجلها وهل ينفع يسجلها وانا مش معاه لان جي النهارده وقالي كله تمام اخر حاجه انا جايبه تبع بنك من شركتي بيكون نظام التامين يعني الاوراق بتاعت التامين باخدها من المعرض ولا من البنك معلش طولت عليكم بس انا مقلق لانه غلبني في الاستلام وياريت اي نصيحه عند الاستلام من اوراق وخلافه اكون شاكر ولكم جزير الشكر
اخوكم في الله د:اكرم

[wassim_nasser]

بص يا استاذ أكرم انا هاحاول أفيدك علي أد خبرتى المتواضعة .. مبدأيا لازم العربية تتسجل ف المرور اللي تابع له المعرض اللي هايسلمهالك عشان يقدر يطلعلها شهادة بيانات اللي هاتستعملها انت ف المرور بتاعك .. انا عن نفسى قالولي تعالا استلم عربيتك قولتلهم سجلوها و طلعولي شهادة البيانات وانا اجي استلمها وفعلا ده اللي حصل .. موضوع التأمين والشرا عن طريق بنك مش هاعرف افيدك عشان انا جايبها كاش .. بالنسبه لكاسيت البلاك لاين بيكون mp3 سواء كان مكتوب عليه أو لأ بس غالبا هايكون مكتوب عليه .. اهم الحاجات اللي تعرفها ساعه الاستلام (و ياريت تكتبها ف ورقة عشان ماتنساش حاجه واللي تتأكد منه تحط قدامه صح ) .. اولا جسم العربية من بره يكون سليم تماما بدون خدوش ف الابواب او الرفارف او الاكصدامات والمرايات سليمة والفوانيس .. ثانيا الابواب و الشنطة بتفتح بسهولة وتقفل كويس .. ثالثا الفرش سليم وكرسى السواق بيطلع و يرجع و حزام الامان سليم و الكالون بتاعه اللي جنب الكراسى موجود .. اساسيات العربية من نور وفوجات و كلاكس واشارات وانتظار وإزاز كهربا وكاسيت وولاعة و مساحات كل ده يكون شغال كويس .. اخر حاجه ورقك يكون سليم يعنى عقد + شهاده افراج جمركي + شهادة بيانات + كتالوج العربية + كتالوج الكاسيت + كتيب الصيانات + طفاية السجاير + كوريك + مفتاح عجل + استبن سليم كل ده يكون موجود .. والف مبروك

[ahmedeg1]

الكاسيت بيكون مكتوب عليه mp3 ال 2012 كلها كده

[akramtiti]

بص يا استاذ أكرم انا هاحاول أفيدك علي أد خبرتى المتواضعة .. مبدأيا لازم العربية تتسجل ف المرور اللي تابع له المعرض اللي هايسلمهالك عشان يقدر يطلعلها شهادة بيانات اللي هاتستعملها انت ف المرور بتاعك .. انا عن نفسى قالولي تعالا استلم عربيتك قولتلهم سجلوها و طلعولي شهادة البيانات وانا اجي استلمها وفعلا ده اللي حصل .. موضوع التأمين والشرا عن طريق بنك مش هاعرف افيدك عشان انا جايبها كاش .. بالنسبه لكاسيت البلاك لاين بيكون mp3 سواء كان مكتوب عليه أو لأ بس غالبا هايكون مكتوب عليه .. اهم الحاجات اللي تعرفها ساعه الاستلام (و ياريت تكتبها ف ورقة عشان ماتنساش حاجه واللي تتأكد منه تحط قدامه صح ) .. اولا جسم العربية من بره يكون سليم تماما بدون خدوش ف الابواب او الرفارف او الاكصدامات والمرايات سليمة والفوانيس .. ثانيا الابواب و الشنطة بتفتح بسهولة وتقفل كويس .. ثالثا الفرش سليم وكرسى السواق بيطلع و يرجع و حزام الامان سليم و الكالون بتاعه اللي جنب الكراسى موجود .. اساسيات العربية من نور وفوجات و كلاكس واشارات وانتظار وإزاز كهربا وكاسيت وولاعة و مساحات كل ده يكون شغال كويس .. اخر حاجه ورقك يكون سليم يعنى عقد + شهاده افراج جمركي + شهادة بيانات + كتالوج العربية + كتالوج الكاسيت + كتيب الصيانات + طفاية السجاير + كوريك + مفتاح عجل + استبن سليم كل ده يكون موجود .. والف مبروك

الف شكر لرد حضرتك وتكون في ميزان حسناتك

[wassim_nasser]

لا شكر علي واجب يا أخ أكرم احنا كلنا هنا اخوات وتحت أمرك

[ahmscu]

كمان ياسيدى حاول تستلم عربيتك الصبح بدرى عشان تطلع بيها على سموحه فى مركز الصيانه يفكولك الكاسيت ويشغلهولك لان فيه سيكيوريتى كود بيبقى مكتوب على الكاسيت من جوه،الا بقى لو هو شغال ومابيقطعش يبقى انت حظك كويس والكاسيت بتاعك شغال تمام وطبعا خد معاك اسطوانه ام بى ثرى،ونصيحه هامه تجرب كل زراير العربيه وبلاش حكاية غسيل الموتور دى عشان المايه ممكن تبوظ حاجات جوه فى الكهربا

[akramtiti]

كمان ياسيدى حاول تستلم عربيتك الصبح بدرى عشان تطلع بيها على سموحه فى مركز الصيانه يفكولك الكاسيت ويشغلهولك لان فيه سيكيوريتى كود بيبقى مكتوب على الكاسيت من جوه،الا بقى لو هو شغال ومابيقطعش يبقى انت حظك كويس والكاسيت بتاعك شغال تمام وطبعا خد معاك اسطوانه ام بى ثرى،ونصيحه هامه تجرب كل زراير العربيه وبلاش حكاية غسيل الموتور دى عشان المايه ممكن تبوظ حاجات جوه فى الكهربا

متحرمش من نصائح حضرتك بس للاسف محصلش نصيب واستلامها هيتاجل شويه للاجرات بس كان فعلا الكاسيت بيقطع وكانت مغسوله بطريقه بشعه والغريبه ان العربيه الوحيده ( قليل البخت يلاقي العظمه في ...)اللي نزلت بمفتاح واحد اللي فيه الرموت والتاني بيقول غلطه من الشركه الام وهيجي من التوكيل كمان اسبوع عشره ايام مش عارف بيشتغلوني ولا ايه ربنا يكتب اللي فيه الخير