حركات تفقع فى الهاف.

[drsemba]

مش فاهم يعنى ايه تبقى لمبة الابواب موجوده فى التابلوه ومش شغالة؟
والحزام ؟
ده غير الفقع ان فى مكان للمبة درج التابلوه وسايبينو فاضى وليه مش مشغالين خاصية ان السنتر يقفل لوحده بعد ال30 توكيل يفقع.
وبعدين روحت التوكيل اللى فى المقطم عشان حلية المرايا الكوتش من جوه يقولولى هتها من اى واحد بتاع قطع غيار او ارجع للمكان اللى انت شارى منه ايه الهبل ده؟
وقولتلهم على الكابوت وصوت الصفارة قالولى روح القطامية والحرارة اللى فى الدواسة يقولولى معندناش عازل حرارى ده توكيل ايه ده؟

[ahmedeg1]

مش فاهم يعنى ايه تبقى لمبة الابواب موجوده فى التابلوه ومش شغالة؟
والحزام ؟
ده غير الفقع ان فى مكان للمبة درج التابلوه وسايبينو فاضى وليه مش مشغالين خاصية ان السنتر يقفل لوحده بعد ال30 توكيل يفقع.
وبعدين روحت التوكيل اللى فى المقطم عشان حلية المرايا الكوتش من جوه يقولولى هتها من اى واحد بتاع قطع غيار او ارجع للمكان اللى انت شارى منه ايه الهبل ده؟
وقولتلهم على الكابوت وصوت الصفارة قالولى روح القطامية والحرارة اللى فى الدواسة يقولولى معندناش عازل حرارى ده توكيل ايه ده؟

ادخل على اللينك ده
Renault Egypt | Facebook
و قلهم على مشكلتك اللى حصلت فى فرع المقطم و هيحلولك الموضوع
أو روح فرع العبور الناس هناك متعاونه جدا

[Xlance2010]

واضح ان حظك نااااااااااااااااااااااااااار

[drsemba]

سوال هو ظبط الهوا يبقى على كام عشان مظبطش من ساعت ماستلمت وحاسس بكل زلاطاية فى الشارع :(

[MOUSTAFA_SAAD]

انت حتلاقى الكاوتش عندك على 45 او اكتر لانها بتطلع منفوخه جامد من المصنع علشان بيعملوا حساب الركنه

الكتالوج
امامى 29
خلفى 32

على فكره انا بظبط الاربعه على 32 بحس العربيه سحبها حسن والباور انعم

[Ahmed A Rahman]

يعني ايه قلت لهم على المشكلة في المقطم قالولك روح القطامية ؟؟؟

هو فيه ايه في القطامية

[drsemba]

مش عارف ؟ واحد اسمه المهندس اسامة فى قسم المكرة قالى اروح للمهندس ايمن ...

[drsemba]

شكرا يا استا\ مصطفى بس تظبيط الكاوتش كده صيف شتا ؟

[MOUSTAFA_SAAD]

صيف شتا

[jericho]

الي سمعته ان اللمبات دي مش شغالة في الفول اوبشن كمان طبعا باستثناء لمبة درج التابلوه انما لمبة الابواب والحزان مش شغالين في الفول اوبشن كمان وانا معايا هاف برضه والله اعلم

[drsemba]

شكلها فيوزات شايلنها لانى فتحت علبة الفيوزات ولقيتها ناقصة فهل حد جرب قبل كده ؟

[wael30003]

طب ماحد يجرب ويقول لنا طبعا انا لسه ما استلمتش بس اول ما استلم هاقول لكم طبعا

[MOUSTAFA_SAAD]

الي سمعته ان اللمبات دي مش شغالة في الفول اوبشن كمان طبعا باستثناء لمبة درج التابلوه انما لمبة الابواب والحزان مش شغالين في الفول اوبشن كمان وانا معايا هاف برضه والله اعلم

فعلا الفول اوبشن مش شغال فيها برده الحاجات دية

[drsemba]

الفول اوبشن شغال فيها الابواب لكن الحزام لا وفى لمبة للدرج
انا عايز اتاكد هل الهاف مفيهاش لمبة للدرج
وهل التوكيل ينفع يظبط الكلام ده؟

[akerima]

فعلا لمبة الابواب ودرج التابلوة شغالين في الفول لكن لمبة الحذام لا