حاجه غريبة، لمبة الفرامل

[Moustafa.yonis]

السلام عليكم ورحمة الله وبركاته

كيفكم يا شباب لعلكم بخير

لاحظت امبارح ان اللمبات الحمرا اللي في الخلف اللي بتنور لما ادوس فرامل شغاله علي طول

اللمبة اللي في نص في القزاز الخلفي
واللمبتين اللي في الفانوس


ياتري ده سببه ايه


بالمناسبة انا بركب قفل دريسكيون وكنت بربطه بالدبرياج لكن لقيت الناس هنا بتقول الدبرياج لا المفروض يبقي مع دواسة الفرامل
مع ان الراجل في التوفيقه قالي مع الاتنين
هل لما حطيته مع الفرامل عمل ده

ولا ده اوبشن ولا ايه؟؟؟

العربية لسه مكملتش 1000 كيلو

[MOUSTAFA_SAAD]

انا بركب قفل االدركسيون برده فى الفرامل
اتاكد ان دواسة الفرامل مش نازله لتحت بسبب القفل وحاول ترفعها على الاخر

[Moustafa.yonis]

انا بركب قفل االدركسيون برده فى الفرامل
اتاكد ان دواسة الفرامل مش نازله لتحت بسبب القفل وحاول ترفعها على الاخر

باشا العكس اللي بيحصل
القفل بيرفع دواسة الفرامل لفوق مش بيضغط عليها لتحت

وهل مع ذلك لو شغلت العربية ورفعت الدواسة لفوق المفروض اللمبة تفصل ؟

[MOUSTAFA_SAAD]

انا عارف بس ممكن تكون فيه حاجه فى القفل بتزقها سنه صغيره لتحت

او غالبا مكنة الاستوب معلقه

[Moustafa.yonis]

انا عارف بس ممكن تكون فيه حاجه فى القفل بتزقها سنه صغيره لتحت

او غالبا مكنة الاستوب معلقه

معلش يا باشا هو ايه مكنة الاستوب ده

ودي اقدر افك تعليقتها ولا اكلم التوكيل

علي فكرة انا مش موسوس خالص
عادي يعني

بس بما ان العربية ماشاء الله زي الفل يبقي مش لازم اسكت لها علي اي حاجه

[MOUSTAFA_SAAD]

مكنة الاستوب دية اللى بتشغل نور الفرامل لما بتضغط على دواسة الفرامل
وطالما انت فى الضمان روح التوكيل وريح نفسك
بس النور ده طالما شغال على طول يبقى كده حيفضى البطاريه

[Moustafa.yonis]

مكنة الاستوب دية اللى بتشغل نور الفرامل لما بتضغط على دواسة الفرامل
وطالما انت فى الضمان روح التوكيل وريح نفسك
بس النور ده طالما شغال على طول يبقى كده حيفضى البطاريه

هو شغال علي طول والعربية شغاله
لكن لما بطفي المفروض بتفصل

[ahmadmidop]

في حاااجة معلقة هيا بسيطة جرب ارفع الدواسة كده لو مافيش فايدة روح التوكيل وخلاص مش هتاخد 5 دقايق وتتظبط

[gebreel]

مكنة الاستوب

[m_bakr]

مكنة الستوب
كانت عندى نفس المشكلة وغيرولهالى فى صيانة الخمس ألاف (مارس 2010)