افيدونى الشنطة راحت

[mostafamndy]

يا وحوش ...
طبعا الحمد لله على كل حال ... يوم الخميس الماضى 13-11-2011 وعلى كوبرى أكتوبر وأنا ماشى على 80 تقريبا وبعد العباسية وواخد الشمال ومش مدى اى خوانة ... وفجأة اللى قدامى وقف بشكل مفاجىء جدا رغم ان الطريق كان ماشى ... رحت مفرمل انا كمان ووقف على بعد خطوات منه ولسه باخد نفسى ولقيت عربية جيب رزعتنى من ورا لأنه أصلا لم يفرمل إلا وهو على عربيتى ...
نزلت بصيت لقيت الشنطة اخد تطبيقة محترمة ... والاكصدام الخلفى أخد له تطبيقة محترمة هو كمان وحصل فيه كسر وتقريبا شريط النيكل كروم اللى ع الشنطة اتكسر هو كمان ...

أنا عربيتى فول اوبشن 2012 وعاملة تقريبا 2000 كيلو لانى استلمتها فى شهر اغسطس ( رمضان الماضى ) ومأمن عليها فى مصر للتأمين ... يا ترى اروح التوكيل واستفاد بالتأمين والا اعملها عند أىسمكرى ... علما لما حصلت الخبطة الشنطة اتفتحت ومكنتش راضية تقفل وفى الاخر قفلتها بالعافية وهى حاليا لا تفتح ...

[georgedada82]

روح للتوكيل ... طالما انت مامن

[A.Saad]

ممكن تعملها بره وتحاسب التأمين
بس هتجيب فاتورة ضريبية

[MOUSTAFA_SAAD]

لو بسيطه اعمله بره
التوكيل بيغير على طول
شنكه واكصدام ورش
حتلاقى الموضوع دخل فى 3000 جنيه

[nour_nrc]

علي التوكيل علي طول علشان عربيتك ترجع زي الاول واحسن

لان الاكصدام هيتغير
الشنطة هتتغير
هترجع عربية جديدة تاني


نصيحة بقي قبل ما تروح التوكيل شيل من العربية كلمة رينو و لوجان علشان كدا كدا هما هيرموهم و لو جيت تخدهم يقولولك لا

[MOK3336]

أول حاجة تعمل محضر و تقول فيه انك نزلت الصبح لقيتها مخبوطة و متعرفش مين ايلي خبطها
ثاني حاجة تروح تودي العربية للتوكيل و تقولهم اعملولي مقايسة و تسيب العربية هناك و تاخد منهم إيصال بأنهم استلموا العربية
ثالث حاجة هاتروح تعمل محضر في شركة التأمين و تقولهم ان العربية في التوكيل و تديهم عنوانة
رابع حاجة شركة التأمين هتبعت مهندس من عندهم للتوكيل و يتفقوا علي كل حاجة
خامس حاجة التوكيل هيتصلبيك و يقولك ان التكلفة هتبقي قد كده ( هتقوله موافق ) عشان يبدأ يشتغل لكن لو قولتله انك ( مش موافق ) هتدفع تكلفة المقايسة و تكلفة الأرضية بتاعت ركنه العربية في التوكيل
سادس حاجة : هنقول انك وافقت علي التكلفة و خلاص هيبدأو يشتغلوا في العربية
بعد العربية ما تتصلح هضرتك هتدفع للتوكيل المبلغ كلة و هتاخد منهم فاتورة
و تبعت الفاتورة لشركة التأمين و بعد شهر تقريباً بيوصلك شيك بالمبلغ مخصوم منه قيمة 10% من الإجمالي
و قدر الله و ما شاء فعل

[gebreel]

أول حاجة تعمل محضر و تقول فيه انك نزلت الصبح لقيتها مخبوطة و متعرفش مين ايلي خبطها
ثاني حاجة تروح تودي العربية للتوكيل و تقولهم اعملولي مقايسة و تسيب العربية هناك و تاخد منهم إيصال بأنهم استلموا العربية
ثالث حاجة هاتروح تعمل محضر في شركة التأمين و تقولهم ان العربية في التوكيل و تديهم عنوانة
رابع حاجة شركة التأمين هتبعت مهندس من عندهم للتوكيل و يتفقوا علي كل حاجة
خامس حاجة التوكيل هيتصلبيك و يقولك ان التكلفة هتبقي قد كده ( هتقوله موافق ) عشان يبدأ يشتغل لكن لو قولتله انك ( مش موافق ) هتدفع تكلفة المقايسة و تكلفة الأرضية بتاعت ركنه العربية في التوكيل
سادس حاجة : هنقول انك وافقت علي التكلفة و خلاص هيبدأو يشتغلوا في العربية
بعد العربية ما تتصلح هضرتك هتدفع للتوكيل المبلغ كلة و هتاخد منهم فاتورة
و تبعت الفاتورة لشركة التأمين و بعد شهر تقريباً بيوصلك شيك بالمبلغ مخصوم منه قيمة 10% من الإجمالي
و قدر الله و ما شاء فعل

اولا حمد الله على سلامتك يا باشا و ده نصيب في الاول و الاخر

ثانيا اعملها طبعا تبع التأمين زي مالاستاذ قال كدة بس قول اللي حصل بالظبط لأنها مش هتفرق لأن التأمين ضد خطأك و خطأ الغير و ده اصلا خطأ الغير خصوصا كمان انهم هيطلبوا رسم كروكي لحادثة في محضر التأمين اللي بيتعمل في الشركة

و علشان تسرع الاجرائات شوية اطلع على التوكيل بالعربية اعمل مقايسة و اطلع بعد كدة بالعربية بردو على شركة التأمين قلهم حصل كذا كذا هيسألك العربية فين قلهم معايا و ابعتوا معايا مهندس يعاين هيبعتوا واحد يصورها و يبص على المقايسة و يوافق على حاجاة و يلغي حاجات و لو لقى التوكيل بيستهبل هيقلك سيبها هناك و هو هيتفاهم معاهم بس القصة دي هتنجز معاك وقت لو وافقوا على المقايسة على طول بدل ما تستنى انهم يبعتوا مهندس و الكلام ده

[nour_nrc]

أول حاجة تعمل محضر و تقول فيه انك نزلت الصبح لقيتها مخبوطة و متعرفش مين ايلي خبطها
ثاني حاجة تروح تودي العربية للتوكيل و تقولهم اعملولي مقايسة و تسيب العربية هناك و تاخد منهم إيصال بأنهم استلموا العربية
ثالث حاجة هاتروح تعمل محضر في شركة التأمين و تقولهم ان العربية في التوكيل و تديهم عنوانة
رابع حاجة شركة التأمين هتبعت مهندس من عندهم للتوكيل و يتفقوا علي كل حاجة
خامس حاجة التوكيل هيتصلبيك و يقولك ان التكلفة هتبقي قد كده ( هتقوله موافق ) عشان يبدأ يشتغل لكن لو قولتله انك ( مش موافق ) هتدفع تكلفة المقايسة و تكلفة الأرضية بتاعت ركنه العربية في التوكيل
سادس حاجة : هنقول انك وافقت علي التكلفة و خلاص هيبدأو يشتغلوا في العربية
بعد العربية ما تتصلح هضرتك هتدفع للتوكيل المبلغ كلة و هتاخد منهم فاتورة
و تبعت الفاتورة لشركة التأمين و بعد شهر تقريباً بيوصلك شيك بالمبلغ مخصوم منه قيمة 10% من الإجمالي
و قدر الله و ما شاء فعل

مع مصر للتأمين مفيش الكلام ده كله

انت ودي العربية التوكيل و المحضر وخلاص

لان مصر للتامين و التوكيل متفقين مع بعض وانت مش هتدفع غير 10%

[mostafamndy]

مع مصر للتأمين مفيش الكلام ده كله

انت ودي العربية التوكيل و المحضر وخلاص

لان مصر للتامين و التوكيل متفقين مع بعض وانت مش هتدفع غير 10%

شكرا لحضرتك ... أنا حاولت أستفاد من الاتفقاق ده قالوا لى مش ينفع لأن العربية عليها حظر بنك ...

[mostafamndy]

أول حاجة تعمل محضر و تقول فيه انك نزلت الصبح لقيتها مخبوطة و متعرفش مين ايلي خبطها
ثاني حاجة تروح تودي العربية للتوكيل و تقولهم اعملولي مقايسة و تسيب العربية هناك و تاخد منهم إيصال بأنهم استلموا العربية
ثالث حاجة هاتروح تعمل محضر في شركة التأمين و تقولهم ان العربية في التوكيل و تديهم عنوانة
رابع حاجة شركة التأمين هتبعت مهندس من عندهم للتوكيل و يتفقوا علي كل حاجة
خامس حاجة التوكيل هيتصلبيك و يقولك ان التكلفة هتبقي قد كده ( هتقوله موافق ) عشان يبدأ يشتغل لكن لو قولتله انك ( مش موافق ) هتدفع تكلفة المقايسة و تكلفة الأرضية بتاعت ركنه العربية في التوكيل
سادس حاجة : هنقول انك وافقت علي التكلفة و خلاص هيبدأو يشتغلوا في العربية
بعد العربية ما تتصلح هضرتك هتدفع للتوكيل المبلغ كلة و هتاخد منهم فاتورة
و تبعت الفاتورة لشركة التأمين و بعد شهر تقريباً بيوصلك شيك بالمبلغ مخصوم منه قيمة 10% من الإجمالي
و قدر الله و ما شاء فعل

شكرا لحضرتك أنا عملت نفس الخطوات بس حكيت ما حدث بالتفصيل ... وأنا الآن فى انتظار معاينة التأمين يوم الأربعاء ...

[mostafamndy]

الف شكر على نصائحكم الغالية يا وحوش ... وربنا يكفيكم شر الحواداث والخبطات ويبعد عنكم السواقين الغشمين ...