صوت تخبيط

[a_shahen]

السلام عليكم
عندي رينو لوجان 2010 فول أوبشن
لسه عامل صيانة 20000 من 3 أسابيع بعدها بسمع صوت خبط بسيط
قدام شمال، عادة بحس بيه لما أكون راجع من مشوار طويل ولما بكون ماشي على طريق ترابي مكسر، وغالبا صوت الخبط ده بيكون لما العربية بتتهز جامد. زي ما يكون حاجة مش مربوطة كويس.
ولما بغير الدوس على البنزين والفرامل.
تفتكروا يكون الصوت ده أيه، وتنصحوني بأيه؟
ولكم التحية

[gebreel]

طيب انت اخدت مطب جامد او حاجة؟

[elshaky]

ممكن تيل الفرامل وهو ده السبب

[a_shahen]

الفرامل كويسة
أعتقد أنها حاجة في العفشة
على كل حال أنا رايح توكيل العبور بكرة أكشف عن الموضوع ده

[a_shahen]

الموضوع طلع بسيط، رحت توكيل العبور ووجدو مصفحة الموتور مفكوكة.
والحمد لله ربطوها وكله تمام دلوقتي.

[DR_UNIQUE]

نفس الصوت عندي بنفس الوصف....وعربيتي 2010 فول اوبشن ولسا مكمل العشرين الف زيك بالضبط....والصوت عامل زي ما تكون حاجه بتتهز لدرجة اني كنت فاكر اني ناسي حاجه في الشنطه هي اللي بتتهز لان الصوت ده عندي ورا يمين....وبيحصل لما امشي على ارض فيها نقر او طريق ترابي مكسر وكنت رايح للتوكيل لكن الصوت بيختفي ويظهر على فترات فقلت لو ظهر تاني هروح....ومتابع باهتمام

[ch_mahm2024]

كان الصوت ده عندى وركزت معاه طلع مسمار الاوكرة مفكوك وربطتة والصوت راح..... بس بحس بصوت تزييق كده عند التابلوه برده فى المطبات هو صوت خفييييييف خالص بس انا ببقه مركز خالص ولا انفض للموضوع؟؟؟؟ارجو المشورة