أفضل زيت للوجان ؟؟؟؟

[ModySheta]

السلام عليكم جميعاً
أنا معايا لوجان 2011 و إن شاء الله حعمل صيانة 10,000 قريب !
بصراحة كنت محتار أسيبهم يحطولي توتال كوارتز و لا أجيب شل أو موبيل!!!
بعد كده قريت موضوع خاص بالثلاث أنواع زيوت الجديدة اللي نزلوا مصر (كاسترول ، فالفولين، ليكوي مول)
http://www.nilemotors.net/Nile/242091-a.html
(من قسم نيسان)
احترت أكتر! بس بصراحة الناس بيشكروا فيهم أكتر من موبيل و شل!!
اللي زاد و غطى بقى إني و أنا بمون من محطة إمارات سألت عن الزيت الموجود قاللي ده زيت مستورد من الإمارات و مصمم لتحمل الظروف الجوية الشدية الحرارة و الغبار (مواصفات خليجية يعني)!!!
يا ريت لو حد يعرف يقولي إيه هو أكتر زيت مناسب من التلاتة للوجي آخذاً في الاعتبار ظروف مصر الجوية ( سخونة ، برودة ، رمل و تراب) خصوصاً إني ساكن في منطقة جديدة و مش كل الشوارع مرصفة أو ممهدة و طبعاً كلها تراب و رمل و طوب و زلط و أسمنت و كده :(!!!
آسف للإطالة و في إنتظار الرد
جزاكم الله خيراَ


محمود شتا!

[waleedfadeel]

انا حطيت توتال10 الاف من حوالى شهر فى التوكيل عند صيانه 10 الاف لان الشركة المصنعة اوصت بتوتال وريحت دماغى لانهم برضه عايزين يحافظوا عل منتجاتهم واكيد واثقين فى توتال

[MOUSTAFA_SAAD]

سيبك من حكاية الشركه المصنعه اوصت لان ده شغل عقود وتجاره اكتر منه محافظه على المنتجات

انا عندى توتال عامل 9000 كيلو لان العربيه عامله 19000 وشايفه لغاية دلوقتى كويس ولابينقص ولا حاجه زى ماسمعت عن موبيل
بس بفكراحط كاسترول وخصوصا ان فيه بنزينتين طاقه قريبين منى فحاشتريه من مكان مضمون

[mazenzyad]

انا حطيت توتال10 الاف من حوالى شهر فى التوكيل عند صيانه 10 الاف لان الشركة المصنعة اوصت بتوتال وريحت دماغى لانهم برضه عايزين يحافظوا عل منتجاتهم واكيد واثقين فى توتال

صيانة ال 10000 كلفتك كام يا استاذ/ وليد ؟

[waleedfadeel]

صيانة ال 10000 كلفتك كام يا استاذ/ وليد ؟

قالولى حظك ممتاز عندنا تخفيض 20% ودفعت فى حدود 380 جنيه على ما اذكر او يزيد قليلا

[smsm91158]

يا جماعة توتال كوراتز 9000 ممتاز انا قبل كدة سالت واحد خبرة قالى ان مكوناته مستوردة ونضيفة وممتاز بجد وفى زيت كمان شيل هيليكس حلو قوى برده ... بالنسبة لموبيل هنا فى مصر سعمت ان تعبان وزيت كاسترول انا قريت فى منتدى تانى ان واحد فى الخليج حطه فى عربية فورد فوكاس وكان بيتحرق وبيعمل رواسب كربون جوة وقال انه سيئ جدا جدا ...... نصيحة لو عايز تغير خليك فى التوتال كوارتز او شيل هيليكس

[wassim_nasser]

توتااااال

[lord777]

سيبك من حكاية الشركه المصنعه اوصت لان ده شغل عقود وتجاره اكتر منه محافظه على المنتجات

انا عندى توتال عامل 9000 كيلو لان العربيه عامله 19000 وشايفه لغاية دلوقتى كويس ولابينقص ولا حاجه زى ماسمعت عن موبيل
بس بفكراحط كاسترول وخصوصا ان فيه بنزينتين طاقه قريبين منى فحاشتريه من مكان مضمون

حضرتك بتقول ها اشتريه انت ها تغيره بره التوكيل
ارجوا الرد

[Super_Star_h]

انا بحط شل الاصفر علطول
وبقعده فوق ال 5 الاف والزيت بيبقى لسه فيه لزوجه
موبيل جربته مره ومحطتوش تانى
قعد 3 الاف ونزل لاقيته ميه وكمان بينقص

[ahmedbasto]

يعنى التوتال والشيل
بس انا شوفت ان التوتال فرنساوى

[MOUSTAFA_SAAD]

حضرتك بتقول ها اشتريه انت ها تغيره بره التوكيل
ارجوا الرد

انا ان شاء الله حاعمل صياناتى بره التوكيل بعد كده

وممكن تشترى الزيت اللى انت عاوزه وتوديه للتوكيل يغيرهولك