Tweet
انا حجزت صيانة 25000 يوم الاثنين 31/ 10 فى الفرع الجديد فى القطامية
حد يعرف اى اخبار عن الفرع دة او حد جرب يعمل الصيانة فية
حد يعرف اى اخبار عن الفرع دة او حد جرب يعمل الصيانة فية
-
-
أرجو ان حد يفيدك ..
بس برضه يا ريت بعد زيارتك تعطينا انطباعاتك عن المكان ، وخصوصاً وصف الطريق ، والزحمة ، وانطباعك عن جودة الخدمة ، وتوفر قطع الغيار.
هيبقى تقرير حصرى على فكرة.
وليا سؤال : حضرتك حجزت امتى علشان تاخد موعد يوم 31؟[LEFT]The only alternative to coexistence is codestruction - [I]Nehru[/I]
[/LEFT]
[LEFT][COLOR=#000000][LEFT]
[/LEFT]
[/COLOR][/LEFT] -
اتصلت 16202 يوم السبت 28/10 الساعة 11.30 مساء
وكنت دائما بروح فرع المقطم ولكن لقيت اقرب ميعاد بعد العيد فطلبت ميعاد قريب الموظف قالى على الفرع الجديد واكد انة مش مركز معتمد زى فرنش موتورز او الميكانيكيون العرب . دة فرع جديد زى المقطم والعبورComment
-
منتظرين تقريرك ... :)
المشاركة الأصلية كتبت بواسطة egyzizo مشاهدة المشاركة
فعلاً يا ريت تقولنا أخبار الصيانة حتكون إيه و عدد العربيات و المعاملة و الاهتمام بالعربية و بملاحظاتك!!! و لك جزيل الشكر...
الواحد عاوزيخفف الضغط على المقطم و العبور بس خايف يكون الناس اللي هناك مش قد كده![CENTER][FONT=Lucida Sans Unicode]محمود شــتا[/CENTER]
[/FONT]Comment
-
انا لا بروح العبور ولا المقطم انا بروح الميكانيكون العرب بدون حجز ووجع قلب وناس هناك ف قمه الزوق ومركز شيك والمصنعيه قليله مش زى التوكيل والحمد لله انا مرتاح معاهم وعملت هناك صيانتين ال 5 وال 10 الاف
واتأكدت من انهم بيفهموا ف شغلهم فى مره روحت قولتلهم عندى طقه شمال المهم العربيه قعدت ساعه وكانوا بيغيروا زيت برضو وخرجت العربيه وقالولى الطقه من الجلب بتاعت المقص وكانوا عايزين يغيروا المقص كله المهم انا جبت جلب المقص ورحت ركبتها والحمد لله لم اسمع الطقه مره اخرى وده دليل على انهم عرفوا الطقه منين وقبل كده كان فى ميكانيكى بيبص على العفشه ومعرفش الطقه منين خالصComment
-
أنا برضه باتعامل مع مركز معتمد ومستريح جداً معاه بس هى الفكرة فى المراكز المعتمدة زى الميكانيكيون العرب وغيره ان الواحد بيخاف تكون قطع الغيار غير الاعتيادية (الغير خاصة بالصيانة الروتينية) مش متوفرة عندهم.[LEFT]The only alternative to coexistence is codestruction - [I]Nehru[/I]
[/LEFT]
[LEFT][COLOR=#000000][LEFT]
[/LEFT]
[/COLOR][/LEFT]Comment
-
انا اتعملت معاه بس مش فى الصيانه الدوريه
اللى حصل انى رحت الثلاثاء اللى فات المقطم لصيانه 5000 وكنت حاجز تمام
لما اشتكيت من سخونيه الدوسات قالولى اتنقل فى القطاميه
كلمت الحجز تانى ورحت تانى يوم
المهم هو فعلا مركز صيانه متكامل لسه مجهز لدرجه ان الكراسى بالاستكرز اللى عليها وشاشات التلفزيون لسه بتركب
بس بالنسبه للمعامله
1- استاذ حسام اللى هناك شخص قمه قمه الاحترام والشياكه والذوق
2- استراحه العملاء فى الدور الثانى على ومن الشباك شايف كل حاجه بتحصل فى العربيه
3-الموضوع خد ساعه ونصف بالضبط
4- وده المهم فوجت بالاستاذ حسام ده تانى يوم بيطلبنى علشان يتطمن اخبار السخونيه ايه
اه والله حصل وانا ولا اعرفه ولا حاجه
----------------------------
اهم حاجه بقه الطريق للمركز علشان انا تهت
جنب محمد ذكى على شماله
يعنى كائنك رايح تطلع الدائرى وقبل ماتطلع الدائرى تمشى فى الطريق اللى على شمالك عكس اتجاه حوالى 50 متر جنب بنزينه فى الشارع اللى قبلها
خش على جوجل وبعدين الخرائط وبعدين حط الاحدثيات دى
29.981628,31.360656لقد غاب البرلمان 10 شهور ولم اشعر بغيابه، وغاب عامل النظافة يومين ... فعرفت من يستحق الاحترام اكثرComment
-
مشكور يا أستاذ توفيق على تقرير حضرتك
ور بنا يجعله فرع أحسن من اللي قبله[CENTER][img3]http://img833.imageshack.us/img833/6072/hanylogan.jpg[/img3][/CENTER]Comment
-
الف شكر يا باشا
يعني اعمل صيانة العشرين فيه يعني ولا اخليني في المقطميجب تعديل حجم الصورةComment
-
انا اسف على التأخير فى الرد
طبعا انا عايز اشكر العضو جاب الاحداثيات من جوجل عرفت اوصل بسهولة جدا
وصلت الساعة 9 مدخل الشارع شكلة صعب شوية بس المبنى من برة شكلة تمام
سلمت العربية الساعة 9.15
المهندس كتب كل الملاحظات كانت صيانة 25000 كنت عايز اغير التيل واضبط كرسى القيادة الحركة بتاعتة كانت صعبة شوية " للامام والخلف" وكنت عايز اضبط زوايا لكن المهندس اعتذر لعدم وجود جهاز الضبط
بعد كدة طلعت الاستراحة فى الدور الثانى ودى كانت المتعة الحقيقة فى الفرع الجديد معلش الواى فاى لم يعمل بعد فقمت بصيت من الزجاج لقيت الصيانة كلها واضحة امامى مش زى فرع المقطم تشوف حتة صغيرة جدا
طبعا انا لم اكتفى بذلك فتحت الشباك وقعت اتفرج على العربية العامل كشف على الانوار كلها ومستوى الزيوت والمياة وربط العفشة وبعد كدة غير التيل وبعد كدة المهندس راجع على شغلة
بعد كدة العربية خرجت على الغسيل ودى برضة جديدة فى المقطم مرة واحدة بس اتغسل الموتور بعد غيار الزيت ولكن فى الفرع دة اتغسلت العربية كلها من الخارج بالمياة فقط ومن الداخل بالمكنسة الولد خلهالى زى الفل وغسل الدواسات والزجاج " ابقوا راعوة "
بعد كدة دفعت الفلوس بتاعة التيل 320 جنية تقريبا " مش فاكر قوى"
سالت فى الصيانة الجاية 3000 كم على موضوع فلتر البنزين اللى بيتغير قالى المهندس المغربى لايوجد بة فلتر منفصل فلا يتم دفع مصاريف تغيير الفلتر فى هذة الصيانة
تانى يوم اتصل واحد من خدمة العملاء يسال عن مستوى الخدمة فى الفرع الجديد
انا اسف على الاطالة ويارب الصور تعجبكمComment
-
انا عاوز اعرف مدخله منين بالظبط لأني كل يوم و انا راجع من الشغل ببص على اي مدخل بناء على احداثيات جوجل مبلاقيش اي مدخل
انا عاوز اعرف بعد ما بطلع من النفق اللي تحت الدائري الطريق بيلف يمين و بلاقي محمد زكي و بفاريا قدامي فين بقى؟!!يجب تعديل حجم الصورةComment
-
شكرا للتقرير والصور الهايله .. تسلم يا باشاComment
-
أول ما تطلع من النفق ادخل يمين هيبقى محمد زكي في ظهرك علي الشمال كمل علي طول وخد أول يوترن و امشي عكسيا 10 متر ادخل الشارع اللي علي ناصية بنزينة موبيلComment
-
جزاك الله خيرا على الاحداثيات
و شكرا على الصور[CENTER]:7[1]:
[aldl]http://display-picture.jro7i.com/data/thumbnails/11/CA23YZML.jpg[/aldl][/CENTER]Comment
-
الف شكر يا باشا
انا كدة تقريبا عرفت هو فين انا من الخريطة كنت باصص العكس تماما =))
ان شاء الله هعمل صيانة ال 20 هناك و هقلكم ايه الاخباريجب تعديل حجم الصورةComment
Comment