لوجان زيرو

[h_fouad_rasheed]

السلام عليكم ورحمة الله

شباب احلى منتدى... يا رب تكونوا بخير

انا عضو جديد في قسم اللوجان, ولسة مستلم يوم الخميس اللي فات والحمدلله
عايز نصايحكوا الجامده جدا قبل ماعمل اي حاجة... انا لسة مارخصتش, ممكن ارخص يوم الاربعاء إن شاء الله

ماتبخلوش عليا بالنصائح الواجب اتباعها مع اللوجان من اول يوم عشان بصراحة مش عايز اقصر معاها... عايز نصايحكوا في كل شئ: صيانة, استخدام, عناية, كله ... خصوصا انها اول عربية زيرو في حياتي

وشكرا ليكم

[frhateg]

1000 مبروك . و ربنا يديك خيرها و يكفيك شرها . آمين .

[shabaka]

الف الف الف مبروك

[elpasha1]

ربنا يكفيك شرها

[h_fouad_rasheed]

الله يبارك فيكوا جميعا... ربنا يتقبل منكم

بس اية يا جماعة مافيش حاجة المفروض اعملها ولا اية!!!؟؟؟
هو صحيح انا جبت زيرو بس اكيد العربية مش هتعمل كل حاجة بنفسها
فينكوا يا جماعة الخير

[ModySheta]

ألف مبروك و ربنا يبارك لك فيها و يكفيك شرها!
مفيش حد يقدر إنه يقولك كل اللي إنت عاوزه ! ده القسم فيه أكتر من 132 صفحة و كل صفحة فيها ما لا يقل عن 10 أسئلة مختلفة غير الردود! نصيحة إقرا تعليمات الترخيص و التليين و بعد كده إفتح كل صفحة و إقرا الموضوع اللي يشدك و اللي تحس إنها مشكلة ممكن تقابلك! و ربنا معاك! أنا عملت كده و مهدتش غير لما خلصت كل مواضيع القسم و خلي بالك في مواضيع طويلة و في مواضيع توديك لأقسام تانية!

و في النهاية أهلا بيك لوجاناوي جديد ... :)

محمود شتا

[h_fouad_rasheed]

ألف مبروك و ربنا يبارك لك فيها و يكفيك شرها!
مفيش حد يقدر إنه يقولك كل اللي إنت عاوزه ! ده القسم فيه أكتر من 132 صفحة و كل صفحة فيها ما لا يقل عن 10 أسئلة مختلفة غير الردود! نصيحة إقرا تعليمات الترخيص و التليين و بعد كده إفتح كل صفحة و إقرا الموضوع اللي يشدك و اللي تحس إنها مشكلة ممكن تقابلك! و ربنا معاك! أنا عملت كده و مهدتش غير لما خلصت كل مواضيع القسم و خلي بالك في مواضيع طويلة و في مواضيع توديك لأقسام تانية!

و في النهاية أهلا بيك لوجاناوي جديد ... :)

محمود شتا

الله يبارك فيك ياباشا... تسلم على النصيحة, انا فعلا بدأت الف في المنتدى بشكل عام وقريت برده نصائح التليين والاستلام وربنا ييسر مع اول صيانة هبتدي اسال التوكيل نفسة كمان عن اللي هيقابلني

[wael30003]

اقرأ ترجمة كتالوج صيانة اللوجان هتلقيه فى المنتدى هيفيدك كتير

[mohamed9999]

هو انت جبتها قسط طيب اخبار قطع الغيار ايه بيقولو غاليه ناااااااااار

[amriar]

ألف مليون مبروك و عقبال 100 عربيه زيرو يا باشا و ربنا يديك خيرها و يكفيك شرها

ارجوك اتأكد من ضغط الكاوتش و لو تعمله نيتروجين يبقي احسن و خليه كله 30 حتى...

راعى ظروف التليين السرعه مش تزيد عن 130 و الار بى ام عن 3.5

دا اللي عرفته لانى لسه مستلم و ها اقولك اى حاجه تانيه اعرفها

[h_fouad_rasheed]

هو انت جبتها قسط طيب اخبار قطع الغيار ايه بيقولو غاليه ناااااااااار

اه جبتها قسط... بس موضوع قطع الغيار ده مالقيتوش بالشناعة دي بصراحة... العادي يعني... بس هي تعتبر برده معمرة اكتر من قطع الغيار الارخص منها... بس بيني وبينك كمني جايبها زيرو مادقتش اوي على الموضوع ده

وبعدين عجيبتني جدا من كل العربيات اللي في نفس الفئة وده خلاني اتغاضي عن موضوع قطع الغيار برده

[h_fouad_rasheed]

ألف مليون مبروك و عقبال 100 عربيه زيرو يا باشا و ربنا يديك خيرها و يكفيك شرها

ارجوك اتأكد من ضغط الكاوتش و لو تعمله نيتروجين يبقي احسن و خليه كله 30 حتى...

راعى ظروف التليين السرعه مش تزيد عن 130 و الار بى ام عن 3.5

دا اللي عرفته لانى لسه مستلم و ها اقولك اى حاجه تانيه اعرفها

الله يبارك فيك يا عمرو باشا

وكل اللي قلته تم تنفيذه بالفعل... وربنا يديك خيرها ويكفيك شرها
واحب اقولك ان العربية دي بعد الالف الاولى هتبقي عربية تانية من سحب وصوت ماتور ونعومة في السواقة

انا عامل دلوقتي 1800 تقريبا... وحاسس ان في حاجات كتير فرقت

بس خلي بالك منها وماتهينهاش.. وراعي مواصفات التليين

[halem0000]

ألف ألف مبرووووك ياباشا وعقبالنا يارب أنا خلاص هستلم كمان يومين كده
بس كنت عاوز اعرف منك معلومة انت رخصت بكاااام ؟؟

[h_fouad_rasheed]

ألف ألف مبرووووك ياباشا وعقبالنا يارب أنا خلاص هستلم كمان يومين كده
بس كنت عاوز اعرف منك معلومة انت رخصت بكاااام ؟؟

والله ماضحكش عليك مش فاكر اوي... بس حوالي 850 جنية

[halem0000]

والله ماضحكش عليك مش فاكر اوي... بس حوالي 850 جنية

طيب تمام بس كام سنة ياباشا